ஆத்மாநமித்யாதி³ கேவலஜ்ஞாநாந்முக்திரித்யேவம்பரதயா வ்யாக்²யாதம் ஸம்ப்ரதி தத்ர ப⁴ர்த்ருப்ரபஞ்சவ்யாக்²யாமுத்தா²பயதி —
ஸ்வாத்மேதி ।
ஆத்மலோகோபாஸகஸ்ய கர்மாபா⁴வே கத²ம் தத³க்ஷயவாசோயுக்திரித்யாஶங்க்ய கர்மாபா⁴வஸ்யாஸித்³தி⁴மபி⁴ஸந்தா⁴ய கர்மஸாத்⁴யம் லோகம் வ்யாக்ருதாவ்யாக்ருதரூபேண பி⁴நத்தி —
லோகஶப்³தா³ர்த²ஞ்சேதி ।
ஔத்ப்ரேக்ஷிகீ கல்பநா ந து ஶ்ரௌதீதி வக்தும் கிலேத்யுக்தம் । தத்ரா(அ)(அ)த்³யம் லோகஶப்³தா³ர்த²மநூத்³ய தது³பாஸகஸ்ய தோ³ஷமாஹ —
ஏக இதி ।
பரிச்சி²ந்ந: கர்மாத்மா தத்ஸாத்⁴யோ வ்யாக்ருதாவஸ்தோ² லோகஸ்தஸ்மிந்நஹங்க்³ரஹோபாஸகஸ்யேதி யாவத் । கிலஶப்³த³ஸ்து பூர்வவத் ।
த்³விதீயம் லோகஶப்³தா³ர்த²மநூத்³ய தது³பாஸகஸ்ய லாப⁴ம் த³ர்ஶயதி —
தமேவேதி ।
யதா² குண்ட³லாதே³ரந்தர்ப³ஹிரந்வேஷணே ஸுவர்ணாதிரிக்தரூபாநுபலம்பா⁴த்தத்³ரூபேணாஸ்ய நித்யத்வம் ததா² கர்மஸாத்⁴யம் ஹிரண்யமர்கா³தி³லோகம் கார்யத்வாத³வ்யாக்ருதம் காரணமேவேத்யங்கீ³க்ருத்ய யஸ்தஸ்மிந்நஹம்பு³த்³த்⁴யோபாஸ்யே தஸ்யாபரிச்சி²ந்நகர்மஸாத்⁴யலோகாத்மோபாஸகத்வாத்³ப்³ரஹ்மவித்த்வம் கர்மித்வம் ச க⁴டதே தஸ்ய க²ல்வாத்மைவ கர்ம தேந தஸ்ய தந்ந க்ஷீயதே । ய: புநரத்³வைதாவஸ்தா²முபாஸ்தே தஸ்யா(அ)(அ)த்மைவ கர்ம ப⁴வதீதி ஹி ப⁴ர்த்ருப்ரபஞ்சைருக்தமித்யர்த²: ।
ஆத்மாநமித்யாதி³ஸமுச்சயபரமிதி ப்ராப்தம் பக்ஷம் ப்ரத்யாஹ —
ப⁴வதீதி ।
ஶ்ரௌதத்வாபா⁴வே ஹேதுமாஹ —
ஸ்வலோகேதி ।
ஸ்வம் லோகமத்³ருஷ்ட்வேத்யத்ர ஸ்வலோகஶப்³தே³ந பரஸ்ய ப்ரக்ருதஸ்யா(அ)த்மாநமேவேத்யத்ர ப்ரக்ருதஹாநாப்ரக்ருதப்ரக்ரியாபரிஹாரார்த²முக்தத்வாந்நாத்ர லோகத்³வைவித்³யகல்பநா யுக்தேத்யர்த²: ।
லோகஶப்³தே³நாத்ர பரமாத்மபரிக்³ரஹே ஹேத்வந்தரமாஹ —
ஸ்வம் லோகமிதீதி ।
யதா² லோகஸ்ய ஸ்வஶப்³தா³ர்தோ² விஶேஷணம் ததா²(அ)(அ)த்மாநமித்யத்ர ஸ்வஶப்³த³பர்யாயாத்மஶப்³தா³ர்த²ஸ்தஸ்ய விஶேஷணம் த்³ருஶ்யதே ந ச கர்மப²லஸ்ய முக்த்யமாத்மத்வமதோ லோகஶப்³தோ³(அ)த்ர பரமாத்மைவேத்யர்த²: ।
ப்ரகரணாத்³விஶேஷணாச்ச ஸித்³த⁴மர்த²ம் த³ர்ஶயதி —
தத்ரேதி ।
பரஸ்யைவ லோகஶப்³தா³ர்த²த்வே ஹேத்வந்தரமாஹ —
பரேணேதி ।
உக்தமேவ ப்ரபஞ்சயதி —
புத்ரேதி ।
அத² பரேஷு வாக்யேஷு பரமாத்மா லோகஶப்³தா³ர்த²: ப்ரக்ருதே து கர்மப²லமிதி வ்யவஸ்தே²தி சேந்நைவமேகவாக்யத்வஸம்ப⁴வே தத்³பே⁴த³ஸ்யாந்யாய்யத்வாதி³த்யாஹ —
தைரிதி ।
ஏகவாக்யத்வஸம்பா⁴வநாமேவ த³ர்ஶயதி —
இஹாபீதி ।
யதோ²த்தரத்ரா(அ)(அ)த்மாதி³ஶப்³தே³ந லோகோ விஶேஷிஸ்ததா²(அ)(அ)த்மாநமித்யத்ராப்யாத்மஶப்³தே³ந விஶேஷ்யதே । பூர்வவாக்யே ச ஸ்வம் லோகமத்³ருஷ்ட்வேதி ஸ்வஶப்³தே³நா(அ)(அ)த்மவாசிநா தஸ்ய விஶேஷணம் த்³ருஶ்யதே । ததா² ச பூர்வாபராலோசநாயாமேகவாக்யத்வஸித்³தி⁴ரித்யர்த²: ।
ப்ரகரணேந தஸ்ய லோகஶப்³தா³ர்த²த்வமயுக்தம் லிங்க³விரோதா⁴தி³தி சோத³யதி —
அஸ்மாதி³தி ।
ததே³வ விவ்ருணோதி —
இஹேத்யாதி³நா ।