உத்தரவாக்யவ்யாவர்த்யம் பூர்வபக்ஷமாஹ —
ப்³ரஹ்மணேதி ।
அத்புநரசேதநமகிஞ்சித்கரமித்யாஶங்க்யா(அ)(அ)ஹ —
தச்சேதி ।
ஸர்வைரேவ வணை: ஸ்வஸ்ய கர்தவ்யதயா தாந்ப்ரதி நியந்த்ரு பூ⁴த்வேதி யோஜநா ।
தஸ்ய புமர்தோ²பாயத்வப்ரஸித்³தி⁴மாதா³ய ப²லிதமாஹ —
தஸ்மாதி³தி ।
அவிதி³தோ(அ)பீதி ச்சே²த³: ।
தே³வதாகு³ணவத்கர்ம முக்திஹேதுரிதி பக்ஷம் ப்ரதிக்ஷேப்துமுத்தரம் வாக்யமுத்தா²பயதி —
அத ஆஹேதி ।
ஜா²நாதே³வ முக்திர்ந கர்மணேத்யாக³மப்ரஸித்³த⁴மிதி நிபாதயோரர்த²: ।
தத்ர நிமித்தமுபாதா³நஞ்சேதி த்³வயம் ஸம்க்ஷிபதி —
அவித்³யேதி ।
நிமித்தம் நிவ்ருணோதி —
அக்³ந்யதீ⁴நேதி ।
ஆத்மாக்²யஸ்ய லோகஸ்ய ஸத்த்வே ஹேதுமாஹ —
ஆத்மத்வேநேதி ।
அஹம் ப்³ரஹ்மாஸ்மீத்யத்³ருஷ்ட்வேதி ஸம்ப³ந்த⁴: । ய: பரமாத்மாநமவிதி³த்வேவ ம்ரியதே தமேநம் பரமாத்மா ந பாலயதீதி யோஜநா ।
பரமாத்மந: ஸ்வரூபத்வாத³விதி³தஸ்யாபி பாலயித்ருத்வம் ஸ்யாதி³த்யாஶங்க்யா(அ)(அ)ஹ —
ஸ யத்³யபீதி ।
லோகஶப்³தா³து³பரிஷ்டாத்ததா²(அ)பீதி த்³ரஷ்டவ்யம் । அவிதி³த இத்யஸ்ய வ்யாக்²யாநமவித்³யயேத்யாதி³ ।
பரமாத்மாக்²யோ லோகோ நாஜ்ஞாதோ பு⁴நக்தீத்யத்ர கர்மப²லபூ⁴தம் லோகம் வைத⁴ர்ம்யத்³ருஷ்டாந்ததயா த³ர்ஶயதி —
அஸ்வ இவேதி ।
அஜ்ஞாதஸ்யாபாலயித்ருத்வே ஸாத⁴ர்ம்யத்³ருஷ்டாந்தமாஹ —
ஸம்க்யேதி ।
யதா² லௌகிகோ த³ஶமோ த³ஶமோ(அ)ஸ்மீத்யஜ்ஞாதோ ந ஶோகாதி³நிவர்தநேநா(அ)(அ)த்மாநம் பு⁴நக்தி ததா² பரமாத்மா(அ)பீத்யர்த²: ।
தத்ரைவ ஶ்ருத்யுக்தம் த்³ருஷ்டாந்தத்³வயம் வ்யாசஷ்டே —
யதா² சேத்யாதி³நா ।
அவித்³யாதீ³த்யாதி³ஶப்³தே³ந தது³த்த²ம் ஸர்வம் ஸம்க்³ருஹ்யதே ।
யதி³ஹேத்யாதி³வாக்யாபோஹ்யம் சோத்³யமுத்தா²பயதி —
நந்விதி ।
நந்வநிஷ்டப²லநிமித்தஸ்யாபி கர்மண: ப²லப்ராப்தித்⁴ரௌவ்யாத்கத²ம் கர்மணா மோக்ஷ: ஸேத்ஸ்யதி தத்ரா(அ)(அ)ஹ —
இஷ்டேதி ।
பா³ஹுல்யமஶ்வமேதா⁴தி³கர்மணோ மஹத்தரத்வம் தத்³தி⁴ து³ரிதமபி⁴பூ⁴ய மோக்ஷமேவ ஸம்பாத³யிஷ்யதீத்யர்த²: ।
யத்க்ருதகம் தத³நித்யமிதி ந்யாயமாஶ்ரித்ய பரிஹரதி —
தந்நேத்யாதி³நா ।
ஸப்தம்யர்த²: ஸம்ஸார: இஹேதிநிபாதார்த²ம் ஸூசயதி —
அத்³பு⁴தவதி³தி ।
அநேவம்வித்த்வம் வ்யாகரோதி —
ஸ்வம் லோகமிதி ।
யதோ²க்தோ விதி⁴ரந்வயவ்யதிரேகாதி³: புண்யகர்மச்சி²த்³ரேஷு து³ரிதப்ரஸக்திம் நிவாரயதி —
நைரந்தர்யேணேதி ।
ததா² புண்யம் ஸம்சிந்வதோ(அ)பி⁴ப்ராயமாஹ —
அநேநேதி ।
ப்ரக்ராந்தயச்ச²ப்³தா³பேக்ஷிதம் கத²யதி —
தத்கர்மேதி ।
ப்ராகு³க்தந்யாயத்³யோதீ ஹேதி நிபாத: ।
காரணரூபேண கார்யஸ்ய த்³ருவத்வமாஶங்க்யா(அ)(அ)ஹ —
தத்காரணயோரிதி ।
முக்தேரநித்யத்வதோ³ஷஸமாதி⁴ஸ்தர்ஹி கேந ப்ரகாரேண ஸ்யாதி³த்யாஶங்க்யா(அ)(அ)ஹ —
அத இதி ।
ஆத்மஶப்³தா³ர்த²மாஹ —
ஸ்வம் லோகமிதி ।
ததே³வ ஸ்பு²டயதி —
ஆத்மாநமிதீதி ।
ஆத்மஶப்³த³ஸ்ய ப்ரக்ருதஸ்வலோகவிஷயத்வே ஹேத்வந்தரமாஹ —
இஹ சேதி ।
ப்ரயோகே³ து புநருக்திப⁴யாத³ர்தா²ந்தரவிஷயத்வமபி ஸ்யாதி³த்யர்த²: ।
வித்³யாப²லமாகாங்க்ஷாத்³வாரா நிக்ஷிபதி —
ஸ ய இதி ।
கர்மப²லஸ்ய க்ஷயித்வமுக்த்வா கர்மணோ(அ)க்ஷயத்வம் வத³தோ வ்யாஹதிமாஶங்க்யா(அ)(அ)ஹ —
கர்மேதி ।
வாக்யஸ்ய விவக்ஷிதமர்த²ம் வைத⁴ர்ம்யத்³ருஷ்டாந்தேந வ்யாசஷ்டே —
யதே²தி ।
அவிது³ஷ இதி ச்சே²த³: ।
கர்மக்ஷயே(அ)பி வா விது³ஷோ து³:கா²பா⁴வே த்³ருஷ்டாந்தமாஹ —
மிதி²லாயாமிதி ।