ಸಮನಂತರಸಂದರ್ಭಸ್ಯ ತಾತ್ಪರ್ಯಮುಕ್ತ್ವಾ ವಾಕ್ಯಾಕ್ಷರಾಣಿ ಯೋಜಯತಿ —

ತಸ್ಯಾ ಇತಿ ।

ಕಥಮಾಧಾರಾಧೇಯಭಾವೋ ವಾಚೋ ನಿರ್ದಿಶ್ಯತೇ ತತ್ರಾಽಽಹ —

ದ್ವಿರೂಪಾ ಹೀತಿ ।

ಉಕ್ತಮರ್ಥಂ ಸಂಕ್ಷಿಪ್ಯ ನಿಗಮಯತಿ —

ತದುಭಯಮಿತಿ ।

ಅಧ್ಯಾತ್ಮಮಧಿಭೂತಂ ಚ ಯಾ ವಾಕ್ಪರಿಚ್ಛಿನ್ನಾ ತಸ್ಯಾಸ್ತುಲ್ಯಪರಿಣಾಮಿತ್ವಮಾಧಿದೈವಿಕವಾಗಂಶತ್ವಾದಂಶಾಂಶಿನೋಶ್ಚ ತಾದಾತ್ಮ್ಯಾತ್ತಯಾ ಸಹ ದರ್ಶಯತಿ —

ತತ್ತತ್ರೇತಿ ।

ತಾವಾನಯಮಗ್ನಿರಿತಿ ಪ್ರತೀಕಮಾದಾಯ ವ್ಯಾಕರೋತಿ —

ಆಧೇಯ ಇತಿ ।

ಸಮಾನಮುತ್ತರಮಿತ್ಯಸ್ಯಾಯಮರ್ಥಃ ಅಧ್ಯಾತ್ಮಮಧಿಭೂತಂ ಚ ಮನಃಪ್ರಾಣಯೋರಾಧಿದೈವಿಕಮನಃಪ್ರಾಣಾಂಶತ್ವಾತ್ತಾದಾತ್ಮ್ಯಾಭಿಪ್ರಾಯೇಣ ತುಲ್ಯಪರಿಮಾಣತ್ವಮುಚ್ಯತೇ ತಥಾ ಚ ವಾಚಾ ಸಮಾನಂ ಪ್ರಾಣಾದಾವುತ್ತರವಾಕ್ಯೇ ಕಥ್ಯಮಾನಂ ಸಮಾನಪರಿಮಾಣತ್ವಮಿತಿ ॥೧೧॥