அவதாரிதம் க்³ரந்த²ம் வ்யாசஷ்டே —
யோ(அ)யமித்யாதி³நா ।
கத²ம் ப்ரஜாபதேஸ்திதி²பி⁴ராபூர்யமாணத்வமபக்ஷீயமாணத்வம் ச தத்ரா(அ)(அ)ஹ —
ப்ரதிபதா³த்³யாபி⁴ரிதி ।
வ்ருத்³தே⁴ர்மர்யாதா³ம் த³ர்ஶயதி —
யாவதி³தி ।
அபக்ஷயஸ்ய மர்யாதா³மாஹ —
யாவத்³த்⁴ருவேதி ।
அவஶிஷ்டமமாவாஸ்யாயாம் நிவிஷ்டாம் கலாம் ப்ரபஞ்சயந்த்³விதீயகலோத்பத்திம் ஶுக்லப்ரதிபதி³ த³ர்ஶயதி —
ஸ ப்ரஜாபதிரிதி ।
ப்ராணிஜாதமேவ விஶிநஷ்டி —
யத³ப இதி ।
ஸ்தா²வரம் ஜங்க³மம் சேத்யர்த²: । ஓஷத்⁴யாத்மநேத்யுபலக்ஷணம் ஜலாத்மநேத்யபி த்³ரஷ்டவ்யம் ।
ப²லபூ⁴தே ப்ரஜாபதௌ பாங்க்தத்வம் வக்துமுபக்ராந்தம் தத³த்³யாபி நோக்தமித்யாஶங்க்யா(அ)(அ)ஹ —
ஏவமிதி ।
ததே³வ பாங்க்தத்வம் வ்யநக்தி —
தி³வேதி ।
கலாநாம் வித்தவத்³வித்தத்வே ஹேதுமாஹ —
உபசயேதி ।
பாங்க்தத்வநிர்தே³ஶேந லப்³த⁴மர்த²மாஹ —
ஏவமேஷ இதி ।
ஸம்ப்ரதி க்ருத்ஸ்நஸ்ய ப்ரஜாபதேருபக்ரமாநுஸாரித்வம் த³ர்ஶயதி —
ஜாயேதி ।
ப⁴வது ப்ரஜாபதேருக்தரீத்யா பாங்க்தத்வம் ததா²(அ)பி கத²ம் பாங்க்தகர்மப²லத்வம் தத்ரா(அ)(அ)ஹ —
காரணேதி ।
பாங்க்தகர்மப²லத்வம் ப்ரஜாபதேருக்த்வா ப்ராஸம்கி³கமர்த²மாஹ —
யஸ்மாதி³தி ।
அபி க்ருகலாஸஸ்யேதி குதோ விஶேஷோக்திரித்யாஶங்க்யா(அ)(அ)ஹ —
க்ருகலாஸோ ஹீதி ।
குதஸ்தஸ்ய பாபாத்மத்வம் தத்ரா(அ)(அ)ஹ —
த்³ருஷ்டோ(அ)பீதி ।
விஶேஷநிஷேத⁴ஸ்ய ஶேஷாநுஜ்ஞாபரத்வாத்³விரோத⁴: ஸாமாந்யஶாஸ்த்ரேண ஸ்யாதி³தி ஶங்கதே —
நந்விதி ।
தீர்த²ஶப்³த³: ஶாஸ்த்ரவிஹிதப்ரதே³ஶவிஷய: । ஸாதா⁴ரண்யேந ஸர்வத்ர நிஷித்³தா⁴(அ)பி ஹிம்ஸா விஶேஷதோ(அ)மாவாஸ்யாயாம் நிஷித்⁴யமாநா ஸோமதே³வதாபூஜார்தா² ।
தத: ஶேஷாநுஜ்ஞாபா⁴வாந்ந ஸாமாந்யோக்திவிரோதோ⁴(அ)ஸ்தீதி பரிஹரதி —
பா³ட⁴மிதி ॥14॥