யத்பூர்வமாதி⁴தை³விகத்ர்யந்நாத்மகப்ரஜாபத்யுபாஸநமுக்தம் தத³ஹமஸ்மி ப்ரஜாபதிரித்யஹங்க்³ரஹேண கர்தவ்யமித்யாஹ —
யோ வா இதி ।
ப்ரத்யக்ஷமுபலப்⁴யமாநம் ப்ரஜாபதிம் ப்ரஶ்நத்³வாரா ப்ரகடயதி —
கோ(அ)ஸாவிதி ।
தஸ்ய ப்ரஜாபதித்வமப்ரஸித்³த⁴மித்யாஶங்க்ய பரிஹரதி —
கேநேத்யாதி³நா ।
கலாநாம் ஜக³த்³விபரிணாமஹேதுத்வம் கர்மேத்யுக்தம் வித்தே(அ)பி கர்மஹேதுத்வமஸ்தி தேந தத்ர கலாஶப்³த³ப்ரவ்ருத்திருசிதேத்யாஹ —
வித்தேதி ।
யதா² சந்த்³ரமா: கலாபி⁴: ஶுக்லக்ருஷ்ணபக்ஷயோராபூர்யதே(அ)பக்ஷீயதே ச ததா² ஸ வித்³வாந்வித்தேநைவோபசீயமாநேநா(அ)(அ)பூர்யதே(அ)பசீயமாநேந சாபக்ஷீயதே । ஏதச்ச லோகப்ரஸித்³த⁴த்வாந்ந ப்ரதிபாத³நஸாபேக்ஷமித்யாஹ —
ஸ சந்த்³ரவதி³தி ।
ஆத்மைவ த்⁴ருவா கலேத்யுக்தம் ததே³வ ரத²சக்ரத்³ருஷ்டாந்தேந ஸ்பஷ்டயதி —
ததே³ததி³தி ।
நாபி⁴: சக்ரபிண்டி³கா தத்ஸ்தா²நீயம் வா நப்⁴யம் ததே³வ ப்ரஶ்நத்³வாரா ஸ்போ²ரயதி —
கிம் ததி³தி ।
ஶரீரஸ்ய சக்ரபிண்டி³காஸ்தா²நீயத்வமயுக்தம் பரிவாராத³ர்ஶநாதி³த்யாஶங்க்யா(அ)(அ)ஹ —
ப்ரதி⁴ரிதி ।
ஶரீரஸ்ய ரத²சக்ரபிண்டி³காஸ்தா²நீயத்வே ப²லிதமாஹ —
தஸ்மாதி³தி ।
பதா³ர்த²முக்த்வா வாக்யார்த²மாஹ —
ஜீவம்ஶ்சேதி³தி ॥15॥