अद्वैतशारदा | दक्षिणाम्नाय श्रीशारदापीठम्, शृङ्गेरी

ಏವಂ ಪಾಂಕ್ತೇನ ದೈವವಿತ್ತವಿದ್ಯಾಸಂಯುಕ್ತೇನ ಕರ್ಮಣಾ ತ್ರ್ಯನ್ನಾತ್ಮಕಃ ಪ್ರಜಾಪತಿರ್ಭವತೀತಿ ವ್ಯಾಖ್ಯಾತಮ್ ; ಅನಂತರಂ ಚ ಜಾಯಾದಿವಿತ್ತಂ ಪರಿವಾರಸ್ಥಾನೀಯಮಿತ್ಯುಕ್ತಮ್ । ತತ್ರ ಪುತ್ರಕರ್ಮಾಪರವಿದ್ಯಾನಾಂ ಲೋಕಪ್ರಾಪ್ತಿಸಾಧನತ್ವಮಾತ್ರಂ ಸಾಮಾನ್ಯೇನಾವಗತಮ್ ; ನ ಪುತ್ರಾದೀನಾಂ ಲೋಕಪ್ರಾಪ್ತಿಫಲಂ ಪ್ರತಿ ವಿಶೇಷಸಂಬಂಧನಿಯಮಃ । ಸೋಽಯಂ ಪುತ್ರಾದೀನಾಂ ಸಾಧನಾನಾಂ ಸಾಧ್ಯವಿಶೇಷಸಂಬಂಧೋ ವಕ್ತವ್ಯ ಇತ್ಯುತ್ತರಕಂಡಿಕಾ ಪ್ರಣೀಯತೇ —

ಏವಮಿತಿ ; ತತ್ರೇತಿ ;

ಅನ್ನತ್ರಯಾತ್ಮನಿ ಪ್ರಜಾಪತಾವಹಂಗ್ರಹೋಪಾಸನಸ್ಯ ಸಫಲಸ್ಯೋಕ್ತತ್ವಾದ್ವಕ್ತವ್ಯಾಭಾವಾದುತ್ತರಗ್ರಂಥವೈಯರ್ಥ್ಯಮಿತ್ಯಾಶಂಕ್ಯ ತದ್ವಿಷಯಂ ವಕ್ತುಂ ವೃತ್ತಮನುವದತಿ —

ಏವಮಿತಿ ।

ಸಾಧನೋಕ್ತ್ಯೈವ ಫಲಮುಕ್ತಂ ತಯೋರ್ಮಿಥೋಬದ್ಧತ್ವಾತ್ಪ್ರಾಜಾಪತ್ಯಂ ಚ ಫಲಂ ಪ್ರಾಗೇವ ದರ್ಶಿತಂ ತತ್ಕಿಮುತ್ತರಗ್ರಂಥೇನೇತ್ಯಾಶಂಕ್ಯ ಸಾಮಾನ್ಯೇನ ತತ್ಪ್ರತೀತಾವಪೀದಮಸ್ಯೇತಿ ವಿಶೇಷೋ ನೋಕ್ತಸ್ತದುಕ್ತ್ಯರ್ಥಮುತ್ತರಾ ಶ್ರುತಿರಿತ್ಯಾಹ —

ತತ್ರೇತಿ ।

ಪೂರ್ವಗ್ರಂಥಃ ಸಪ್ತಮ್ಯರ್ಥಃ । ನಿಯಮೋ ನಾವಗತ ಇತಿ ಸಂಬಂಧಃ । ಉಪನ್ಯಾಸಃ ಪ್ರಾರಂಭಃ ।