పృథివ్యై చేత్యాదివాక్యావష్టమ్భేన పక్షద్వయం ప్రతిక్షిప్య తదక్షరాణి వ్యచష్టే —
పృథివ్యా ఇతి ।
ఎనమిత్యుక్తమనూద్య వ్యాకరోతి —
ఎనమితి ।
కథం పునః సూత్రాత్మభూతా వాగుపాసకమావిశతి తత్రాహ —
సర్వేషాం హీతి ।
తర్హి తయోరభేదాదవిదుషోఽపి వ్యాప్తైవ వాగితి విదుషి విశేషో నాస్తీత్యాశఙ్క్యాఽఽహ —
సా హీతి ।
దైవ్యాం వాచి దోషవిగమముత్తరవాక్యేన సాధయతి —
సా చేతి ।
విద్వద్వాచః స్వరూపం సంక్షిపతి —
అమోఘేతి ॥౧౮॥