ய ஏக: புருஷஸ்தமேவாஹம் ப்³ரஹ்மோபாஸே த்வம் சேத்த²முபாஸ்ஸ்வேத்யுக்தே, மா மேத்யாதி³நா ப்ரத்யுவாசேத்யாஹ —

இதி பூர்வவதி³தி ।

பா⁴நுமண்ட³லதோ த்³விகு³ணம் சந்த்³ரமண்ட³லமிதி ப்ரஸித்³தி⁴மாஶ்ரித்யா(அ)(அ)ஹ —

மஹாநிதி ।

கத²ம் பாண்ட³ரம் வாஸஶ்சந்த்³ராபி⁴மாநிந: ப்ராணஸ்ய ஸம்ப⁴வதீத்யாஶங்க்யா(அ)(அ)ஹ —

அப்ஶரீரத்வாதி³தி ।

புருஷோ ஹி ஶரீரேண வாஸஸேவ வேஷ்டிதோ ப⁴வதி பாண்ட³ரத்வம் சாபாம் ப்ரஸித்³த⁴மாபோ வாஸ: ப்ராணஸ்யேதி ச ஶ்ருதிரதோ யுக்தம் ப்ராணஸ்ய பாண்ட³ரவாஸஸ்த்வமித்யர்த²: ।

ந கேவலம் ஸோமஶப்³தே³ந சந்த்³ரமா க்³ருஹ்யதே கிந்து லதா(அ)(அ)பி ஸமாநநாமத⁴ர்மத்வாதி³த்யாஹ —

யஶ்சேதி ।

தம் சந்த்³ரமஸம் லதாத்மகம் பு³த்³தி⁴நிஷ்ட²ம் புருஷமேகீக்ருத்யாஹங்க்³ரஹேணோபாஸ்திரித்யர்த²: ।

ஸம்ப்ரத்யுபாஸ்திப²லமாஹ —

யதோ²க்தேதி ।

யஜ்ஞஶப்³தே³ந ப்ரக்ருதிருக்தா । விகாரஶப்³தே³ந விக்ருதயோ க்³ருஹ்யந்தே । யதோ²க்தோபாஸகஸ்ய ப்ரக்ருதிவிக்ருத்யநுஷ்டா²நஸாமர்த்²யம் லீலயா லப்⁴யமித்யர்த²: ।

அந்நாக்ஷயஸ்யோபாஸநாநுஸாரித்வாது³பபந்நத்வமபி⁴ப்ரேத்யோபாஸகம் விஶிநஷ்டி —

அந்நாத்மகேதி ॥3॥