अद्वैतशारदा | दक्षिणाम्नाय श्रीशारदापीठम्, शृङ्गेरी

ಸ ಹೋವಾಚ ಗಾರ್ಗ್ಯೋ ಯ ಏವಾಯಮಗ್ನೌ ಪುರುಷ ಏತಮೇವಾಹಂ ಬ್ರಹ್ಮೋಪಾಸ ಇತಿ ಸ ಹೋವಾಚಾಜಾತಶತ್ರುರ್ಮಾ ಮೈತಸ್ಮಿನ್ಸಂವದಿಷ್ಠಾ ವಿಷಾಸಹಿರಿತಿ ವಾ ಅಹಮೇತಮುಪಾಸ ಇತಿ ಸ ಯ ಏತಮೇವಮುಪಾಸ್ತೇ ವಿಷಾಸಹಿರ್ಹ ಭವತಿ ವಿಷಾಸಹಿರ್ಹಾಸ್ಯ ಪ್ರಜಾ ಭವತಿ ॥ ೭ ॥

ಅಗ್ನೌ ವಾಚಿ ಹೃದಿ ಚ ಏಕಾ ದೇವತಾ ; ತಸ್ಯಾ ವಿಶೇಷಣಮ್ — ವಿಷಾಸಹಿಃ ಮರ್ಷಯಿತಾ ಪರೇಷಾಮ್ ಅಗ್ನಿಬಾಹುಲ್ಯಾತ್ ಫಲಬಾಹುಲ್ಯಂ ಪೂರ್ವವತ್ ॥

ಅಗ್ನೀತಿ ॥೭॥ ;

ಯದ್ಧವಿರ್ವಿಷ್ಯತೇ ಕ್ಷಿಪ್ಯತೇ ತತ್ಸರ್ವಂ ಭಸ್ಮೀಕರಣೇನ ಸಹತೇ ತೇನಾಗ್ನಿರ್ವಿಷಾಸಹಿಃ । ಯಥಾ ಪೂರ್ವಂ ವಿದ್ಯುತಾಂ ಬಾಹುಲ್ಯಾದಾತ್ಮನಿ ಪ್ರಜಾಯಾಂ ಚ ಫಲಬಾಹುಲ್ಯಮುಕ್ತಂ ತಥಾಽತ್ರಾಪ್ಯಗ್ನೀನಾಂ ಬಹುಲತ್ವಾದುಪಾಸಕಸ್ಯಾಽಽತ್ಮನಿ ಪ್ರಜಾಯಾಂ ಚ ದೀಪ್ತಾಗ್ನಿತ್ವಂ ಸಿದ್ಧ್ಯತೀತ್ಯಾಹ —

ಅಗ್ನೀತಿ ॥೭॥