अद्वैतशारदा | दक्षिणाम्नाय श्रीशारदापीठम्, शृङ्गेरी

ಸ ಹೋವಾಚ ಗಾರ್ಗ್ಯೋ ಯ ಏವಾಯಂ ಯಂತಂ ಪಶ್ಚಾಚ್ಛಬ್ದೋಽನೂದೇತ್ಯೇತಮೇವಾಹಂ ಬ್ರಹ್ಮೋಪಾಸ ಇತಿ ಸ ಹೋವಾಚಾಜಾತಶತ್ರುರ್ಮಾ ಮೈತಸ್ಮಿನ್ಸಂವದಿಷ್ಠಾ ಅಸುರಿತಿ ವಾ ಅಹಮೇತಮುಪಾಸ ಇತಿ ಸ ಯ ಏತಮೇವಮುಪಾಸ್ತೇ ಸರ್ವಂ ಹೈವಾಸ್ಮಿಂಲ್ಲೋಕ ಆಯುರೇತಿ ನೈನಂ ಪುರಾ ಕಾಲಾತ್ಪ್ರಾಣೋ ಜಹಾತಿ ॥ ೧೦ ॥

ಯಂತಂ ಗಚ್ಛಂತಂ ಯ ಏವಾಯಂ ಶಬ್ದಃ ಪಶ್ಚಾತ್ ಪೃಷ್ಠತಃ ಅನೂದೇತಿ, ಅಧ್ಯಾತ್ಮಂ ಚ ಜೀವನಹೇತುಃ ಪ್ರಾಣಃ — ತಮೇಕೀಕೃತ್ಯಾಹ ; ಅಸುಃ ಪ್ರಾಣೋ ಜೀವನಹೇತುರಿತಿ ಗುಣಸ್ತಸ್ಯ ; ಫಲಮ್ — ಸರ್ವಮಾಯುರಸ್ಮಿಂಲ್ಲೋಕ ಏತೀತಿ — ಯಥೋಪಾತ್ತಂ ಕರ್ಮಣಾ ಆಯುಃ ಕರ್ಮಫಲಪರಿಚ್ಛಿನ್ನಕಾಲಾತ್ ಪುರಾ ಪೂರ್ವಂ ರೋಗಾದಿಭಿಃ ಪೀಡ್ಯಮಾನಮಪ್ಯೇನಂ ಪ್ರಾಣೋ ನ ಜಹಾತಿ ॥

ಯಥೋಪಾತ್ತಮಿತಿ ॥೧೦॥ ;

ಆಹೈತಮೇವಾಹಮಿತ್ಯಾದೀತಿ ಶೇಷಃ । ತಸ್ಯ ಗುಣವದುಪಾಸನಸ್ಯೇತ್ಯರ್ಥಃ ಸರ್ವಮಾಯುರಿತ್ಯೇದ್ವ್ಯಾಚಷ್ಟೇ —

ಯಥೋಪಾತ್ತಮಿತಿ ॥೧೦॥