अद्वैतशारदा | दक्षिणाम्नाय श्रीशारदापीठम्, शृङ्गेरी

ಸ ಹೋವಾಚ ಗಾರ್ಗ್ಯೋ ಯ ಏವಾಯಂ ದಿಕ್ಷು ಪುರುಷ ಏತಮೇವಾಹಂ ಬ್ರಹ್ಮೋಪಾಸ ಇತಿ ಸ ಹೋವಾಚಾಜಾತಶತ್ರುರ್ಮಾ ಮೈತಸ್ಮಿನ್ಸಂವದಿಷ್ಠಾ ದ್ವಿತೀಯೋಽನಪಗ ಇತಿ ವಾ ಅಹಮೇತಮುಪಾಸ ಇತಿ ಸ ಯ ಏತಮೇವಮುಪಾಸ್ತೇ ದ್ವಿತೀಯವಾನ್ಹ ಭವತಿ ನಾಸ್ಮಾದ್ಗಣಶ್ಛಿದ್ಯತೇ ॥ ೧೧ ॥

ದಿಕ್ಷು ಕರ್ಣಯೋಃ ಹೃದಿ ಚೈಕಾ ದೇವತಾ ಅಶ್ವಿನೌ ದೇವಾವವಿಯುಕ್ತಸ್ವಭಾವೌ ; ಗುಣಸ್ತಸ್ಯ ದ್ವಿತೀಯವತ್ತ್ವಮ್ ಅನಪಗತ್ವಮ್ ಅವಿಯುಕ್ತತಾ ಚಾನ್ಯೋನ್ಯಂ ದಿಶಾಮಶ್ವಿನೋಶ್ಚ ಏವಂ ಧರ್ಮಿತ್ವಾತ್ ; ತದೇವ ಚ ಫಲಮುಪಾಸಕಸ್ಯ — ಗಣಾವಿಚ್ಛೇದಃ ದ್ವಿತೀಯವತ್ತ್ವಂ ಚ ॥

ಆಶ್ವಿನಾವಿತಿ ; ದಿಶಾಮಿತಿ ;

ಕಾ ಪುನರಸಾವೇಕಾ ದೇವತಾ ತತ್ರಾಽಽಹ —

ಆಶ್ವಿನಾವಿತಿ ।

ತಸ್ಯ ದೇವಸ್ಯೇತಿ ಯಾವತ್ ।

ಯಥೋಕ್ತಂ ಗುಣದ್ವಯಮುಪಪಾದಯತಿ —

ದಿಶಾಮಿತಿ ।

ದ್ವಿತೀಯವತ್ತ್ವಂ ಸಾಧುಭೃತ್ಯಾದಿಪರಿವೃತತ್ವಮ್ ॥೧೧॥