தௌ ஹ ஸுப்தமித்யாதி³ஸுப்தபுருஷக³த்யுக்திமாக்ஷிபதி —
கத²மிதி ।
கா³ர்க்³யகாஶ்யாபி⁴மதயோருப⁴யோரபி ஜாக³ரிதே கரணேஷு ஸந்நிதா⁴நாவிஶேஷாத்தத்ரைவ கிமிதி விவேகோ ந த³ர்ஶித இத்யர்த²: ।
ஜாக³ரிதே கரணேஷு த்³வயோ: ஸந்நிதா⁴நே(அ)பி ஸாங்கர்யாத்³து³ஷ்கரம் விவேசநமிதி பரிஹரதி —
ஜாக³ரிதேதி ।
ப்³ரஹ்மஶப்³தா³தூ³ர்த்⁴வம் ஸஶப்³த³மத்⁴யாஹ்ருத்ய யோஜநா ।
தர்ஹி ஸ்வாமிப்⁴ருத்யந்யாயேந தயோர்விவேகோ(அ)பி ஸுகர: ஸ்யாதி³த்யாஶங்க்யா(அ)(அ)ஹ —
கிந்த்விதி ।
கிம் தத்³விவேகாவதா⁴ரணகாரணம் ததா³ஹ —
யத்³த்³ரஷ்ட்ருத்வமிதி ।
கத²ம் தத³நவதா⁴ரிதவிஶேஷமிதி ததா³ஹ —
தச்சேதி ।
இஹேதி ஜாக³ரிதோக்தி: ।
யத்³யபி ஜாக³ரிதம் ஹித்வா ஸுப்தே புருஷே விவேகார்த²ம் தயோருபக³திஸ்தத்ர ச போ⁴க்தைவ ஸம்போ³தி⁴த: ஸ்வநாமபி⁴ஸ்தச்ச²ப்³த³ம் ஶ்ரோஷ்யதி நாசேதநஸ்ததா²பி நேஷ்டவிவேகஸித்³தி⁴ர்கா³ர்க்³யகாஶ்யாபீ⁴ஷ்டாத்மநோருத்தி²தஸம்ஶயாதி³தி ஶங்கதே —
நந்விதி ।
ஸம்ஶயம் நிராகரோதி —
நேத்யாதி³நா ।
விஶேஷாவதா⁴ரணமேவ விஶத³யதி —
யோ ஹீத்யாதி³நா ।
ஸ்வவ்யாபாரஸ்துமுலஶப்³தா³தி³: । யதா²நிர்ஜ்ஞாதோ யதோ²க்தைர்விஶேஷணைருபலப்³த⁴ம் ரூபமநதிக்ரம்ய வர்தமாந: । ப்ராணஸ்யோக்தவிஶேஷணவத: ।
ஸ்வாபே(அ)வஸ்தா²நே(அ)பி தஸ்ய ததா³ போ⁴கா³பா⁴வஸ்தத்ர போ⁴க்த்ரந்தராப்⁴யுபக³மாதி³த்யாஶங்க்யா(அ)(அ)ஹ —
ந சேதி ।
தஸ்யைவ போ⁴க்த்ருத்வே ப²லிதாமாஹ —
தஸ்மாதி³தி ।
அஸ்து தஸ்ய ப்ராப்தஶப்³த³ஶ்ரவணம் தத்ரா(அ)ஹ —
ந சேதி ।
பரிஶேஷஸித்³த⁴மர்த²மாஹ —
தஸ்மாதி³தி ।
ப்ராணஸ்யாபோ⁴க்த்ருத்வம் வ்யதிரேகத்³வாரா ஸாத⁴யதி —
போ⁴க்த்ருஸ்வபா⁴வஶ்சேதி³தி ।
ந ச பு⁴ங்க்தே தஸ்மாத³போ⁴க்தேதி ஶேஷ: ।
உக்தமர்த²ம் த்³ருஷ்டாந்தேந ஸ்பஷ்டயதி —
ந ஹீத்யாதி³நா ।
உலபம் பா³லத்ருணம் ।
விபக்ஷே தோ³ஷமாஹ —
ந சேதி³தி ।
உக்தமர்த²ம் ஸம்க்ஷிப்யாஹ —
யதே²த்யாதி³நா ।
ப்ராணஸ்யாபோ⁴க்த்ருத்வமுபஸம்ஹரதி —
தஸ்மாதி³தி ।
யத்³யபி ப்ராண: ஸ்வாபே ஶப்³தா³தீ³ந்ந ப்ரதிபு³த்⁴யதே ததா²(அ)பி போ⁴க்த்ருஸ்வபா⁴வோ ப⁴விஷ்யதி நேத்யாஹ —
ந ஹீதி ।
ஸம்போ³த⁴நஶப்³தா³ஶ்ரவணமத:ஶப்³தா³ர்த²: ।
தஸ்ய ஸ்வநாமாக்³ரஹணம் ஸம்ப³ந்தா⁴க்³ரஹணக்ருதம் நாநாத்மத்வக்ருதமிதி ஶங்கதே —
ஸம்போ³த⁴நார்தே²தி ।
ஶங்காமேவ விஶத³யதி —
ஸ்யாதே³ததி³த்யாதி³நா ।
தே³வதாயா: ஸம்ப³ந்தா⁴க்³ரஹணமயுக்தம் ஸர்வஜ்ஞத்வாதி³த்யுத்தரமாஹ —
ந தே³வதேதி ।
ததே³வ ப்ரபஞ்சயதி —
யஸ்ய ஹீத்யாதி³நா ।
தயேதி க்³ரஹணகர்த்ருநிர்தே³ஶ: ।
அவஶ்யமிதி ஸூசிதாமநுபபத்திமாஹ —
அந்யதே²தி ।
ஆதி³பதே³ந யாக³ஸ்துதிநமஸ்காராதி³ க்³ருஹ்யதே ஸம்வ்யவஹாரோ(அ)பி⁴ஜ்ஞாபோ⁴க³ப்ரஸாதா³தி³: ।
ஸம்போ³த⁴நநாமாக்³ரஹஸ்தத்க்ருதாநாத்மத்வதோ³ஷஶ்ச த்வதி³ஷ்டாத்மநோ(அ)பி துல்ய இதி ஶங்கதே —
வ்யதிரிக்தேதி ।
ஸம்க்³ருஹீதம் சோத்³யம் விவ்ருணோதி —
யஸ்ய சேதி ।
ததா³ ஸுஷுப்தித³ஶாயாம் ப்ரதிபத்திர்யுக்தேதி ஸம்ப³ந்த⁴: । தத்³விஷயத்வாதி³த்யதிரிக்தாத்மவிஷயத்வாதி³தி யாவத் ।
அஸ்த்யேவாதிரிக்தஸ்யா(அ)(அ)த்மந: ஸம்போ³த⁴நஶப்³த³ஶ்ரவணாதீ³தி சேந்நேத்யாஹ —
ந ச கதா³சிதி³தி ।
த்வதி³ஷ்டாத்மந: ஸம்போ³த⁴நஶப்³தா³ப்ரதிபத்தாவபி போ⁴க்த்ருத்வாங்கீ³காரஸ்தச்ச²ப்³தா³ர்த²: । அபோ⁴க்த்ருத்வே ப்ராணஸ்யேதி ஶேஷ: ।
யதா² ஹஸ்த: பாதோ³(அ)ங்கு³லிரித்யாதி³நாமோக்தௌ மைத்ரோ நோத்திஷ்ட²தி ஸர்வதே³ஹாபி⁴மாநித்வேந தந்மாத்ராநபி⁴மாநித்வாதே³வம் காஶ்யேஷ்டாத்மந: ஸர்வகார்யகரணாபி⁴மாநித்வாத³ங்கு³லிஸ்தா²நீயப்ராணமாத்ரே தத³பா⁴வாத்தந்நாமாக்³ரஹணம் ந த்வசேதநத்வாதி³தி பரிஹரதி —
ந தத்³வத இதி ।
ததே³வ ஸ்பு²டயதி —
யஸ்யேதி ।
ப்ராணமாத்ரே ப்ராணாதி³கரணவதோ(அ)பி⁴மாநாபா⁴வே ப²லிதமாஹ —
தஸ்மாதி³தி ।
சந்த்³ரஸ்யாபி ப்ராணைகதே³ஶத்வாத்தந்நாமபி⁴: ஸம்போ³த⁴நே க்ருத்ஸ்நாபி⁴மாநீ ஸ நோத்திஷ்ட²தி ।
அத்ராப்யங்கு³ல்யாதி³த்³ருஷ்டாந்தோபபதத்தேரித்யாஶங்க்யா(அ)(அ)ஹ —
ந த்விதி ।
கோ³த்வவத்தஸ்ய ஸர்வவஸ்துஷு ஸமாப்தேரஹமிதி ஸர்வத்ராபி⁴மாநஸம்ப⁴வாச்சந்த்³ரநாமோக்தாவபி நாப்ரதிபத்திர்யுக்தேத்யர்த²: ।
ப்ராணவச்சிதா³த்மநோ(அ)பி பூர்ணதயா ஸர்வாத்மாபி⁴மாநஸித்³தே⁴ர்போ³தா⁴போ³தௌ⁴ துல்யாவித்யாஶங்க்யா(அ)(அ)ஹ —
தே³வதேதி ।
விஶிஷ்டஸ்யாத்மநோ தே³வதாயாமாத்மதத்த்வாபி⁴மாநாபா⁴வாதி³தரஸ்ய ச கூடஸ்த²ஜ்ஞப்திமாத்ரத்வேந தத³யோகா³ந்ந துல்யதேத்யர்த²: ।
ப்ரகாராந்தரேண ப்ராணஸ்யாபோ⁴க்த்ருத்வம் வாரயந்நாஶங்கதே —
ஸ்வநாமேதி ।
அயுக்தம் ப்ராணேதரஸ்ய போ⁴க்த்ருத்வமிதி ஶேஷ: ।
ததே³வ விவ்ருணோதி —
ஸுஷுப்தஸ்யேதி ।
விஶேஷம் த³ர்ஶயந்நுத்தரமாஹ —
நா(அ)(அ)த்மேதி ।
காஶ்யாபீ⁴ஷ்டாத்மந: ஸுப்தத்வவிஶேஷப்ரயுக்தம் ப²லமாஹ —
ஸுஷுப்தத்வாதி³தி ।
ப்ராணஸ்யாபி ஸம்ஹ்ருதகரணத்வாத்ஸ்வநாமக்³ரஹணமித்யாஶங்க்ய தஸ்யாஸுப்தத்வக்ருதம் கார்யம் கத²யதி —
ந த்விதி ।
ந ஹி கரணஸ்வாமிநி வ்யாப்ரியமாணே கரணோபரம: ஸம்ப⁴வதி தஸ்ய சாநுபரதகரணஸ்ய ஸ்வநாமாக்³ரஹணமயுக்தமித்யர்த²: ।
ப்ராணநாமத்வேநாப்ரஸித்³த⁴நாமபி⁴: ஸம்போ³த⁴நாத்தத³நுத்தா²நம் நாநாத்மத்வாதி³தி ஶங்கதே —
அப்ரஸித்³தே⁴தி ।
ததே³வ ஸ்பஷ்டயதி —
ஸந்தி ஹீதி ।
ப்ரஸித்³த⁴மநூத்³யாப்ரஸித்³த⁴ம் விதே⁴யமிதி லௌகிகோ ந்யாய: ।
அப்ரஸித்³த⁴ஸம்ஜ்ஞாபி⁴: ஸம்போ³த⁴நஸ்யாயுக்தத்வே ப²லிதமாஹ —
தஸ்மாதி³தி ।
சந்த்³ரதே³வதா(அ)ஸ்மிந்தே³ஹே கர்த்ரீ போ⁴க்த்ரீ சா(அ)(அ)த்மேதி கா³ர்க்³யாபி⁴ப்ராயநிஷேதே⁴ தே³வதாநாமக்³ரஹஸ்ய தாத்பர்யாத்தத்³க்³ரஹோ(அ)ர்த²வாநிதி பரிஹரதி —
ந தே³வதேதி ।
ததே³வ ப்ரபஞ்சயதி —
கேவலேதி ।
ப்ராணாதி³நாமபி⁴: ஸம்போ³த⁴நே(அ)பி தந்நிராகரணம் கர்தும் ஶக்யமித்யாஶங்க்யா(அ)(அ)ஹ —
ந ஹீதி ।
லௌகிகநாம்நோ தே³வதாவிஷயத்வாபா⁴வாதி³த்யர்த²: ।
ப்ராணஸ்யாபோ⁴க்த்ருத்வே(அ)பீந்த்³ரியாணாம் போ⁴க்த்ருத்வமிதி கேசித்தாந்ப்ரத்யாஹ —
ப்ராணேதி ।
ப்ராணகரணசந்த்³ரதே³வதாநாமபோ⁴க்த்ருத்வே(அ)பி தே³வதாந்தரமத்ர போ⁴க்த்ரு ஸ்யாதி³த்யாஶங்க்யா(அ)(அ)ஹ —
தே³வதாந்தரபா⁴வாச்சேதி ।
போ⁴க்த்ருத்வாஶங்காநுபபத்திரிதி பூர்வேண ஸம்ப³ந்த⁴: ।
தத்ரோபக்ரமவிரோத⁴ம் ஶங்கதே —
நந்விதி ।
த³ர்ஶிதத்வாத்³தே³வதாந்தராபா⁴வோ நாஸ்தீதி ஶேஷ: ।
ஸ்வதந்த்ரோ தே³வதாந்தரபே⁴தோ³ நாஸ்தீதி ஸமாத⁴த்தே —
ந தஸ்யேதி ।
ப்ராணே தே³வதாபே⁴த³ஸ்யைக்யே யுக்திமாஹ —
அரநாபீ⁴தி ।
ந தே³வதாந்தரஸ்ய போ⁴க்த்ருத்வம் கா³ர்க்³யஸ்ய ஸ்வபக்ஷவிரோதா⁴தி³தி ஶேஷ: ।
ஸர்வஶ்ருதிஷ்வித்யுக்தம் தா: ஸம்க்ஷேபதோ த³ர்ஶயதி —
ஏஷ இதி ।
கதி தே³வா யாஜ்ஞவல்க்யேத்யாதி³நா ஸம்க்ஷேபவிஸ்தாராப்⁴யாம் ஸர்வேஷாம் தே³வநாம் ப்ராணாத்மந்யேவைகத்வமுபபாத்³யதே । அதோ ந தே³வதாபே⁴தோ³(அ)ஸ்தீத்யாஹ —
ஸர்வதே³வாநாமிதி ।
ப்ராணாத் ப்ருத²க்³பூ⁴தஸ்ய தே³வஸ்யா(அ)(அ)த்மாதிரேகே ஸத்யஸத்த்வாபத்தேஶ்ச ப்ராணாந்தர்பா⁴வ: ஸர்வதே³வதாபே⁴த³ஸ்யேதி வக்தும் சஶப்³த³: ।
கரணாநாமபோ⁴க்த்ருத்வே ஹேத்வந்தரமாஹ —
ததே²தி ।
தே³வதாபே⁴தே³ஷ்விவேதி யாவத் । அநாஶங்கா போ⁴க்த்ருத்வஸ்யேதி ஶேஷ: ।
தத்ரோதா³ஹரணாந்தரமாஹ —
தே³ஹபே⁴தே³ஷ்விவேதி ।
ந ஹி ஹஸ்தாதி³ஷு ப்ரத்யேகம் போ⁴க்த்ருத்வம் ஶங்க்யதே । ததா² ஶ்ரோத்ரலேத்ராதி³ஷ்வபி ந போ⁴க்த்ருத்வாஶங்கா யுக்தா । தேஷு ஸ்ம்ருதிரூபஜ்ஞாநஸ்யேச்சா²யா யோ(அ)ஹம் ரூபமத்³ராக்ஷம் ஸ ஶப்³த³ம் ஶ்ர்ருணோமீத்யாதி³ப்ரதிஸந்தா⁴நஸ்ய சாயோகா³தி³த்யர்த²: ।
அநுபபத்திமேவ ஸ்பு²டயதி —
ந ஹீதி ।
க்ஷணிகவிஜ்ஞாநஸ்ய நிராஶ்ரயஸ்ய போ⁴க்த்ருத்வாஶங்கா(அ)பி ப்ரதிஸந்தா⁴நாஸம்ப⁴வாதே³வ ப்ரத்யுக்தேத்யாஹ —
விஜ்ஞாநேதி ।
ப்ராணாதீ³நாமநாத்மத்வமுக்த்வா ஸ்தூ²லதே³ஹஸ்ய தத்³வக்தும் பூர்வபக்ஷயதி —
நந்விதி ।
ஸம்கா⁴தோ பூ⁴தசதுஷ்டயஸமாஹார: ஸ்தூ²லோ தே³ஹ இதி யாவத் । கௌ³ரோ(அ)ஹம் பஶ்யாமீத்யாதி³ப்ரத்யக்ஷேண தஸ்யா(அ)(அ)த்மத்வத்³ருஷ்டேரிதி பா⁴வ: ।
ப்ரமாணாபா⁴வாத³திரிக்தகல்பநா ந யுக்தேத்யாஹ —
கிம் வ்யதிரிக்தேதி ।
ஸம்கா⁴தஸ்யா(அ)(அ)த்மத்வம் தூ³ஷயதி —
நா(அ)(அ)பேஷண இதி ।
விஶேஷத³ர்ஶநம் வ்யதிரேகத்³வாரா விஶத³யதி —
யதி³ ஹீதி ।
ப்ராணேந ஸஹிதம் ஸ்தூ²லஶரீரமேவ ஸம்கா⁴தஸ்தந்மாத்ரோ யதி³ போ⁴க்தா ஸ்யாதி³தி யோஜநா ।
த்வத்பக்ஷே(அ)பி கத²ம் பேஷணாபேஷணயோருத்தா²நே விஶேஷ: ஸ்யாதி³த்யாஶங்க்யா(அ)(அ)ஹ —
ஸம்கா⁴தேதி ।
தஸ்ய ஸம்கா⁴தேந ஸம்ப³ந்த⁴விஶேஷா: ஸ்வகர்மாரப்⁴யத்வாத்மீயத்வஸ்வப்ராணபரிபால்யத்வாத³யஸ்தேஷாமநேகத்வாத்பேஷணாபேஷணயோரிந்த்³ரியோத்³ப⁴வாபி⁴ப⁴வக்ருதவேத³நாயா: ஸ்பு²டத்வாஸ்பு²டத்வாத்மகோ விஶேஷோ யுக்த: ஸுக²து³:க²மோஹாநாமுத்தமமத்⁴யமாத⁴மகர்மப²லாநாம் கர்மோத்³ப⁴வாபி⁴ப⁴வக்ருதவிஶேஷஸம்ப⁴வாச்ச யதோ²க்தோ விஶேஷ: ஸம்ப⁴வதீத்யர்த²: ।
பரபக்ஷே(அ)பி ததை²வ விஶேஷ: ஸ்யாதி³த்யாஶங்க்யா(அ)(அ)ஹ —
நத்விதி ।
ந ஹி தத்ர ஸ்வகர்மாரப்⁴யத்வாத³ய: ஸம்ப³ந்த⁴விஶேஷா: கர்மப²லபே⁴தோ³ வா யுஜ்யதே । ஸம்கா⁴தவாதி³நா(அ)தீந்த்³ரியகர்மாநங்கீ³காராத் । அத: ஸம்கா⁴தமாத்ரே போ⁴க்தரி ப்ரதிபோ³தே⁴ விஶேஷாஸித்³தி⁴ரித்யர்த²: ।
ஶப்³த³ஸ்பர்ஶாதீ³நாம் படுத்வமதிபடுத்வம் மாந்த்³யமதிமாந்த்³யமித்யேவமாதி³நா க்ருதோ விஶேஷோ போ³தே⁴ த்³ருஶ்யதே ஸோ(அ)பி ஸம்கா⁴தவாதே³ ந ஸித்⁴யதீத்யாஹ —
ததே²தி ।
அயுக்த இதி யாவத் । சகாரோ விஶேஷாநுகர்ஷணார்த²: ।
மா தர்ஹி ப்ரதிபோ³தே⁴ விஶேஷோ பூ⁴தி³த்யாஶங்க்யா(அ)(அ)ஹ —
அஸ்தி சேதி ।
விஶேஷத³ர்ஶநப²லமாஹ —
தஸ்மாதி³தி ।
ஆதி³ஶப்³தே³ந கு³ணாதி³ க்³ருஹ்யதே அந்ய: ஸம்கா⁴தாதி³தி ஶேஷ: ।
தே³ஹாதே³ரநாத்மத்வமுக்த்வா ப்ராணஸ்யாநாத்மத்வே ஹேத்வந்தரமாஹ —
ஸம்ஹதத்வாச்சேதி ।
ஹேதும் ஸாத⁴யதி —
க்³ருஹஸ்யேதி ।
யதா² நேமிரராஶ்ச மித²: ஸம்ஹந்யந்தே ததை²வ ப்ராணஸ்ய ஸம்ஹதிரித்யாஹ —
அரநேமிவச்சேதி ।
கிஞ்ச ப்ராணே நாபி⁴ஸ்தா²நீயே ஸர்வம் ஸமர்பிதமிதி ஶ்ரூயதே தத்³யுக்தம் தஸ்ய ஸம்ஹதத்வமித்யாஹ —
நாபீ⁴தி ।
ஸம்ஹதத்வப²லமாஹ —
தஸ்மாதி³தி ।
ப்ராணஸ்ய க்³ருஹாதி³வத்பாரார்த்²யே(அ)பி ஸம்ஹதஶேஷித்வமேஷிதவ்யம் க்³ருஹாதே³ஸ்ததா² த³ர்ஶநாதி³த்யாஶங்க்யா(அ)(அ)ஹ —
ஸ்தம்பே⁴தி ।
ஸ்வாத்மநா ஸ்தம்பா⁴தீ³நாம் ஜந்ம சோபசயஶ்சாபசயஶ்ச விநாஶஶ்ச நாம சா(அ)(அ)க்ருதிஶ்ச கார்யம் சேத்யேதே த⁴ர்மாஸ்தந்நிரபேக்ஷதயா லப்³தா⁴ ஸத்தா ஸ்பு²ரணம் ச யேந ஸ ச தேஷு ஸ்தம்பா⁴தி³ஷு விஷயேஷு த்³ரஷ்டா ச ஶ்ரோதா ச மந்தா ச விஜ்ஞாதா ச தத³ர்த²த்வம் தேஷாம் தத்ஸம்கா⁴தஸ்ய ச த்³ருஷ்ட்வா ப்ராணாதீ³நாமபி ததா²த்வம் ப⁴விதுமர்ஹதீதி மந்யாமஹ இதி ஸம்ப³ந்த⁴: । ப்ராணாதி³: ஸ்வாதிரிக்தத்³ரஷ்ட்ருஶேஷ: ஸம்ஹதத்வாத்³க்³ருஹாதி³வதி³த்யநுமாநாத்ஸத்தாயாம் தத்ப்ரதீதௌ ச ப்ராணாதி³விக்ரியாநபேக்ஷதயா ஸித்³தோ⁴ த்³ரஷ்டா நிர்விகாரோ யுக்தஸ்தஸ்ய விகாரவத்த்வே ஹேத்வபா⁴வாதி³தி பா⁴வ: ।
ப்ராணதே³வதாபாரார்த்²யாநுமாநம் வ்யாப்த்யந்தரவிருத்³த⁴மிதி ஶங்கதே —
தே³வதேதி ।
ப்ராணதே³வதாயாஶ்சேதநத்வமேவ கத²மப்⁴யுபக³தம் தத்ரா(அ)(அ)ஹ —
ப்ராணஸ்யேதி ।
ததா²(அ)பி ப்ரக்ருதே(அ)நுமாநே கத²ம் வ்யாப்த்யந்தரவிரோத⁴ஸ்தத்ரா(அ)(அ)ஹ —
சேதநாவத்த்வே சேதி ।
யோ யேந ஸம: ஸ தச்சே²ஷோ ந ப⁴வதி । யதா² தீ³போ தீ³பாந்தரேண துல்யோ ந தச்சே²ஷ இதி வ்யாப்திவிரோத⁴: ஸ்யாதி³த்யர்த²: ।
நாயம் விரோத⁴: ஸமாதா⁴தவ்ய: ஶேஷஶேஷிபா⁴வஸ்யாத்ராப்ரதிபாத்³யத்வாதி³தி பரிஹரதி —
ந நிருபாதி⁴கஸ்யேதி ।
ததே³வ ஸ்பு²டயதி —
க்ரியேத்யாதி³நா ।
உபநிஷதா³ரம்போ⁴ நிருபாதி⁴கம் ஸ்வரூபம் ஜ்ஞாபயிதுமித்யத்ர க³மகமாஹ —
ப்³ரஹ்மேதி ।
த்³வே வாவ ப்³ரஹ்மணோ ரூபே மூர்தம் சைவாமூர்தம் சேத்யாதி³த³ர்ஶநாத³ஸ்யாமுபநிஷதி³ ஸோபாதி⁴கமபி ப்³ரஹ்ம விவக்ஷிதமித்யாஶங்க்யா(அ)(அ)ஹ —
ந சேதி ।
த்³வித்வவாத³ஸ்ய கல்பிதவிஷயவத்த்வாந்நேதி நேதீதி நிர்விஶேஷவஸ்துஸமர்பணாத³தோ(அ)ந்யதா³ர்தமிதி சோக்தேரத்ர நிருபாதி⁴கமேவ ப்³ரஹ்ம ப்ரதிபாத்³யமிதி பா⁴வ: ।
ஶேஷஶேஷிபா⁴வஸ்யாப்ரதிபாத்³யத்வே ப²லிதமாஹ —
தஸ்மாதி³தி ।
கிமர்த²ம் தர்ஹி ஶேஷஶேஷிபா⁴வஸ்தத்ர தத்ரோக்தஸ்தத்ரா(அ)(அ)ஹ —
விஶேஷவதோ ஹீதி ।
ஸோபாதி⁴கஸ்ய ஶேஷஶேஷிபா⁴வோ விவக்ஷிதஸ்தத்ர ச ஸ்வாமிப்⁴ருத்யந்யாயேந விஶேஷஸம்ப⁴வாத³ஸித்³த⁴ம் ஸமத்வமித்யர்த²: ।
ந விபரீதஸ்ய நிருபாதி⁴கஸ்ய ஶேஷஶேஷித்வமஸ்தீத்யத்ர ஹேதுமாஹ —
நிருபாக்²யோ ஹீதி ।
ஶேஷஶேஷித்வாத்³யஶேஷவிஶேஷஶூந்ய இத்யர்த²: ।
பாணிபேஷவாக்யவிசாரார்த²ம் ஸம்க்ஷிப்யோபஸம்ஹரதி —
ஆதி³த்யாதி³தி ॥15॥