கூடஸ்த²சிதே³கரஸோ(அ)யமாத்மா । தத்ர க்ரியாகாரகப²லவ்யவஹாரோ வஸ்துதோ நாஸ்தீதி விவக்ஷிதோ(அ)ர்த²ஸ்தஸ்ய ப்ரகடீகரணார்த²ம் ப்ரஸ்துதம் ப்ரஶ்நத்³வயமநுவத³தி —
யத்ரேதி ।
உபாதி⁴ரந்த:கரணம் தஸ்ய ஸ்வபா⁴வஸ்தது³பாதா³நமஜ்ஞாநம் தேந ஜநிதமந்த:கரணக³தமபி⁴வ்யக்தம் விஶேஷவிஜ்ஞாநம் சைதந்யாபா⁴ஸலக்ஷணம் தேந கரணேநேத்யர்த²: । வாகா³தீ³நாம் ஸ்வஸ்வவிஷயக³தம் ப்ரதிநியதம் ப்ரகாஶநஸாமர்த்²யம் விஜ்ஞாநமித்யர்த²: ।
ய ஏஷோ(அ)ந்தரிதி ப்ரதீகமாதா³ய வ்யாசஷ்டே —
மத்⁴ய இதி ।
ஆகாஶஶப்³த³ஸ்ய பூ⁴தாகாஶவிஷயத்வமாஶங்க்யா(அ)(அ)காஶோ(அ)ர்தா²ந்தரத்வாதி³வ்யபதே³ஶாதி³தி ந்யாயேநா(அ)(அ)ஹ —
ஆகாஶஶப்³தே³நேதி ।
ஸத்³ரூபே ப்³ரஹ்மண்யேவ ஸுஷுப்தஸ்ய ஶயநம் பூ⁴தாகாஶே து ந ப⁴வதீத்யத்ர ச்சா²ந்தோ³க்³யஶ்ருதிஸம்மதிமாஹ —
ஶ்ருத்யந்தரேதி ।
கீத்³ருக³த்ர ஶயநம் விவஶக்ஷிதமித்யாஶங்க்யா(அ)(அ)ஹ —
லிங்கே³தி ।
ஸ்வாபாதி⁴காரே ஸ்வாபா⁴விகத்வமவித்³யாமாத்ரஸம்மிஶ்ரிதத்வம் ‘ஸதி ஸம்பத்³ய ந விது³:’ இத்யாதி³ஶ்ருதேரிதி த்³ரஷ்டவ்யம் ।
தாநி யதே³த்யாதி³வாக்யாகாங்க்ஷாபூர்வகமாத³த்தே —
யதே³த்யாதி³நா ।
விஜ்ஞாநாநி தத்ஸாத⁴நாநீத்யேதத் ।
புருஷ இதி ப்ரத²மா ஷஷ்ட்யர்தே²(அ)தோ வக்ஷ்யதி —
அஸ்ய புருஷஸ்யேதி ।
அஶ்வகர்ணாதி³நாம்நோ விஶேஷமாஹ —
கௌ³ணமேவேதி ।
கௌ³ணத்வம் வ்யுத்பாத³யதி —
ஸ்வமேவேதி ।
நாம்நோ(அ)ர்த²வ்யபி⁴சாரஸ்யாபி த்³ருஷ்டத்வாந்ந தத்³வஶாத்ஸ்வாபே ஸ்வரூபாவஸ்தா²நமிதி ஶங்காமநூத்³ய தத்³க்³ருஹீத ஏவேத்யாதி³ வாக்யமுத்தா²ப்ய வ்யாசஷ்டே —
ஸத்யமித்யாதி³நா ।
கா புநராத்மந: ஸ்வாபாவஸ்தா²யாமஸம்ஸாரித்வரூபே(அ)வஸ்தா²நமித்யத்ர யுக்திரிஹோக்தா ப⁴வதி தத்ரா(அ)(அ)ஹ —
வாகா³தீ³தி ।
ததா³ ஸுஷுப்த்யவஸ்தா²யாம் தேநா(அ)(அ)த்மநா சைதந்யாபா⁴ஸேந ஹேதுநேத்யர்த²: ।
ஸ்வாபே கரணோபஸம்ஹாரம் விவ்ருணோதி —
கத²மித்யதி³நா ।
தது³பஸம்ஹாரப²லம் கத²யதி —
தஸ்மாதி³தி ॥17॥