ஸேஶ்வரவாத³முத்தா²பயதி —
ய: ஸர்வஜ்ஞ இத்யாதி³நா ।
தாந்ப்ருதி²வ்யாத்³யபி⁴மாநிந: புருஷாந்நிருஹ்யோத்பாத்³ய யோ(அ)திக்ராந்தவாந்ஸ ஏஷ ஸர்வவிஶேஷஶூந்ய இதி யாவத் । உதா³ஹ்ருதா: ஶ்ருதய: ஸ்ம்ருதயஶ்ச । ந்யாயஸ்து விசித்ரம் கார்யம் விஶிஷ்டஜ்ஞாநபூர்வகம் ப்ராஸாதா³தௌ³ ததோ²பலம்பா⁴தி³த்யாதி³: ।
ப்ரகரணமநுஸ்ருத்ய ஜீவஸ்ய ப்ராணாதி³காரணத்வமுக்தம் ஸ்மாரயதி —
நந்விதி ।
நேத³ம் ஜீவஸ்ய ப்ரகரணமிதி பரிஹரதி —
நேத்யாதி³நா ।
ப்ரதிவசநஸ்தா²காஶஶப்³த³ஸ்ய பரவிஷயத்வமஸித்³த⁴மித்யாங்க்யா(அ)(அ)ஹ —
க்வைஷ இதி ।
இதஶ்சாகாஶஶப்³த³ஸ்ய பரமாத்மவிஷயதேத்யாஹ —
த³ஹரோ(அ)ஸ்மிந்நிதி ।
ய ஆத்மா(அ)பஹதபாப்மேத்யாத்மஶப்³த³ப்ரயோக³: ।
ப்ரதிவசநே பரஸ்யா(அ)(அ)காஶஶப்³த³வாச்யத்வே ப²லிதமாஹ —
ப்ரக்ருத ஏவேதி ।
தஸ்ய ப்ரக்ருதத்வே லப்³த⁴மர்த²மாஹ —
தஸ்மாதி³தி ।
இதஶ்ச பரஸ்மாதே³வ ப்ராணாதி³ஸ்ருஷ்டிரித்யாஹ —
ஸம்ஸாரிண இதி ।
யந்மஹதா ப்ரபஞ்சேநேத்யாதா³விதி ஶேஷ: ।
அஸ்தீஶ்வரோ ஜக³த்காரணம் ப்³ரஹ்ம ததே³வ ஜீவஸ்ய ஸ்வரூபம் தஸ்யேயமுபநிஷதி³தி ஸித்³தா⁴ந்தமாஶங்க்ய தூ³ஷயதி —
அத்ர சேதி ।
த்ருதீயோ(அ)த்⁴யாய: ஸப்தம்யர்த²: ।
கா புந: ஸா ப்³ரஹ்மவித்³யேதி தத்ரா(அ)(அ)ஹ —
ப்³ரஹ்மவிஷயஞ்சேதி ।
இதி ப்³ரஹ்மவித்³யாம் ப்ரஸித்³த⁴மிதி ஶேஷ: ।
சதுர்தே² ப்³ரஹ்மவித்³யா ப்ரஸ்துதேத்யாஹ —
ப்³ரஹ்மேதி ।
ஸத்யமஸ்தி ப்ரஸ்துதா ப்³ரஹ்மவித்³யா ஸா ஜீவவித்³யா(அ)பி ப⁴வதி ஜீவப்³ரஹ்மணோரபே⁴தா³தி³த்யாஶங்க்யா(அ)(அ)ஹ —
தத்ரேதி ।
ப்³ரஹ்மவித்³யாயாம் ப்ரஸ்துதாயாமிதி யாவத் । இதா³நீம் ந க்³ருஹ்ணீயாதி³தி ஸம்ப³ந்த⁴: । மிதோ² விருத்³த⁴த்வப்ரதீத்யவஸ்தா²யாமித்யேதத் । அந்யோந்யவிருத்³த⁴த்வம் தச்ச²ப்³தா³ர்த²: ।
விபக்ஷே தோ³ஷமாஹ —
பரமிதி ।
கத²ம் தர்ஹீஶ்வரே மதிம் குர்யாதி³த்யாஶங்க்ய ஸ்வாமித்வேநேத்யாஹ —
தஸ்மாதி³தி ।
ஆதி³பத³ம் ப்ரத³க்ஷிணாதி³ஸம்க்³ரஹார்த²ம் ।
ஐகாத்ம்யஶாஸ்த்ராதா³த்மமதிரேவ ப்³ரஹ்மணி கர்தவ்யேத்யாஶங்க்யா(அ)(அ)ஹ —
ந புநரிதி ।
கா தர்ஹி ஶாஸ்த்ரக³திஸ்தா(அ)(அ)ஹ —
ப்³ரஹ்மேதி ।
முக்²யார்த²த்வஸம்ப⁴வே கிமித்யர்த²வாத³தேத்யாஶங்க்யா(அ)(அ)ஹ —
ஸர்வேதி ।
ஸம்ஸாரித்வாஸம்ஸாரித்வாதி³நா மிதோ² விருத்³த⁴யோர்ஜீவேஶ்வரயோ: ஶீதோஷ்ணவதை³க்யாநுபபத்திர்ந்யாய: ।