ஸம்ஶயாதி³நா விசாரகார்யதாமவதார்ய பூர்வபக்ஷயதி —
ந தாவதி³தி ।
ஜக³த்கர்தா ஹீஶ்வரோ விவக்ஷ்யதே ப்ரக்ருதே ச ஸுஷுப்திவிஶிஷ்டாஜ்ஜீவாஜ்ஜக³ஜ்ஜந்மோச்யதே தஸ்மாதீ³ஶ்வரோ ஜீவாத³திரிக்தோ நாஸ்தீத்யர்த²: ।
ததே³வ ப்ரபஞ்சயதி —
நேத்யாதி³நா ।
ப்ரக்ருதே(அ)பி ஜீவே ஜக³த்காரணத்வமீஶ்வரஸ்யைவாத்ர ஶ்ருதமித்யாஶங்க்யா(அ)(அ)ஹ —
ந சேதி ।
தத்ர ப்ரகரணவிரோத⁴ம் ஹேதுமாஹ —
விஜ்ஞாநேதி ।
ஶ்ருத்யந்தரவஶாத³பி ஜீவ ஏவாத்ர ஜக³த்கர்தேத்யாஹ —
ஸமாநப்ரகரணே சேதி ।
ஶ்ருத்யந்தரஸ்ய ச ஜீவவிஷயத்வம் ஜக³த்³வாசித்வாதி⁴கரணபூர்வபக்ஷந்யாயேந த்³ரஷ்டவ்யம் ।
வாக்யஶேஷவஶாத³பி ஜீவஸ்யைவ வேதி³தவ்யத்வம் வாக்யாந்வயாதி⁴கரணபூர்வபக்ஷந்யாயேந த³ர்ஶயதி —
ததா² சேதி ।
ஜீவாதிரிக்தஸ்ய பரஸ்ய வேதி³தவ்யஸ்யாபா⁴வே பூர்வோத்தரவாக்யாநாமாநுகூல்யம் ஹேத்வந்தரமாஹ —
ததா² சேத்யாதி³நா ।
இதஶ்ச ஜீவஸ்யைவ வேத்³யதேத்யாஹ —
ஸர்வேதி ।
தத்ரைவ ஹேத்வந்தரமாஹ —
ததே²தி ।
ஸ வை வேதி³தவ்ய இத்யத்ர ந ஸ்பஷ்டம் ஜீவஸ்ய வேதி³தவ்யத்வமிஹ து ஸ்பஷ்டமிதி பே⁴த³: ।
ஸ்வாபாவஸ்தா²ஜ்ஜீவாஜ்ஜக³ஜ்ஜந்மஶ்ருதேஸ்தஸ்யைவ வேத்³யத்வத்³ருஷ்டேஶ்ச ஜக³த்³தே⁴துரீஶ்வரோ வேதா³ந்தவேத்³யோ நாஸ்தீத்யுக்தே ஸேஶ்வரவாதீ³ சோத³யதி —
அவஸ்தா²ந்தரேதி ।
சோத்³யமேவ விவ்ருணோதி —
அதா²பீதி ।
உக்தோபபத்திஸத்த்வே(அ)பீதி யாவத் ।
நாவஸ்தா²பே⁴தா³த்³வஸ்துபே⁴த³ஸ்ததா²(அ)நநுப⁴வாத³பராத்³தா⁴ந்தாச்சேதி பரிஹரதி —
நாத்³ருஷ்டத்வாதி³தி ।
அவஸ்தா²பே⁴தா³த்³வஸ்துபே⁴தா³பா⁴வம் த்³ருஷ்டாந்தேந ஸ்பஷ்டயதி —
நஹீதி ।
தத்ரைவ ஹேத்வந்தரமாஹ —
ந்யாயாச்சேதி ।
ஜாக³ராதி³விஶிஷ்டஸ்யைவ ஸ்வாபவைஶிஷ்ட்யாத்தஸ்ய ஸம்ஸாரித்வாந்நேஶ்வரோ(அ)ந்யோ(அ)ஸ்தீத்யுக்த்வா தத³பா⁴வே வாதி³ஸம்மதிமாஹ —
ததா² சேதி ।
ஆதி³ஶப்³தோ³ லோகாயதாதி³ஸமஸ்தநிரீஶ்வரவாதி³ஸம்க்³ரஹார்த²: —
யுக்திஶதைரிதி ।
தஸ்ய தே³ஹித்வே(அ)ஸ்மதா³தி³துல்யத்வாத்தத³பா⁴வே முக்தவஜ்ஜக³த்கர்த்ருத்வாயோகா³ஜ்ஜீவாநாமேவாத்³ருஷ்டத்³வரா தத்கர்த்ருத்வஸம்ப⁴வாத்தஸ்யாகிஞ்சித்கரத்வமித்யாதி³பி⁴ரித்யர்த²: ।
ஜீவோ ஜக³ஜ்ஜந்மாதி³ஹேதுர்ந ப⁴வதி தத்ராஸமர்த²த்வாபாஷாணவத்தச்ச ஸம்ஸாரித்வாதி³தி ஶங்கதே —
ஸம்ஸாரிணோ(அ)பீதி ।
ஈஶ்வரஸ்யேவேத்யபேரர்த²: । அயுக்தம் ப்ராணாதி³கர்த்ருத்வமிதி ஶேஷ: ।
ஸம்க்³ரஹவாக்யம் விவ்ருணோதி —
யந்மஹதேத்யாதி³நா ।
காலாத்யயாபதே³ஶேந தூ³ஷயதி —
ந ஶாஸ்த்ராதி³தி ।
நிரீஶ்வரவாத³முபஸம்ஹரதி —
தஸ்மாதி³தி ।