தஸ்ய ஹேத்யாதே³ர்வ்ருத்தாநுவாத³பூர்வகம் ஸம்ப³ந்த⁴மாஹ —
ப்³ரஹ்மண இதி ।
விபா⁴கோ³ விஶேஷ: । தஸ்யாதி⁴தை³வம் ப்ரக்ருதஸ்யைதஸ்யாத்⁴யாத்மம் ஸந்நிஹிதஸ்யாமூர்தரஸபூ⁴தாந்த:கரணஸ்யைவ ராகா³தி³வாஸநேதி வக்தும் தஸ்யேத்யாதி³ வாக்யமித்யர்த²: ।
கத²மித³ம் ரூபம் லிங்க³ஸ்ய ப்ராப்தமிதி ததா³ஹ —
மூர்தேதி ।
மூர்தாமூர்தவாஸநாபி⁴ர்விஜ்ஞாநமயஸம்யோகே³ந ச ஜநிதம் பு³த்³தே⁴ ரூபமிதி யாவத் ।
நேத³மாத்மநோ ரூபம் தஸ்யைகரஸஸ்யாநேகரூபத்வாநுபபத்தேரிதி விஶிநஷ்டி —
விசித்ரமிதி ।
வாஸ்தவத்வஶங்காம் வாரயதி —
மாயேதி ।
வைசித்ர்யமநுஸ்ருத்யாநேகோதா³ஹரணம் ।
அந்த:கரணஸ்யைவ ராகா³தி³வாஸநாஶ்சேத்கத²ம் புருஷஸ்தந்மயோ த்³ருஶ்யதே தத்ரா(அ)(அ)ஹ —
ஸர்வேதி ।
ததே³வ வ்யாகுர்வந்விஜ்ஞாநவாதி³நாம் ப்⁴ராந்திமாஹ —
ஏதாவந்மாத்ரமிதி ।
பு³த்³தி⁴மாத்ரமேவாஹம்வ்ருத்திவிஶிஷ்டம் ஸ்வரஸப⁴ங்கு³ரம் ராகா³தி³கலுஷிதமாத்மா ந்யாய: ஸ்தா²யீ க்ஷணிகோ வேதி யத்ர தே ப்⁴ராந்தாஸ்தஸ்ய ரூபம் வக்ஷ்யாம இதி ஸம்ப³ந்த⁴: ।
தார்கிகாணாமபி பௌ³த்³த⁴வத்³ப்⁴ராந்திமுத்³பா⁴வயதி —
ஏததே³வேதி ।
அந்த:கரணமேவாஹந்தீ⁴க்³ராஹ்யம் ராகா³தி³த⁴ர்மகமாத்மா தஸ்ய வாஸநாமயம் ரூபம் படஸ்ய ஶௌக்ல்யவத்³கு³ண: ஸ ச ஸம்ஸார இதி யத்ர தார்கிகா ப்⁴ராந்தாஸ்தஸ்ய ரூபம் வக்ஷ்யாம இதி பூர்வவத் ।
ஸாங்க்²யாநாம் ப்⁴ராந்திமாஹ —
இத³மதி ।
கத²மஸ்ய த்ரிகு³ணத்வாதி³கம் ஸித்⁴யதி தத்ரா(அ)(அ)ஹ —
ப்ரதா⁴நாஶ்ரயமிதி ।
கேந ப்ரகாரேணாந்த:கரணமாத்மார்த²மிஷ்யதே தத்ரா(அ)(அ)ஹ —
புருஷார்தே²நேதி ।
நாந்த:கரணமேவா(அ)(அ)த்மா கிந்த்வந்ய: ஸர்வக³த: ஸர்வவிக்ரியாஶூந்ய: ஸ்வப்ரகாஶஸ்தஸ்ய போ⁴கா³பவர்கா³நுகு³ண்யேந ப்ரதா⁴நாத்மகமந்த:கரணம் தத்ஸத⁴ர்மகம் ப்ரவர்தத இதி யத்ர காபிலா ப்⁴ராம்யந்தி தஸ்ய ரூபம் வக்ஷ்யாம இதி ஸம்ப³ந்த⁴: ।