யத்ர விசித்ரா விபஶ்சிதாம் ப்⁴ராந்திஸ்தத³ந்த:கரணம் தஸ்ய ஹேத்யத்ரோச்யதே நா(அ)(அ)த்மேதி ஸ்வபக்ஷமுக்த்வா ப⁴ர்த்ருப்ரபஞ்சபக்ஷமுத்தா²பயதி —
ஔபநிஷத³ம்மந்யா இதி ।
கீத்³ருஶீ ப்ரக்ரியேத்யுக்தே ராஶித்ரயகல்பநாம் வத³ந்நாதா³வத⁴மம் ராஶிம் த³ர்ஶயதி —
மூர்தேதி ।
உத்க்ருஷ்டராஶிமாசஷ்டே —
பரமாத்மேதி ।
ராஶ்யந்தரமாஹ —
தாப்⁴யாமிதி ।
தாந்யேதாநி த்ரீணி வஸ்தூநி மூர்தாமூர்தமாஹாரஜநாதி³ரூபமாத்மதத்த்வமிதி பரோக்திமாஶ்ரித்ய ராஶித்ரயகல்பநாமுக்த்வா மத்⁴யமாத⁴மராஶேர்விஶேஷமாஹ —
ப்ரயோக்தேதி ।
உத்பாத³கத்வம் ப்ரயோக்த்ருத்வம் । கர்மக்³ரஹணம் வித்³யாபூர்வப்ரஜ்ஞயோருபலக்ஷணம் ।
ஸாத⁴நம் ஜ்ஞாநகர்மகாரணம் கார்யகரணஜாதம் தத³பி ப்ரயோஜ்யமித்யாஹ —
ஸாத⁴நஞ்சேதி ।
இதிஶப்³தோ³ ராத்ரித்ரயகல்பநாஸமாப்த்யர்த²: ।
பரகீயகல்பநாந்தரமாஹ —
தத்ரேதி ।
ராத்ரித்ரயே கல்பிதே ஸதீதி யாவத் ।
ஸந்தி⁴கரணமேவ ஸ்போ²ரயதி —
லிங்கா³ஶ்ரயஶ்சேதி ।
தத இத்யுக்திபராமர்ஶ: । ஸாங்க்²யத்வப⁴யாத்த்ரஸ்யந்தோ வைஶேஷிகசித்தமப்யநுஸரந்தீதி ஸம்ப³ந்த⁴: ।
கத²ம் தச்சித்தாநுஸரணம் தது³பபாத³யதி —
கர்மராஶிரிதி ।
கத²ம் நிர்கு³ணமாத்மாநம் கர்மராஶிராஶ்ரயதீத்யாஶங்க்யா(அ)(அ)ஹ —
ஸபரமாத்மைகதே³ஶ இதி ।
அந்யத இதி கார்யகரணாத்மகாத்³பூ⁴தராஶேரிதி யாவத் ।
யதா³ பூ⁴தராஶிநிஷ்ட²ம் கர்மாதி³ தத்³த்³வாரா(அ)(அ)த்மந்யாக³ச்ச²தி ததா³ ஸ கர்த்ருத்வாதி³ஸம்ஸாரமநுப⁴வதீத்யாஹ —
ஸ கர்தேதி ।
ஸ்வதஸ்தஸ்ய கர்மாதி³ஸம்ப³ந்த⁴த்வேந ஸம்ஸாரித்வம் ஸ்யாதி³தி சேந்நேத்யாஹ —
ஸ சேதி ।
நிர்கு³ண ஏவ விஜ்ஞாநாத்மேதி ஶேஷ: ।
ஸாங்க்²யசித்தாநுஸாரார்த²மேவ பரேஷாம் ப்ரக்ரியாந்தரமாஹ —
ஸ்வத இதி ।
நைஸர்கி³க்யப்யவித்³யா பரஸ்மாதே³வாபி⁴வ்யக்தா ஸதீ ததே³கதே³ஶம் விக்ருத்ய தஸ்மிந்நேவாந்த:கரணாக்²யே திஷ்ட²தீதி வத³ந்தோ(அ)நாத்மத⁴ர்மோ(அ)வித்³யேத்யுக்த்யா ஸாங்க்²யசித்தமப்யநுஸரந்தீத்யர்த²: ।
அவித்³யா பரஸ்மாது³த்பந்நா சேத்தமேவா(அ)(அ)ஶ்ரயேந்ந ததே³கதே³ஶமித்யாஶங்க்யா(அ)(அ)ஹ —
ஊஷரவதி³தி ।
யதா² ப்ருதி²வ்யா ஜாதோ(அ)ப்யூஷரதே³ஶஸ்ததே³கதே³ஶமாஶ்ரயத்யேவமவித்³யா பரஸ்மாஜ்ஜாதா(அ)பி ததே³கதே³ஶமாஶ்ரயிஷ்யதீத்யர்த²: ।