ததே³தத்³தூ³ஷயிதுமுபக்ரமதே —
ஸர்வமேததி³தி ।
தார்கிகை: ஸஹ ஸந்தி⁴கரணாதி³கமேதத்ஸர்வமதி⁴க்ருத்ய ஸாமஞ்ஜஸ்யேந பூர்வோக்தாநாம் கல்பநாநாமாபாதேந ரமணீயத்வமநுப⁴வந்தீதி யாவத் ।
யதோ²க்தகல்பநாநாம் ஶ்ருதிந்யாயாநுஸாரித்வாபா⁴வாத்த்யாஜ்யத்வம் ஸூசயதி —
நேத்யாதி³நா ।
கர்மத்³வயம் ப்ரத்யேகம் க்ரியாபதே³ந ஸம்ப³த்⁴யதே । நஞஶ்சோப⁴யத்ராந்வய: ।
கத²ம் யதோ²க்தகல்பநாநாமாபாதரமணீயத்வேந ஶ்ருதிந்யாயபா³ஹ்யத்வமிதி ப்ருச்ச²தி —
கத²மிதி ।
யது³க்தம் பரஸ்யைகதே³ஶோ விஜ்ஞாநாத்மேதி தத்ர ததே³கதே³ஶத்வம் வாஸ்தவமவாஸ்தவம் வா ப்ரத²மே ஸ பரஸ்மாத³பி⁴ந்நோ பி⁴ந்நோ வேதி விகல்ப்யா(அ)(அ)த்³யம் தூ³ஷயதி —
உக்தா ஏவேதி ।
ஆதி³ஶப்³தே³ந ஶ்ருதிஸ்ம்ருதிவிரோதோ⁴ க்³ருஹ்யதே ।
கல்பாந்தரம் ப்ரத்யாஹ —
நித்யபே⁴தே³ சேதி ।
பே⁴தா³பே⁴த³யோர்விருத்³த⁴த்வாத³நுபபத்திஶ்சகாரார்த²: ।
லிங்கோ³பாதி⁴ராத்மா பரஸ்யாம்ஶ இதி கல்பாந்தரம் ஶங்கதே —
லிங்க³பே⁴த³ இதி ।
உபசரிதத்வம் கல்பிதத்வம் ।
லிங்கோ³பாதி⁴நா கல்பித: பராம்ஶோ ஜீவாத்மேத்யுக்தே ஸ்வாபாதௌ³ லிங்க³த்⁴வம்ஸே நா(அ)(அ)த்மேதி ஸ்யால்லிங்கா³பா⁴வே தத³தீ⁴நஜீவாபா⁴த்ததஶ்ச தத்³வியோகே³(அ)பி லிங்க³ஸ்தா² வாஸநா ஜீவே திஷ்ட²தீதி ப்ரக்ரியா(அ)நுபபந்நேதி தூ³ஷயதி —
ததே²தி ।
யத்து பரஸ்மாத³வித்³யாயா: ஸமுத்தா²நமிதி தந்நிராகரோதி —
அவித்³யாயாஶ்சேதி ।
ஆதி³பதே³நாநாத்மத⁴ர்மத்வமவித்³யாயா க்³ருஹ்யதே । பரஸ்மாத³வித்³யோத்பத்தௌ தஸ்யைவ ஸம்ஸார: ஸ்யாத், தயோரைகாதி⁴கரண்யாத் । அதஶ்சாவித்³யாயாம் ஸத்யாம் ந முக்திர்ந ச தஸ்யாம் நஷ்டாயாம் தத்ஸித்³தி⁴: காரணே ஸ்தி²தே கார்யஸ்யாத்யந்தநாஶாயோகா³த் । கார்யாவித்³யாநாஶே தத்காரணபராபா⁴வஸ்ததா² ச மோக்ஷிணோ(அ)பா⁴வாந்மோக்ஷாஸித்³தி⁴: । ந சாநாத்மத⁴ர்மோ(அ)வித்³யா, வித்³யாயா அபி தத்³த⁴ர்மத்வப்ரஸம்கா³த்தயோரேகாஶ்ரயத்வாதி³தி பா⁴வ: ।
யத்து லிங்கோ³பரமே தத்³க³தா வாஸநா(அ)(அ)த்மந்யஸ்தீதி தத்ரா(அ)(அ)ஹ —
ந சேதி ।
புடகாதௌ³ து புஷ்பாத்³யவயவாநாமேவாநுவ்ருத்திரிதி பா⁴வ: ।
இதஶ்ச வாஸநாயா ஜீவாஶ்ரயத்வமஸம்க³தமித்யா(அ)(அ)ஹ —
ந சேதி ।
நநு ஜீவே ஸமவாயிகாரணே மந:ஸம்யோகா³த³ஸமவாயிகாரணாத்காமாத்³யுத்பத்திரித்யுதா³ஹ்ருதஶ்ருதிஷு விவக்ஷ்யதே தத்ரா(அ)(அ)ஹ —
ந சா(அ)(அ)ஸாமிதி ।
த்³ருஶ்யமாநஸம்ஸாரமௌபாதி⁴கமபி⁴தா⁴ய ஜீவஸ்ய ப்³ரஹ்மத்வோபபாத³நே தாத்பர்யம் ஶ்ருதீநாமுபக்ரமோபஸம்ஹாரைகரூப்யாதி³ப்⁴யோ க³ம்யதே தந்நார்தா²ந்தரகல்பநேத்யர்த²: ।
இதஶ்ச யதோ²க்தஶ்ருதீநாம் நார்தா²ந்தரகல்பநேத்யாஹ —
ஏதாவந்மாத்ரேதி ।
ஸர்வாஸாமுபநிஷதா³மேகரஸே(அ)ர்தே² பர்யவஸாநம் ப²லவத்த்வாதி³லிங்கே³ப்⁴யோ க³ம்யதே தத்கத²முக்தஶ்ருதீநாமர்தா²ந்தரகல்பநேத்யர்த²: ।
நநூபநிஷதா³மைக்யாத³ர்தா²ந்தரமபி ப்ரதிபாத்³யம் வ்யாக்²யாதாரோ வர்ணயந்தி தத்கத²மர்தா²ந்தரகல்பநாநுபபத்திரத ஆஹ —
தஸ்மாதி³தி ।
ஸர்வோபநிஷதா³த்மைக்யபரத்வப்ரதிபா⁴ஸஸ்தச்ச²ப்³தா³ர்த²: ।
நநு பரைருச்யமாநோ(அ)பி வேதா³ர்தோ² ப⁴வத்யேவ கிமித்யஸௌ த்³வேஷாதே³வ த்யஜ்யதே தத்ரா(அ)(அ)ஹ —
ததா²(அ)பீதி ।
ந சார்தா²ந்தரஸ்ய வேதா³ர்த²த்வம் தத்ர தாத்பர்யலிங்கா³பா⁴வாதி³தி பா⁴வ: ।
லிங்க³வியோகே³(அ)பி பும்ஸி வாஸநா(அ)ஸ்தீத்யேதந்நிராக்ருத்ய ராஶித்ரயகல்பநாம் நிராகரோதி —
ந சேதி ।
கத²ம் ஸித்³தா⁴ந்தே(அ)பி வாவஶப்³தா³தி³ஸாமஞ்ஜஸ்யம் தத்ரா(அ)(அ)ஹ —
யதே³தி ।
ராஶித்ரயபக்ஷே ஜீவஸ்ய ரூபமத்⁴யே(அ)ந்தர்பா⁴வே நிஷேத்⁴யகோடிநிவேஶ: ஸ்யாத்³ரூபிமத்⁴யே(அ)ந்தர்பா⁴வே ஶ்ருதி: ஶிக்ஷணீயேத்யாஹ —
அந்யதே²தி ।
ப⁴வத்வேவம் ஶ்ருதே: ஶிக்ஷேதி தத்ரா(அ)(அ)ஹ —
ததே³தி ।
ரூபிமத்⁴யே ஜீவாந்தர்பா⁴வகல்பநாயாமிதி யாவத் ।
விஷயபே⁴தே³நோபக்ரமாவிரோத⁴ம் சோத³யசதி —
அதே²தி ।
இத்த²ம் வ்யவஸ்தா²யாம் ஜீவத்³வாரா விக்ரியமாணஸ்ய பரஸ்ய ரூபே மூர்தாமூர்தே இத்யுக்திரயுக்தா வாஸநாகர்மாதே³ரபி தத்³த்³வாரா தத்ஸம்ப³ந்தா⁴விஶேஷாதி³தி தூ³ஷயதி —
ததே³தி ।
விஜ்ஞாநாத்மத்³வாரா பரஸ்ய விக்ரியமாணத்வமங்கீ³க்ருத்யோக்தம் ததே³வ நாஸ்தீத்யாஹ —
ந சேதி ।
ததா²பூ⁴தஸ்யாந்யதா²பூ⁴தஸ்ய ச விக்ரியாயா து³ருபபாத³த்வாதி³த்யர்த²: ।
கிஞ்ச ஜீவஸ்ய ப்³ரஹ்மணோ வஸ்த்வந்தரத்வமாத்யந்திகமநாத்யந்திகம் வா நா(அ)(அ)த்³ய இத்யாஹ —
ந சேதி ।
ந த்³விதீயோ பே⁴தா³பே⁴த³நிராஸாதி³தி த்³ரஷ்டவ்யம் ।
பரபக்ஷதூ³ஷணமுபஸம்ஹரதி —
தஸ்மாதி³தி ।
ஏவமாதி³கல்பநா ராஶித்ரயம் ஜீவஸ்ய காமாத்³யாஶ்ரயத்வமித்யாத்³யா: ।
அக்ஷரபா³ஹ்யத்வே ப²லிதமாஹ —
ந ஹீதி ।
வேதா³ர்தோ²பகாரித்வாபா⁴வே ஸித்³த⁴மர்த²ம் கத²யதி —
தஸ்மாதி³தி ।