தஸ்ய ஹேத்யத்ர பரகீயப்ரக்ரியாம் ப்ரத்யாக்²யாய ஸ்வமதே தச்ச²ப்³தா³ர்த²மாஹ —
யோ(அ)யமிதி ।
ப்ரக்ருதத்வால்லிங்கா³த்மக்³ரஹே ஜீவஸ்யாபி பாணிபேஷவாக்யே தத்³பா⁴வாத்தஸ்யைவாத்ர தச்ச²ப்³தே³ந க்³ரஹ: ஸ்யாதி³தி ஶங்கதே —
நந்விதி ।
ப்ரக்ருதத்வே(அ)பி தஸ்ய நிர்விஶேஷப்³ரஹ்மத்வேந ஜ்ஞாபயிதுமிஷ்டத்வாந்ந வாஸநாமயம் ஸம்ஸாரரூபம் தத்த்வதோ யுக்தமிதி பரிஹரதி —
நைவமிதி ।
இதஶ்ச ஜீவஸ்ய ந வாஸநாரூபிதா கிந்து சித்தஸ்யேத்யாஹ —
யதி³ ஹீதி ।
நிஷேத்⁴யகோடிப்ரவேஶாதி³தி பா⁴வ: ।
நாயம் ஜீவஸ்யா(அ)(அ)தே³ஶ: கிந்து ப்³ரஹ்மணஸ்தடஸ்த²ஸ்யேதி ஶங்கயித்வா தூ³ஷயதி —
நந்வித்யாதி³நா ।
ஷஷ்டா²வஸாநே விஜ்ஞாதாரமரே கேநேத்யாத்மாநமுபக்ரம்ய ஸ ஏஷ நேதி நேத்யாத்மஶப்³தா³த்தஸ்யைவா(அ)(அ)தே³ஶோபஸம்ஹாராதி³ஹாபி தஸ்யைவா(அ)(அ)தே³ஶோ ந தடஸ்த²ஸ்யேத்யர்த²: ।
இதஶ்ச ப்ரத்யக³ர்த²ஸ்யைவாயமாதே³ஶ இத்யாஹ —
விஜ்ஞாபயிஷ்யாமீதி ।
ததே³வ ஸமர்த²யதே —
யதீ³தி ।
கத²மேதாவதா ப்ரதிஜ்ஞார்த²வத்த்வம் ததா³ஹ —
யேநேதி ।
ஜ்ஞநப²லம் கத²யதி —
ஶாஸ்த்ரேதி ।
அந்வயமுகே²நோக்தமர்த²ம் வ்யதிரேகமுகே²ந ஸாத⁴யதி —
அதே²த்யாதி³நா ।
விபர்யயே க்³ருஹீதே ப்³ரஹ்மகண்டி³காவிரோத⁴ம் த³ர்ஶயதி —
நா(அ)(அ)த்மாநமிதி ।
தச்ச²ப்³தே³ந ஜீவபராமர்ஶஸம்ப⁴வே ப²லிதமாஹ —
தஸ்மாதி³தி ।
நநு லிங்க³ஸ்ய சேதே³தாநி ரூபாணி கிமித்யுபந்யஸ்யந்தே பரமாத்மரூபஸ்யைவ வக்தவ்யத்வாத³த ஆஹ —
ஸத்யஸ்ய சேதி ।
இந்த்³ரகோ³போபமாநேந கௌஸும்ப⁴ஸ்ய க³தத்வாந்மஹாரஜநம் ஹரித்³ரேதி வ்யாக்²யாதம் ।