ஸம்ப³ந்தா⁴பி⁴தி⁴த்ஸயா வ்ருத்தம் கீர்தயதி —
ஆத்மேத்யேவேதி ।
கிமித்யாத்மதத்த்வமேவ ஜ்ஞாதவ்யம் தத்ரா(அ)(அ)ஹ —
ததே³வேதி ।
இத்த²ம் ஸூத்ரிதஸ்ய வித்³யாவிஷயஸ்ய வாக்யஸ்ய வ்யாக்²யாநமேவ விஷயஸ்தத்ர வித்³யா ஸாத⁴நம் ஸாத்⁴யா முக்திரிதி ஸம்ப³ந்தோ⁴ முக்திஶ்ச ப²லமித்யேதே ததா³த்மாநமித்யாதி³நா த³ர்ஶிதே இத்யாஹ —
இத்யுபந்யஸ்தஸ்யேதி ।
வித்³யாவிஷயமுக்தம் நிக³மயதி —
ஏவமிதி ।
உக்தமர்தா²ந்தரம் ஸ்மாரயதி —
அவித்³யாயாஶ்சேதி ।
அந்யோ(அ)ஸாவித்யாத்³யாரப்⁴யாவித்³யாயா விஷயஶ்ச ஸம்ஸார உபஸம்ஹ்ருதஸ்த்ரயமித்யாதி³நேதி ஸம்ப³ந்த⁴: ஸம்ஸாரமேவ விஶிநஷ்டி —
சாதுர்வர்ண்யேதி ।
சாதுர்வர்ண்யம் சாதுராஶ்ரம்யமிதி ப்ரவிபா⁴கா³தி³நிமித்தம் யஸ்ய பாங்க்தஸ்ய கர்மணஸ்தஸ்ய ஸாத்⁴யஸாத⁴நமித்யேவமாத்மக இதி யாவத் ।
தஸ்யாநாதி³த்வம் த³ர்ஶயதி —
பீ³ஜாங்குரவதி³தி ।
தமேவ த்ரிதா⁴ ஸம்க்ஷிபதி —
நாமேதி ।
ஸ சோத்கர்ஷாபகர்ஷாப்⁴யாம் த்³விதா⁴ பி⁴த்³யதே தத்ரா(அ)(அ)த்³யமுதா³ஹரதி —
ஶாஸ்த்ரீய இதி ।
உத்க்ருஷ்டோ ஹி ஸம்ஸாரஸ்த்ர்யந்நாத்மபா⁴வ: ஶாஸ்த்ரீயஜ்ஞாநகர்மலப்⁴ய இத்யர்த²: ।
த்³விதீயம் கத²யதி —
அதோ⁴பா⁴வஶ்சேதி ।
நிக்ருஷ்ட: ஸம்ஸார: ஸ்வாபா⁴விகஜ்ஞாநகர்மஸாத்⁴ய இத்யர்த²: ।
கிமித்யவித்³யாவிஷயோ வ்யாக்²யாதோ ந ஹி ஸ புருஷஸ்யோபயுஜ்யதே தத்ரா(அ)(அ)ஹ —
ஏதஸ்மாதி³தி ।
ப்ரத்யகா³த்மைவ விஷயஸ்தஸ்மிந்யா ப்³ரஹ்மேதி வித்³யா தஸ்யாமிதி யாவத் ।
தார்தீயமநூத்³ய சாதுர்தி²கமர்த²ம் கத²யதி —
சதுர்தே² த்விதி ।
ஏவம் வ்ருத்தமநூத்³யோத்தரப்³ராஹ்மணதாத்பர்யமாஹ —
அஸ்யா இதி ।
கிமிதி ஸம்ந்யாஸோ விதி⁴த்ஸ்யதே கர்மணைவ வித்³யாலாபா⁴தி³த்யாஶங்க்யா(அ)(அ)ஹ —
ஜாயேதி ।
அவித்³யாயா விஷய ஏவ விஷயோ யஸ்யேதி விக்³ரஹ: । தஸ்மாத்ஸம்ந்யாஸோ விதி⁴த்ஸித இதி பூர்வேண ஸம்ப³ந்த⁴: ।
நநு ப்ரக்ருதம் கர்மாவித்³யாவிஷயமபி கிமித்யாத்மஜ்ஞாநம் தாத³ர்த்²யேநாநுஷ்டீ²யமாநம் நோபநயதி தத்ரா(அ)(அ)ஹ —
அந்யேதி ।
ததே³வ த்³ருஷ்டாந்தேந ஸ்பஷ்டயதி —
ந ஹீதி ।
பாங்க்தஸ்ய கர்மணோ(அ)ந்யஸாத⁴நத்வமேவ கத²மதி⁴க³தமித்யாஶங்க்யா(அ)(அ)ஹ —
மநுஷ்யேதி ।
ஸோ(அ)யம் மநுஷ்யலோக: புத்ரேணைவ ஜய்ய: கர்மணா பித்ருலோகோ வித்³யயா தே³வலோக இதி விஶேஷிதத்வம் । ஶ்ருதத்வமேவ விஶேஷிதத்வோக்தித்³வாரா ஸ்பு²டீக்ருதமிதி சகாரேண த்³யோத்யதே ।
நநு ப்³ரஹ்மவித்³யா ஸ்வப²லே விஹிதம் கர்மாபேக்ஷதே ஶ்ரௌதஸாத⁴நத்வாத்³த³ர்ஶாதி³வத்ததா² ச ஸமுச்சயாந்ந கர்மஸம்ந்யாஸஸித்³தி⁴ரத ஆஹ —
ந சேதி ।
கர்மணாம் காம்யத்வே(அ)பி ப்³ரஹ்மவித³ஸ்தாநி கிம் ந ஸ்யுரித்யாஶங்க்யா(அ)(அ)ஹ —
ப்³ரஹ்மவித³ஶ்சேதி ।
இதஶ்ச தஸ்ய புத்ராதி³ஸாத⁴நாநுபபத்திரித்யாஹ —
யேஷாமிதி ।
ஸமுச்சயபக்ஷமநுபா⁴ஷ்ய ஶ்ருதிவிரோதே⁴ந தூ³ஷயதி —
கேசித்த்விதி ।
ஶ்ருதிவிரோத⁴மேவ ஸ்போ²ரயதி —
புத்ராதீ³தி ।
அவித்³வத்³விஷயத்வம் ஶ்ருதம் தத்ப்ரகாரேண தேஷாமுபதே³ஶாதி³தி ஶேஷ: । கிம் ப்ரஜயா கரிஷ்யாம இத்யத ஆரப்⁴ய யேஷாம் நோ(அ)யமாத்மா(அ)யம் லோக இதி ச வித்³யாவிஷயே ஶ்ருதிரிதி யோஜநா । ஏஷ விபா⁴க³: ஶ்ருத்யா க்ருதஸ்தை: ஸமுச்சயவாதி³பி⁴ர்ந ஶ்ருத இதி ஸம்ப³ந்த⁴: ।
ந கேவலம் ஶ்ருதிவிரோதா⁴தே³வ ஸமுச்சயாஸித்³தி⁴: கிந்து யுக்திவிரோதா⁴ச்சேத்யாஹ —
ஸர்வேதி ।
த்³விதீயஶ்சகாரோ(அ)வதா⁴ரணார்தோ² நஞா ஸம்ப³த்⁴யதே ।
ஸ்ம்ருதிவிரோதா⁴ச்ச ஸமுச்சயாஸித்³தி⁴ரித்யாஹ —
வ்யாஸேதி ।
தத்ர ப்ரத²மம் பூர்வோக்தம் யுக்திவிரோத⁴ம் ஸ்பு²டயதி —
கர்மேதி ।
ப்ரதிகூலவர்தநம் நிவர்த்யநிவர்தகபா⁴வ: ।
ஸம்ப்ரதி ஸ்ம்ருதிவிரோத⁴ம் ஸ்போ²ரயதி —
யதி³த³மிதி ।
ப்ரஸித்³த⁴ம் வேத³வசநம் குரு கர்மேத்யஜ்ஞம் ப்ரதி யதி³த³முபலப்⁴யதே விவேகிநம் ப்ரதி ச த்யஜேதி தத்ர காம் க³திமித்யாதி³: ஶிஷ்யஸ்ய வ்யாஸம் ப்ரதி ப்ரஶ்நஸ்தஸ்ய பீ³ஜமாஹ —
ஏதாவிதி ।
வித்³யாகர்மாக்²யாவுபாயௌ பரஸ்பரவிருத்³த⁴த்வே வர்தேதே ஸாபி⁴மாநத்வநிரபி⁴மாநத்வாதி³புரஸ்காரேண ப்ராதிகூல்யாத்ஸமுச்சயாநுபபத்தேர்யதோ²க்தஸ்ய ப்ரஶ்நஸ்ய ஸாவகாஶத்வமித்யர்த²: । இத்யேவம் ப்ருஷ்ட²ஸ்ய ப⁴க³வதோ வ்யாஸஸ்யேதி ஶேஷ: । விரோதோ⁴ ஜ்ஞாநகர்மணோ: ஸமுச்சயஸ்யேதி வக்தவ்யம் ।
ஸமுச்சயாநுபபத்திமுபஸம்ஹரதி —
தஸ்மாதி³தி ।
கத²ம் தர்ஹி ப்³ரஹ்மவித்³யா புருஷார்த²ஸாத⁴நமிதி தத்ரா(அ)(அ)ஹ —
ஸர்வவிரோதா⁴தி³தி ।
ஸர்வஸ்ய க்ரியாகாரகப²லபே⁴தா³த்மகஸ்ய த்³வைதேந்த்³ரஜாலஸ்ய ப்³ரஹ்மவித்³யயா விரோதா⁴தி³தி யாவத் ।
ஏகாகிநீ ப்³ரஹ்மவித்³யா முக்திஹேதுரிதி ஸ்தி²தே ப²லிதமாஹ —
இதி பாரிவ்ராஜ்யமிதி ।
ந கேவலம் ஸம்ந்யாஸஸ்ய ஶ்ரவணாதி³பௌஷ்கல்யத்³ருஷ்டத்³வாரேண வித்³யாபரிபாராகாங்க³த்வம் ஶ்ருத்யாதி³வஶாத³வக³ம்யதே கிந்து லிங்கா³த³பீத்யாஹ —
ஏதாவதே³வேதி ।
தத்ரைவ லிங்கா³ந்தரமாஹ —
ஷஷ்ட²ஸமாப்தவிதி ।
ஏதச்சோப⁴யத: ஸம்ப³த்⁴யதே । யதி³ கர்மஸஹிதம் ஜ்ஞாநம் முக்திஹேதுஸ்ததா³ கிமிதி கர்மண: ஸதோ யாஜ்ஞவல்க்யஸ்ய பாரிவ்ராஜ்யமுச்யதே தஸ்மாத்தத்த்யாக³ஸ்தத³ங்க³த்வேந விதி⁴த்ஸத இத்யர்த²: ।
தத்ரைவ லிங்கா³ந்தரமாஹ —
மைத்ரேய்யை சேதி ।
ந ஹி மைத்ரேயீ ப⁴ர்தரி த்யக்தகர்மணி ஸ்வயம் கர்மாதி⁴கர்துமர்ஹதி பதித்³வாரமந்தரேண பா⁴ர்யாயாஸ்தத³நதி⁴காராத் । யதா² ச தஸ்யை கர்மஶூந்யாயை முக்தே: ஸாத⁴நத்வேந வித்³யோபதே³ஶாத்கர்மத்யாக³ஸ்தத³ங்க³த்வேந த்⁴வநித இத்யர்த²: ।
தத்ரைவ ஹேத்வந்தரமாஹ —
வித்தேதி ।
கிமஹம் தேந குர்யாமிதி வித்தம் நிந்த்³யதே । அதஶ்ச தத்ஸாத்⁴யம் கர்ம ஜ்ஞாநஸஹாயத்வேந முக்தௌ நோபகரோதீத்யர்த²: ।
ததே³வ விவ்ருணோதி —
யதி³ ஹீதி ।
தந்நிந்தா³வசநமித்யத்ர தச்ச²ப்³தே³ந வித்தமுச்யதே ।
த்வத்பக்ஷே வா கத²ம் நிந்தா³வசநமிதி தத்ரா(அ)(அ)ஹ —
யதி³ த்விதி ।
கிஞ்ச ப்³ராஹ்மணோ(அ)ஹம் க்ஷத்ரியோ(அ)ஹமித்யாத்³யபி⁴மாநஸ்ய கர்மாநுஷ்டா²நநிமித்தஸ்ய நிந்த³யா ஸர்வமித³மாத்மைவேதி ப்ரத்யயே ஶ்ருதேஸ்தாத்பர்யத³ர்ஶநாத்³வித்³யாலிங்க³த்வேந ஸம்ந்யாஸோ விதி⁴த்ஸத இத்யாஹ —
கர்மாதி⁴காரேதி ।
நநு ஜாக்³ரதி விதௌ⁴ கர்மாநுஷ்டா²நமஶக்யமபஹாரயிதுமத ஆஹ —
ந ஹீதி ।
நநு வர்ணாஶ்ரமாபி⁴மாநவத: ஸம்ந்யாஸோ(அ)பீஷ்யதே ஸ கத²ம் தத³பா⁴வே தத்ரா(அ)(அ)ஹ —
யஸ்யைவேதி ।
அர்த²ப்ராப்தஶ்சேத்யவதா⁴ரணார்த²ஶ்சகார: । ப்ரயோஜகஜ்ஞாநவதோ வைத⁴ஸம்ந்யாஸாப்⁴யுபக³மாத³விரோத⁴ இதி பா⁴வ: ।
ஆத்மஜ்ஞாநாங்க³த்வம் ஸம்ந்யாஸஸ்ய ஶ்ருதிஸ்ம்ருதிந்யாயஸித்³த⁴ம் சேத்கிமர்த²மியமாக்²யாயிகா ப்ரணீயதே தத்ரா(அ)(அ)ஹ —
தஸ்மாதி³தி ।
வித்⁴யபேக்ஷிதார்த²வாத³ஸித்³த்⁴யர்த²மாக்²யாயிகேதி பா⁴வ: ।