அம்ருதத்வஸாத⁴நமாத்மஜ்ஞாநம் விவக்ஷிதம் சேதா³த்மா வா அரே த்³ரஷ்டவ்ய இத்யாதி³ வக்தவ்யம் கிமிதி ந வா அரே பத்யுரித்யாதி³வாக்யமித்யாஶங்க்யா(அ)(அ)ஹ —
ஜாயேதி ।
உவாச ஜாயாதீ³நாத்மார்த²த்வேந ப்ரியத்வமாத்மநஶ்சாநௌபாதி⁴கப்ரியத்வேந பரமாநந்த³த்வமிதி ஶேஷ: ப்ரதீகமாதா³ய வ்யாசஷ்டே —
ந வா இதி ।
கிம் தந்நிபாதேந ஸ்மார்யதே ததா³ஹ —
ப்ரஸித்³த⁴மிதி ।
யதோ²க்தே க்ரமே நியாமகமாஹ —
பூர்வம் பூர்வமிதி ।
யத்³யதா³ஸந்நம் ப்ரீதிஸாத⁴நம் தத்தத³நதிக்ரம்ய தஸ்மிந்விஷயே பூர்வம் பூர்வம் வசநமிதி யோஜநா ।
தத்ர ஹேதுமாஹ —
தத்ரேதி ।
ந வா அரே ஸர்வஸ்யேத்யயுக்தம் பத்யாதீ³நாமுக்தத்வாத³ம்ஶேந புநருக்திப்ரஸம்கா³தி³த்யாஶங்க்யா(அ)(அ)ஹ —
ஸர்வக்³ரஹணமிதி ।
உக்தவத³நுக்தாநாமபி க்³ரஹணம் கர்தவ்யம் ந ச ஸர்வே விஶேஷதோ க்³ரஹீதும் ஶக்யந்தே தேந ஸாமாந்யார்த²ம் ஸர்வபத³மித்யர்த²: ।
ஸர்வபர்யாயேஷு ஸித்³த⁴மர்த²முபஸம்ஹரதி —
தஸ்மாதி³தி ।
நநு த்ருதீயே ப்ரியத்வமாத்மந ஆக்²யாதம் ததே³வாத்ராபி கத்²யதே சேத்புநருக்தி: ஸ்யாத்தத்ரா(அ)(அ)ஹ —
ததே³ததி³தி ।
அதோ²பந்யாஸவிவரணாப்⁴யாம் ப்ரீதிராத்மந்யேவேத்யயுக்தம் புத்ராதா³வபி தத்³த³ர்ஶநாத³த ஆஹ —
தஸ்மாதி³தி ।
ஆத்மநோ நிரதிஶயப்ரீத்யாஸ்பத³த்வேந பரமாநந்த³த்வமபி⁴தா⁴யோத்தரவாக்யமாதா³ய வ்யாசஷ்டே —
தஸ்மாதி³த்யாதி³நா ।
கத²ம் புநரித³ம் த³ர்ஶநமுத்பத்³யதே தத்ரா(அ)(அ)ஹ —
ஶ்ரோதவ்ய இதி ।
ஶ்ரவணாதீ³நாமந்யதமேநா(அ)(அ)த்மஜ்ஞாநலாபா⁴த்கிமிதி ஸர்வேஷாமத்⁴யயநமித்யாஶங்க்யா(அ)(அ)ஹ —
ஏவம் ஹீதி ।
வித்⁴யநுஸாரித்வமேவம்ஶப்³தா³ர்த²: ।
ஶ்ருதத்வாவிஶேஷாத்³விகல்பஹேத்வபா⁴வாச்ச ஸர்வைரேவா(அ)(அ)த்மஜ்ஞாநம் ஜாயதே சேத்தேஷாம் ஸமப்ரதா⁴நத்வமாக்³நேயாதி³வதா³பதேதி³த்யாஶங்க்யா(அ)(அ)ஹ —
யதே³தி ।
ஶ்ரவணஸ்ய ப்ரமாணவிசாரத்வேந ப்ரதா⁴நத்வாத³ங்கி³த்வம் மநநநிதி³த்⁴யாஸநயோஸ்து தத்கார்யப்ரதிப³ந்த⁴ப்ரத்⁴வம்ஸித்வாத³ங்க³த்வமித்யங்கா³ங்கி³பா⁴வேந யதா³ ஶ்ரவணாதீ³ந்யஸக்ருத³நுஷ்டா²நேந ஸமுச்சிதாநி ததா³ ஸாமக்³ரீபௌஷ்கல்யாத்தத்த்வஜ்ஞாநம் ப²லஶிரஸ்கம் ஸித்⁴யதி । மநநாத்³யபா⁴வே ஶ்ரவணமாத்ரேண நைவ தது³த்பத்³யதே । மநநாதி³நா ப்ரதிப³ந்தா⁴ப்ரத்⁴வம்ஸே வாக்யஸ்ய ப²லவஜ்ஜ்ஞாநஜநகத்வாயோகா³தி³த்யர்த²: ।
பராமர்ஶவாக்யஸ்ய தாத்பர்யமாஹ —
யதே³த்யாதி³நா ।
கர்மநிமித்தம் ப்³ரஹ்மக்ஷத்ராதி³ ததே³வ வர்ணாஶ்ரமாவஸ்தா²தி³ரூபமாத்மந்யவித்³யயா(அ)த்⁴யாரோபிதஸ்ய ப்ரத்யயோ மித்²யாஜ்ஞாநம் தஸ்ய விஷயதயா ஸ்தி²தம் க்ரியாத்³யாத்மகம் தது³பமர்த³நார்த²மாஹேதி ஸம்ப³ந்த⁴: ।
அவித்³யாத்⁴யாரோபிதப்ரத்யயவிஷயமித்யேததே³வ வ்யாகரோதி —
அவித்³யேதி ।
அவித்³யாஜநிதப்ரத்யயவிஷயத்வே த்³ருஷ்டாந்தமாஹ —
ரஜ்ஜ்வாமிதி ॥5॥