ஏகேநைவ த்³ருஷ்டாந்தேந விவக்ஷிதார்த²ஸித்³தௌ⁴ கிமித்யநேகத்³ருஷ்டோந்தோபாதா³நமித்யாஶங்க்யா(அ)(அ)ஹ —
அநேகேதி ।
இஹேதி ஜக³து³ச்யதே ஶ்ருதிர்வா ।
ஸாமாந்யப³ஹுத்வமேவ ஸ்பு²டயதி —
அநேக இதி ।
தேஷாம் ஸ்வஸ்வஸாமாந்யே(அ)ந்தர்பா⁴வே(அ)பி குதோ ப்³ரஹ்மணி பர்யவஸாநமித்யாஶங்க்யா(அ)(அ)ஹ —
தேஷாமிதி ।
கத²மித்யஸ்மாத்பூர்வம் ததே²த்யத்⁴யாஹார: । இதி மந்யதே ஶ்ருதிரிதி ஶேஷ: ।
விமதம் நா(அ)(அ)த்மாதிரேகி தத³திரேகேணாக்³ருஹ்யமாணத்வாத்³யத்³யத³திரேகேணாக்³ருஹ்யமாணம் தத்தத³திரேகி ந ப⁴வதி யதா² து³ந்து³ப்⁴யாதி³ஶப்³தா³ஸ்தத்ஸாமாந்யாதிரேகேணாக்³ருஹ்யமாணாஸ்தத³திரேகேண ந ஸந்தீத்யநுமாநம் விவக்ஷந்நாஹ —
து³ந்து³பீ⁴தி ।
ஶப்³த³த்வே(அ)ந்தர்பா⁴வஸ்ததா² ப்ரஜ்ஞாநக⁴நே ஸர்வம் ஜக³த³ந்தர்ப⁴வதீதி ஶேஷ: ।
த்³ருஷ்டாந்தத்ரயமவஷ்டப்⁴ய நிஷ்டங்கிதமர்த²முபஸம்ஹரதி —
ஏவமிதி ॥9॥