யஸ்து கார்யகரணஸங்கா⁴தோ மாநுஷாதி³ஜாதிவிஶிஷ்ட:, ஸோ(அ)யமாத்மா ஸர்வேஷாம் பூ⁴தாநாம் மது⁴ । நநு அயம் ஶாரீரஶப்³தே³ந நிர்தி³ஷ்ட: ப்ருதி²வீபர்யாய ஏவ — ந, பார்தி²வாம்ஶஸ்யைவ தத்ர க்³ரஹணாத் ; இஹ து ஸர்வாத்மா ப்ரத்யஸ்தமிதாத்⁴யாத்மாதி⁴பூ⁴தாதி⁴தை³வாதி³ஸர்வவிஶேஷ: ஸர்வபூ⁴ததே³வதாக³ணவிஶிஷ்ட: கார்யகரணஸங்கா⁴த: ஸ: ‘அயமாத்மா’ இத்யுச்யதே । தஸ்மிந் அஸ்மிந் ஆத்மநி தேஜோமயோ(அ)ம்ருதமய: புருஷ: அமூர்தரஸ: ஸர்வாத்மகோ நிர்தி³ஶ்யதே ; ஏகதே³ஶேந து ப்ருதி²வ்யாதி³ஷு நிர்தி³ஷ்ட:, அத்ர அத்⁴யாத்மவிஶேஷாபா⁴வாத் ஸ: ந நிர்தி³ஶ்யதே । யஸ்து பரிஶிஷ்டோ விஜ்ஞாநமய: — யத³ர்தோ²(அ)யம் தே³ஹலிங்க³ஸங்கா⁴த ஆத்மா — ஸ: ‘யஶ்சாயமாத்மா’ இத்யுச்யதே ॥