ஸ வா அயமாத்மேத்யஸ்யார்த²மாஹ —
யஸ்மிந்நிதி ।
பரிஶிஷ்ட: பூர்வபர்யாயேஷ்வநுபதி³ஷ்டோ(அ)ந்த்யே ச பர்யாயே யஶ்சாயமாத்மேத்யுக்தோ நிஜ்ஞாநமயோ யஸ்மிந்நாத்மநி கி²ல்யத்³ருஷ்டாந்தவசஸா ப்ரவேஶிதஸ்தேந பரேணா(அ)(அ)த்மநா தாதா³த்ம்யம் க³தோ வித்³வாநத்ரா(அ)(அ)த்மஶப்³தா³ர்த²: ।
உக்தமாத்மஶப்³தா³ர்த²மநூத்³ய ஸர்வேஷாமித்யாதி³ வ்யாசஷ்டே —
தஸ்மிந்நிதி ।
அவித்³யயா க்ருத: கார்யகரணஸம்கா⁴த: ஏவோபாதி⁴ஸ்தேந விஶிஷ்டே ஜீவே தஸ்மிந்பரமார்தா²த்மநி ப்³ரஹ்மணி ப்³ரஹ்மவித்³யயா ப்ரவேஶிதே ஸ ஏவாயமாத்மா யதோ²க்தவிஶேஷண: ஸர்வைருபாஸ்ய: ஸர்வேஷாம் பூ⁴தாநாமதி⁴பதிரிதி ஸம்ப³ந்த⁴: ।
வ்யாக்²யேயம் பத³மாதா³ய தஸ்ய வாச்யமர்த²மாஹ —
ஸர்வேஷாமிதி ।
தஸ்யைவ விவக்ஷிதோ(அ)ர்த²: ஸர்வைருபாஸ்ய இத்யுக்த: ।
ஸ்வாதந்த்ர்யம் வ்யதிரேகத்³வாரா ஸ்போ²ரயதி —
நேத்யாதி³நா ।
ஸர்வேஷாம் பூ⁴தாநாம் ராஜேத்யேதாவதைவ யதோ²க்தார்த²ஸித்³தௌ⁴ கிமித்யதி⁴பதிரிதி விஶேஷணமித்யாஶங்க்யா(அ)(அ)ஹ —
ராஜத்வேதி ।
ராஜத்வஜாத்யநாக்ராந்தோ(அ)பி கஶ்சித்தது³சிதபரிபாலநாதி³வ்யவஹாரவாநித்யுபலப்³தி⁴ம் ந புநஸ்தஸ்ய ஸ்வாதந்த்ர்யம் ராஜபரதந்த்ரத்வாத்தஸ்மாத்ததோ வ்யவச்சே²தா³ர்த²மதி⁴பதிரிதி விஶேஷணமித்யர்த²: ।
ராஜா(அ)தி⁴பதிரித்யுப⁴யோரபி மிதோ² விஶேஷணவிஶேஷ்யத்வமபி⁴ப்ரேத்ய வாக்யார்த²ம் நிக³மயதி —
ஏவமிதி ।
உக்தஸ்ய வித்³யாப²லஸ்ய த்ருதீயேநைகவாக்யத்வமாஹ —
யது³க்தமிதி ।
ததே³வ வ்யாக்²யாதம் ஸ்போ²ரயதி —
ஏவமிதி ।
மைத்ரேயீப்³ராஹ்மணோக்தக்ரமேணேதி யாவத் ।
ஏவமித்யஸ்யார்த²ம் கத²யதி —
யதே²தி ।
மது⁴ப்³ராஹ்மணே பூர்வப்³ராஹ்மணே சோக்தக்ரமேணா(அ)(அ)த்மநி ஶ்ரவணாதி³த்ரயம் ஸம்பாத்³ய வித்³வாந்ப்³ரஹ்மாப⁴வதி³தி ஸம்ப³ந்த⁴: ।
நநு மோக்ஷாவஸ்தா²யாமேவ விது³ஷோ ப்³ரஹ்மத்வாபரிச்சி²ந்நத்வம் ந ப்ராச்யாமவித்³யாத³ஶாயாமித்யாஶங்க்யா(அ)(அ)ஹ —
தஸ்மாதி³தி ।
ஸமாநாதி⁴கரணம் பஞ்சமீத்ரயம் । ஏவம்லக்ஷணாத³ஹம் ப்³ரஹ்மாஸ்மீதி ஶ்ரவணாதி³க்ருதாத்தத்த்வஸாக்ஷாத்காராதி³தி யாவத் ।
அப்³ரஹ்மத்வாதி³தீ⁴த்⁴வஸ்திஸ்தர்ஹி கத²மித்யாஶங்க்யா(அ)(அ)ஹ —
தாம் த்விதி ।
வ்ருத்தமநூத்³யோத்தரக்³ரந்த²மவதாரயதி —
பரிஸமாப்த இதி ।
யஸ்ய ஶாஸ்த்ரஸ்யார்தோ² விஷயப்ரயோஜநாக்²யோ ப்³ரஹ்மகண்டி³காயாம் சதுர்தா²தௌ³ ச ப்ரஸ்துதஸ்தஸ்யார்தோ² யதோ²க்தந்யாயேந நிர்தா⁴ரித இத்யநுவாதா³ர்த²: । ஸர்வாத்மபூ⁴தத்வம் ஸர்பாதி³வத்கல்பிதாநாம் ஸர்வேஷாமாத்மபா⁴வேந ஸ்தி²தத்வம் । ஸர்வம் ப்³ரஹ்ம தத்³ரூபத்வம் ஸர்வாத்மகம் ।
ஸர்வ ஏத ஆத்மாந குதோ பே⁴தோ³க்திராத்மைக்யஸ்ய ஶாஸ்த்ரீயத்வாதி³த்யாஶங்க்யா(அ)(அ)ஹ —
ஜலசந்த்³ரவதி³தி ।
தா³ர்ஷ்டாந்திகபா⁴க³ஸ்ய ஸம்பிண்டி³தமர்த²மாஹ —
ஸர்வமிதி ।
உக்தஸ்ய ஸர்வாத்மபா⁴வஸ்ய த்ருதீயேநைகவாக்யத்வம் நிர்தி³ஶதி —
யது³க்தமிதி ।
ஸர்வாத்மபா⁴வே விது³ஷ: ஸப்ரபஞ்சத்வம் ஸ்யாதி³த்யாஶங்க்யா(அ)(அ)ஹ —
ஸ ஏஷ இதி ।
ஸர்வேண கல்பிதேந த்³வைதேந ஸஹிதமதி⁴ஷ்டா²நபூ⁴தம் ப்³ரஹ்ம ப்ரத்யக்³பா⁴வேந பஶ்யந்வித்³வாந்ஸர்வோபாதி⁴ஸ்தத்தத்³ரூபேண ஸ்தி²த: ஸர்வோ ப⁴வதி ।
ததே³வம் கல்பிதம் ஸப்ரபஞ்சத்வமவித்³வத்³த்³ருஷ்ட்யா விது³ஷோ(அ)பீ⁴ஷ்டமித்யர்த²: வித்³வத்³த்³ருஷ்ட்யா தஸ்ய நிஷ்ப்ரபஞ்சத்வம் த³ர்ஶயதி —
நிருபாதி⁴ரிதி ।
நிருபாக்²யத்வம் ஶப்³த³ப்ரத்யயகோ³சரத்வம் ப்³ரஹ்மண: ஸப்ரபஞ்சத்வமவித்³யாக்ருதம் நிஷ்ப்ரபஞ்சத்வம் தாத்த்விகமித்யாக³மார்தா²விரோத⁴ உக்த: ।
கத²ம் தர்ஹி தார்கிகா மீமாம்ஸகாஶ்ச ஶாஸ்த்ரார்த²ம் விருத்³த⁴ம் பஶ்யந்தோ ப்³ரஹ்மாஸ்தி நாஸ்தீத்யாதி³ விகல்பயந்தோ மோமுஹ்யந்தே தத்ரா(அ)(அ)ஹ —
தமேதமிதி ।
வாதி³வ்யாமோஹஸ்யாஜ்ஞாநம் மூலமுக்த்வா ப்ரக்ருதே ப்³ரஹ்மணோ த்³வைரூப்யே ப்ரமாணமாஹ —
தமித்யாதி³நா ।
தைத்திரீயஶ்ருதாவாதி³ஶப்³தே³நாஹமந்நமந்நமத³ந்தமத்³மீத்யாதி³ க்³ருஹ்யதே । சா²ந்தோ³க்³யஶ்ருதாவாதி³ஶப்³தே³ந ஸத்யகாம: ஸத்யகங்கல்போ விஜரோ விம்ருத்யுரித்யாதி³ க்³ருஹீதம் ।
ஶ்ருதிஸித்³தே⁴ த்³வைரூப்யே ஸ்ம்ருதிமபி ஸம்வாத³யதி —
ததே²தி ।
பூர்வோக்தப்ரகாரேணா(அ)(அ)க³மார்த²விரோத⁴ஸமாதா⁴நே வித்³யமாநே(அ)பி தத³ஜ்ஞாநாத்³வாதி³விப்⁴ராந்திரித்யுபஸம்ஹரதி —
இத்யேவமாதீ³தி ।
விகல்பமேவ ஸ்பு²டயதி —
அஸ்தீதி ।
ஸர்வத்ர ஶ்ருதிஸ்ம்ருதிஷ்வாத்மநீதி யாவத் ।
கே தர்ஹி பாரமவித்³யாயா: ஸமதி⁴க³ச்ச²ந்தி தத்ரா(அ)(அ)ஹ —
தஸ்மாதி³தி ।
ப்³ரஹ்மஜ்ஞாநப²லமாஹ —
ஸ ஏவேதி ॥15॥