தத்³யதே²த்யாதி³வாக்யார்த²ம் விஸ்தரேணோக்த்வா வ்ருத்தம் கீர்தயதி —
பரிஸமாப்தேதி ।
ப்³ரஹ்மவித்³யா பரிஸமாப்தா சேத்கிமுத்தரக்³ரந்தே²நேத்யாஶங்க்யா(அ)(அ)ஹ —
ஏதஸ்யா இதி ।
இயமிதி ப்ரவர்க்³யப்ரகரணஸ்தா²மாக்²யாயிகாம் பராம்ருஶதி —
ஆநீதேத³ம் வை தந்மத்⁴வித்யாதி³நா ப்³ராஹ்மணேநேதி ஶேஷ: ।
ததே³தத்³ருஷிரித்யாதே³ஸ்தாத்பர்யமாஹ —
தஸ்யா இதி ।
தத்³வாம் நரேத்யாதி³ரேகோ மந்த்ர: । ஆத²ர்வணாயேத்யாதி³பர: ।
மந்த்ரப்³ராஹ்மணாப்⁴யாம் வக்ஷ்யமாணரீத்யா ப்³ரஹ்மவித்³யாயா: ஸ்துதத்வே கிம் ஸித்⁴யதீத்யாஶங்க்யா(அ)(அ)ஹ —
ஏவம் ஹீதி ।
தஸ்யா முக்திஸாத⁴நத்வம் த்³ருஷ்டாந்தேந ஸ்பு²டயதி —
யதே²தி ।
கேந ப்ரகாரேண ப்³ரஹ்மவித்³யாயா: ஸ்துதத்வம் ததா³ஹ —
அபி சேதி ।
அபிஶப்³த³: ஸ்தாவகப்³ராஹ்மணஸம்பா⁴வநார்த²: । மந்த்ரத்³வயஸமுச்சயார்த²ஶ்சஶப்³த³: ।
ஏவம் ஶப்³த³ஸூசிதம் ஸ்துதிப்ரகாரமேவ ப்ரகடயதி —
யேந்த்³ரதி ।
தஸ்யா து³ஷ்ப்ராப்யத்வே ஹேதுமாஹ —
யஸ்மாதி³தி ।
மஹாந்தமாயாஸம் ஸ்பு²டயதி —
ப்³ராஹ்மணஸ்யேதி ।
க்ருதார்தே²நாபீந்த்³ரியேண ரக்ஷிதத்வே வித்³யாயா தௌ³ர்லப்⁴யே ச ப²லிதமாஹ —
தஸ்மாதி³தி ।
ந கேவலமுக்தேந ப்ரகாரேண வித்³யா ஸ்தூயதே கிந்து ப்ரகாராந்தரேணாபீத்யாஹ —
அபி சேதி ।
ததே³வ ப்ரகாராந்தரம் ப்ரகடயதி —
ஸர்வேதி ।
கேவலயேத்யஸ்ய வ்யாக்²யாநம் கர்மநிரபேக்ஷயேதி । தத்ர ஹேதுமாஹ —
யஸ்மாதி³தி ।
கிமிதி கர்மப்ரகரணே ப்ராப்தா(அ)பி ப்ரகரணாந்தரே கத்²யதே தத்ரா(அ)(அ)ஹ —
கர்மணேதி ।
ப்ரஸித்³த⁴ம் புமர்தோ²பாயம் கர்ம த்யக்த்வா வித்³யாயாமேவா(அ)(அ)த³ரே தத³தி⁴கதா ஸமதி⁴க³தேதி ப²லிதமாஹ —
தஸ்மாதி³தி ।
ப்ரகராந்தரேண ப்³ரஹ்மவித்³யாயா: ஸ்துதிம் த³ர்ஶயதி —
அபி சேதி ।
அநாத்மரதிம் த்யக்த்வா(அ)(அ)த்மந்யேவ ரதிஹேதுத்வாந்மஹதீயம் வித்³யேத்யர்த²: ।
விதா⁴ந்தரேண தஸ்யா: ஸ்துதிமாஹ —
அபி சைவமிதி ।
கத²ம் ப்³ரஹ்மவித்³யா பா⁴ர்யாயை ப்ரீத்யர்த²மேவோக்தேதி க³ம்யதே தத்ரா(அ)(அ)ஹ —
ப்ரியமிதி ।
ஆக்²யாயிகாயா: ஸ்துத்யர்த²த்வம் ப்ரதிபாத்³ய வ்ருத்தமநூத்³யா(அ)(அ)காங்க்ஷாபூர்வகம் தாமவதார்ய வ்யாகரோதி —
தத்ரேத்யாதி³நா ।
ப்³ரஹ்மவித்³யா ஸப்தம்யர்த²: ।
பதா³ர்த²முக்த்வா வாக்யார்த²மாஹ —
யதி³தி ।
த³த்⁴யங்ஙித்யாதி³ வ்யாகுர்வந்நாகாங்க்ஷாபூர்வகம் ப்ரவர்க்³யப்ரகரணஸ்தா²மாக்²யாயிகாமநுகீர்தயதி —
கத²மித்யாதி³நா ।
ஆப்⁴யாமஶ்விப்⁴யாமிதி யாவத் ।
கேந காரணேநோவாசேத்யபேக்ஷாயாமாஹ —
ததே³நயோரிதி ।
ஏநயோரஶ்விநோஸ்தந்மது⁴ ப்ரீத்யாஸ்பத³மாஸீத்தத்³வஶாத்தாப்⁴யாம் ப்ரார்தி²தோ ப்³ராஹ்மணஸ்தது³வாசேத்யர்த²: ।
யத³ஶ்விப்⁴யாம் மது⁴ ப்ரார்தி²தம் ததே³தேந வக்ஷ்யமாணேந ப்ரகாரேண ப்ரயச்ச²ந்நேவைநயோரஶ்விநோராசார்யத்வேந ப்³ராஹ்மண: ஸமீபக³மநம் க்ருதவாநித்யாஹ —
ததே³வேதி ।
ஆசார்யத்வாநந்தரம் ப்³ராஹ்மணஸ்ய வசநம் த³ர்ஶயதி —
ஸ ஹோவாசேதி ।
ஏதச்ச²ப்³தோ³ மத்⁴வநுப⁴வவிஷய: । யத்³யர்தோ² யச்ச²ப்³த³: । தச்ச²ப்³த³ஸ்தர்ஹீத்யர்த²: । வாம் யுவாமுபநேஷ்யே ஶிஷ்யத்வேந ஸ்வீகரிஷ்யாமீதி யாவத் । தௌ தே³வபி⁴ஷஜாவஶ்விநௌ ஶிரஶ்சே²த³நிமித்தம் மரணம் பஞ்சம்யர்த²: । நாவாவாமுபநேஷ்யே ஶிஷ்யத்வேந ஸ்வீகரிஷ்யஸி யதே³தி யாவத் । அத²ஶப்³த³ஸ்ததே³த்யர்த²: । ப்³ராஹ்மணஸ்யாநுஜ்ஞாநந்தர்யமதே²த்யுக்தம் । மது⁴ப்ரவசநாந்தர்யம் த்ருதீயஸ்யாத²ஶப்³த³ஸ்யார்த²: । யத³ஶ்வஸ்ய ஶிரோ ப்³ராஹ்மணே நிப³த்³த⁴ம் தஸ்ய ச்சே²த³நாநந்தர்யம் சதுர்த²ஸ்யாத²ஶப்³த³ஸ்யார்த²: ।
தர்ஹி ஸமஸ்தமபி மது⁴ ப்ரவர்க்³யப்ரகரணே ப்ரத³ர்ஶிதமேவேதி க்ருதமநேந ப்³ராஹ்மணேநேத்யாஶங்க்யா(அ)(அ)ஹ —
யாவத்த்விதி ।
ப்ரவர்க்³யப்ரகரணே ஸ்தி²தா(அ)(அ)க்²யாயிகா கிமர்த²மத்ரா(அ)(அ)நீதேத்யாஶங்க்ய தஸ்யா ப்³ரஹ்மவித்³யாயா: ஸ்துத்யர்தே²யமாக்²யாயிகேத்யத்ரோக்தமுபஸம்ஹரதி —
தத்ரேதி ।
ப்³ராஹ்மணபா⁴க³வ்யாக்²யாம் நிக³மயதி —
இத³மிதி ।
தத்³வாமித்யாதி³மந்த்ரமுத்தா²ப்ய வ்யாசஷ்டே —
ததே³ததி³தி ।
கத²ம் லாபா⁴யாபி க்ரூரகர்மாநுஷ்டா²நமத ஆஹ —
லாபே⁴தி ।
நநு ப்ரதிஷேதே⁴ முக்²யோ நகார: கத²மிவார்தே² வ்யாக்²யாயதே தத்ரா(அ)(அ)ஹ —
நகாரஸ்த்விதி ।
வேதே³ பதா³து³பரிஷ்டாத்³யோ நகார: ஶ்ருத: ஸ க²லூபசார: ஸந்நுபமார்தோ²(அ)பி ஸம்ப⁴வதி ந நிஷேதா⁴ர்த² ஏவேத்யர்த²: ।
தத்ரோதா³ஹரணமாஹ —
யதே²தி ।
“அஶ்வம் ந கூ³ட⁴மஶ்விநே”த்யத்ர நகாரோ யதோ²பமார்தீ²யஸ்ததா² ப்ரக்ருதே(அ)பீத்யர்த²: ।
ததே³வ ஸ்பஷ்டயதி —
அஶ்வமிவேதி ।
யத்³வதி³தி ।
உபமார்தீ²யே நகாரே ஸதி வாக்யஸ்வரூபமநூத்³ய தத³ர்த²ம் கத²யதி —
தந்யதுரித்யாதி³நா ।
வித்³யாஸ்துதித்³வாரா தத்³வந்தாவஶ்விநாவத்ர ந ஸ்தூயதே கிந்து க்ரூரகர்மகாரித்வேந நிந்த்³யேதே ததா³ சா(அ)(அ)க்²யாயிகா வித்³யாஸ்துத்யர்தே²த்யயுக்தமிதி ஶங்கதே —
நந்விதி ।
ஆக்²யாயிகாயா வித்³யாஸ்துத்யர்த²த்வமவிருத்³த⁴மிதி பரிஹரதி —
நைஷ இதி ।
லோமமாத்ரமபி ந மீயத இதி யஸ்மாத்தஸ்மாத்³வித்³யாஸ்துத்யா தத்³வதோ: ஸ்துதிரேவாத்ர விவக்ஷிதமிதி யோஜநா ।
யத்³யபி க்ரூரகர்மகாரிணோரஶ்விநோர்ந த்³ருஷ்டஹாநிஸ்ததா²(அ)ப்யத்³ருஷ்டஹாநி: ஸ்யாதே³வேத்யாஶங்க்ய கைமுதிகந்யாயேநா(அ)(அ)ஹ —
ந சேதி ।
கத²ம் புநர்நிந்தா³யாம் த்³ருஶ்யமாநாயாம் ஸ்துதிரிஷ்யதே தத்ரா(அ)(அ)ஹ —
நிந்தா³மிதி ।
ந ஹி நிந்தா³ நிந்த்³யம் நிந்தி³துமபி து விதே⁴யம் ஸ்தோதுமிதி ந்யாயாதி³த்யர்த²: ।
யதா² நிந்தா³ ந நிந்த்³யம் நிந்தி³துமேவ ததா² ஸ்துதிரபி ஸ்துத்யம் ஸ்தோதுமேவ ந ப⁴வதி கிந்து நிந்தி³துமபி । ததா² ச நாநயோர்வ்யவஸ்தி²தத்வமித்யாஹ —
ததே²தி ।
தத்³வாமித்யாதி³மந்த்ரஸ்ய பூர்வார்த⁴ம் வ்யாக்²யாயா(அ)(அ)க்²யாயிகாயா: ஸ்துத்யர்த²த்வவிரோத⁴ம் சோத்³த்⁴ருத்யோத்தரார்த⁴ம் வ்யசஷ்டே —
த³த்⁴யங்நாமேதி ।
யத்கக்ஷ்யம் ஜ்ஞாநாக்²யம் மது⁴ ததா³த²ர்வணோ யுவாப்⁴யாமஶ்வஸ்ய ஶிரஸா ப்ரோவாச । யச்சாஸௌ மது⁴ யுவாப்⁴யாமுக்தவாம்ஸ்தத³ஹமாவிஷ்க்ருணோமீதி ஸம்ப³ந்த⁴: ॥16॥