மது⁴காண்டே³ த்வாஷ்ட்ரம் கக்ஷ்யம் சேதி மது⁴த்³வயம் வ்யாக்²யாதம் ஸம்ப்ரதி காண்டா³ந்தராரப்⁴யம் ப்ரதிஜாநீதே —
ஜநக இதி ।
நநு பூர்வஸ்மிந்நத்⁴யாயத்³வயே வ்யாக்²யாதமேவ தத்த்வமுத்தரத்ராபி வக்ஷ்யதே ததா² ச புநருக்தேரலம் முநிகாண்டே³நேதி தத்ரா(அ)(அ)ஹ —
உபபத்தீதி ।
துல்யமுபபத்திப்ரதா⁴நத்வம் மது⁴காண்ட³ஸ்யாபீதி சேந்நேத்யாஹ —
மது⁴காண்ட³ம் ஹீதி ।
நநு ப்ரமாணாதா³க³மாதே³வ தத்த்வஜ்ஞாநமுத்பத்ஸ்யதே கிமுபபத்த்யா தத்ப்ரதா⁴நேந காண்டே³ந சேதி தத்ரா(அ)(அ)ஹ —
ஆக³மேதி ।
கரணத்வேநா(அ)(அ)க³ம: தத்த்வஜ்ஞாநஹேதுருபபத்திருபகரணதயா பதா³ர்த²பரிஶோத⁴நத்³வாரா தத்³தே⁴துரித்யத்ர க³மகமாஹ —
ஶ்ரோதவ்ய இதி ।
கரணோபகரணயோராக³மோபபத்த்யோஸ்தத்த்வஜ்ஞாநஹேதுத்வே ஸித்³தே⁴ ப²லிதமுபஸம்ஹரதி —
தஸ்மாதி³தி ।
யதோ²க்தரீத்யா காண்டா³ரம்பே⁴(அ)பி கிமித்யாக்²யாயிகா ப்ரணீயதே தத்ரா(அ)(அ)ஹ —
ஆக்²யாயிகா த்விதி ।
விஜ்ஞாநவதாம் பூஜா(அ)த்ர ப்ரயுஜ்யமாநா த்³ருஶ்யதே । ததா² ச விஜ்ஞாநம் மஹாபா⁴க³தே⁴யமிதி ஸ்துதிரத்ர விவக்ஷிதேத்யர்த²: ।
வித்³யாக்³ரஹணே தா³நாக்²யோபாயப்ரகாரஜ்ஞாபநபரா வா(அ)(அ)க்²யாயிகேத்யர்தா²ந்தரமாஹ —
உபாயேதி ।
கத²ம் புநர்தா³நஸ்ய வித்³யாக்³ரஹணோபாயத்வம் தத்ரா(அ)(அ)ஹ —
ப்ரஸித்³தோ⁴ ஹீதி ।
‘கு³ருஶுஶ்ரூஷயா வித்³யா புஷ்கலேந த⁴நேந வா’ இத்யாதௌ³ தா³நாக்²யோ வித்³யாக்³ரஹணோபாயோ யஸ்மாத்ப்ரஸித்³த⁴ஸ்தஸ்மாத்தஸ்ய தது³பாயத்வே நாஸ்தி வக்தவ்யமித்யர்த²: ।
‘தா³நே ஸர்வம் ப்ரதிஷ்டி²தம்’ இத்யாதி³ஶ்ருதிஷு வித்³வத்³பி⁴ரேஷ வித்³யாக்³ரஹணோபாயோ த்³ருஷ்டஸ்தாமாந்ந தஸ்யோபாயத்வே விவதி³தவ்யமித்யாஹ —
வித்³வத்³பி⁴ரிதி ।
உபபந்நம் ச தா³நஸ்ய வித்³யாக்³ரஹணோபாயத்வமித்யாஹ —
தா³நேநேதி ।
ப⁴வது தா³நம் வித்³யாக்³ரஹணோபாயஸ்ததா²(அ)பீயமாக்²யாயிகா கத²ம் தத்ப்ரத³ர்ஶநபரேத்யாஶங்க்யா(அ)(அ)ஹ —
ப்ரபூ⁴தமிதி ।
நநு ஸமுதி³தேஷு ப்³ராஹ்மணேஷு ப்³ரஹ்மிஷ்ட²தமம் நிர்தா⁴ரயிதும் ராஜா ப்ரவ்ருத்தஸ்தத்கத²மந்யபரேண க்³ரந்தே²ந வித்³யாக்³ரஹணோபாயவிதா⁴நாயா(அ)(அ)க்²யாயிகா(அ)(அ)ரப்⁴யதே தத்ரா(அ)(அ)ஹ —
தஸ்மாதி³தி ।
உபலம்போ⁴ யதோ²க்தஸ்தச்ச²ப்³தா³ர்த²: ।
இதஶ்சா(அ)(அ)க்²யாயிகா வித்³யாப்ராப்த்யுபாயப்ரத³ர்ஶநபரேத்யாஹ —
அபி சேதி ।
தஸ்மிந்வேத்³யே(அ)ர்தே² வித்³யா யேஷாம் தே தத்³வித்³யாஸ்தை: ஸஹ ஸம்ப³ந்த⁴ஶ்ச தைரேவ ப்ரஶ்நப்ரதிவசநத்³வாரா வாத³கரணம் ச வித்³யாப்ராப்தாவுபாய இத்யத்ர க³மகமாஹ —
ந்யாயவித்³யாயாமிதி ।
தத்த்வநிர்ணயப²லாம் ஹி வீதராக³கதா²மிச்ச²ந்தி ।
தத்³வித்³யஸம்யோகா³தே³ர்வித்³யாப்ராப்த்யுபாயத்வே(அ)பி கத²ம் ப்ரக்ருதே தத்ப்ரத³ர்ஶநபரத்வமத ஆஹ —
தச்சேதி ।
தத்³வித்³யஸம்யோகா³தீ³தி யாவத் ।
ந கேவலம் தர்கஶாஸ்த்ரவஶாதே³வ தத்³வித்³யஸம்யோகே³ ப்ரஜ்ஞாவ்ருத்³தி⁴: கிந்து ஸ்வாநுப⁴வவஶாத³பீத்யாஹ —
ப்ரத்யக்ஷா சேதி ।
ஆக்²யாயிகாதாத்பர்யமுபஸம்ஹரதி —
தஸ்மாதி³தி ।
ராஜஸூயாபி⁴ஷிக்த: ஸார்வபௌ⁴மோ ராஜா ஸம்ராடி³த்யுச்யதே । ப³ஹுத³க்ஷிணேந யஜ்ஞேநாயஜதி³தி ஸம்ப³ந்த⁴: । அஶ்வமேதே⁴ த³க்ஷிணாபா³ஹுல்யமஶ்வமேத⁴ப்ரகரணே ஸ்தி²தம் । ப்³ராஹ்மணா அபி⁴ஸம்க³தா ப³பூ⁴வுரிதி ஸம்ப³ந்த⁴: ।