ப்³ரஹ்மவித்³யாம் ஸம்க்ஷேபவிஸ்தராப்⁴யாம் ப்ரதிபாத்³ய வம்ஶப்³ராஹ்மணதாத்பர்யமாஹ —
அதே²தி ।
மஹாஜநபரிக்³ருஹீதா ஹி ப்³ரஹ்மவித்³யா தேந ஸா மஹாபா⁴க³தே⁴யேதி ஸ்துதி: ।
ப்³ராஹ்மணஸ்யார்தா²ந்தரமாஹ —
மந்த்ரஶ்சேதி ।
ஸ்வாத்⁴யாய: ஸ்வாதீ⁴நோச்சாரணக்ஷமத்வே ஸத்யத்⁴யாபநம் ஜபஸ்து ப்ரத்யஹமாவ்ருத்திரிதி பே⁴த³: ।
யதோ²க்தநீத்யா ப்³ராஹ்மணாரம்பே⁴ ஸ்தி²தே வம்ஶஶப்³தா³ர்த²மாஹ —
தத்ரேதி ।
ததே³வ ஸ்பு²டயதி —
யதே²தி ।
ஶிஷ்யாவஸாநோபலக்ஷிணீபூ⁴தாத்பௌதிமாஷ்யாதா³ரப்⁴ய ததா³தி³ர்வேதா³க்²யப்³ரஹ்மமூலபர்யந்தோ(அ)யம் வம்ஶ: பர்வண: பர்வணோ பி⁴த்³யத இதி ஸம்ப³ந்த⁴: ।
வம்ஶஶப்³தே³ந நிஷ்பந்நமர்த²மாஹ —
அத்⁴யாயசதுஷ்டயஸ்யேதி ।
அதா²த்ர ஶிஷ்யாசார்யவாசகஶப்³தா³பா⁴வே குதோ வ்யவஸ்தே²தி தத்ரா(அ)(அ)ஹ —
தத்ரேதி ।
பரமேஷ்டி²ப்³ரஹ்மஶப்³த³யோரேகார்த²த்வமாஶங்க்யா(அ)(அ)ஹ —
பரமேஷ்டீ²தி ।
குதஸ்தர்ஹி ப்³ரஹ்மணோ வித்³யாப்ராப்திஸ்தத்ரா(அ)(அ)ஹ —
தத இதி ।
ஸ்வயம்ப்ரதிபா⁴தவேதோ³ ஹிரண்யக³ர்போ⁴ நா(அ)(அ)சார்யாந்தரமபேக்ஷதே । ஈஸ்வராநுக்³ருஹீதஸ்ய தஸ்ய, பு³த்³தா⁴வாவிர்பூ⁴தாத்³வேதா³தே³வ வித்³யாலாப⁴ஸம்ப⁴வாதி³த்யர்த²: ।
குதஸ்தர்ஹி வேதோ³ ஜாயதே தத்ரா(அ)(அ)ஹ —
யத்புநரிதி ।
பரஸ்யைவ ப்³ரஹ்மணோ வேத³ரூபேணாவஸ்தா²நாத்தஸ்ய நித்யத்வாந்ந ஹேத்வபேக்ஷேத்யர்த²: ।
ஆதா³வந்தே ச க்ருதமங்க³லா க்³ரந்தா²: ப்ரசாரிணோ ப⁴வந்தீதி த்³யோதயிதுமந்தே ப்³ரஹ்மணே நம இத்யுக்தம் । தத்³வ்யாசஷ்டே —
தஸ்மா இதி ॥1–2–3॥