ப்ராசீநமேவ ப்³ராஹ்மணமநூத்³ய மந்த்ராந்தரமவதாரயதி —
இத³மிதி ।
ப்ரதிஶப்³த³ஸ்தந்த்ரேணோச்சாரித: । ரூபம் ரூபமுபாதி⁴பே⁴த³ம் ப்ரதி ப்ரதிரூபோ ரூபாந்தரம் ப்ரதிபி³ம்ப³ம் ப³பூ⁴வேத்யேதத்ப்ரதிரூபோ ப³பூ⁴வேத்யத்ர விவக்ஷிதமிதி யோஜநா ।
அநுரூபோ வேத்யுக்தம் விவ்ருணோதி —
யாத்³ருகி³த்யாதி³நா ।
உக்தமர்த²மநுப⁴வாரூட⁴ம் கரோதி —
நஹீதி ।
ரூபாந்தரப⁴வநே கர்த்ரந்தரம் வாரயதி —
ஸ ஏவ ஹீதி ।
ப்ரதிக்²யாபநாய ஶாஸ்த்ராசார்யாதி³பே⁴தே³ந தத்த்வப்ரகாஶநாயேத்யர்த²: ।
ததே³வ வ்யதிரேகேணாந்வயேந ச ஸ்பு²டயதி —
யதி³ ஹீத்யாதி³நா ।
மாயாபி⁴: ப்ரஜ்ஞாபி⁴ரிதி பரபக்ஷமுக்த்வா ஸ்வபக்ஷமாஹ —
மாயாபி⁴ரிதி ।
மித்²யாதீ⁴ஹேதுபூ⁴தாநாத்³யநிர்வாச்யத³ண்டா³யமாந ஜ்ஞாநவஶாதே³ஷ ப³ஹுரூபோ பா⁴தி ।
ப்ரகாரபே⁴தா³த்து ப³ஹூக்திரிதி வாக்யார்த²மாஹ —
ஏகரூப ஏவேதி ।
அவித்³யாப்ரஜ்ஞாபி⁴ர்ப³ஹுரூபோ க³ம்யத இதி பூர்வேண ஸம்ப³ந்த⁴: ।
பரஸ்ய ப³ஹுரூபத்வே நிமித்தம் ப்ரஶ்நபூர்வகம் நிவேத³யதி —
கஸ்மாதி³த்யாதி³நா ।
யதா² ரதே² யுக்தா வாஜிநோ ரதி²நம் ஸ்வகோ³சரம் தே³ஶம் ப்ராபயிதும் ப்ரவர்தந்தே ததா²(அ)ஸ்ய ப்ரதீசோ ரத²ஸ்தா²நீயோ ஶரீரே யுக்தா ஹரய: ஸ்வவிஷயப்ரகாஶநாய யஸ்மாத்ப்ரவர்தந்தே தஸ்மாதி³ந்த்³ரியாணாம் தத்³விஷயாணாம் ச ப³ஹுலத்வாத்தத்தத்³த்³ரூபைரேஷ ப³ஹுரூபோ பா⁴தீதி யோஜநா ।
ஹரிஶப்³த³ஸ்யேந்த்³ரியேஷு ப்ரவ்ருத்தௌ நிமித்தமாஹ —
ஹரணாதி³தி ।
ப்ரதீசோ விஷயாந்ப்ரதீதி ஶேஷ: ।
இந்த்³ரியபா³ஹுல்யே ஹேதுமாஹ —
ப்ராணேதி ।
இந்த்³ரியவிஷயபா³ஹுல்யாத் ப்ரத்யகா³த்மா ப³ஹுரூப இதி ஶேஷ: ।
நந்வாத்மாநம் ப்ரகாஶயிதுமிந்த்³ரியாணி ப்ரவ்ருத்தாநி ந து ரூபாதி³கமேவ தத்கத²ம் தத்³விஷவஶாதா³த்மநோ(அ)ந்யதா² ப்ரதே²த்யாஶங்க்யா(அ)(அ)ஹ —
தத்ப்ரகாஶநாயேதி ।
தஸ்மாதி³ந்த்³ரியவிஷயபா³ஹுல்யாதி³த்யத்ரோக்தமுபஸம்ஹரதி —
தஸ்மாதி³தி ।
யத்³வா யதோ²க்தஶ்ருதிவஶேந லப்³த⁴மர்த²மாஹ —
தஸ்மாதி³தி ।
யஸ்மாதி³ந்த்³ரியாணி பராக்³விஷயே ப்ரவ்ருத்தாநி தஸ்மாத்தைரிந்த்³ரியைர்விஷயஸ்வரூபைரேவாயம் ப்ரத்யகா³த்மா க³ம்யதே ந து ஸ்வாஸாதா⁴ரணேந ரூபேணேத்யர்த²: ।
யுக்தா ஹீதி ஸம்ப³ந்த⁴மாஶ்ரித்ய ஶங்கதே —
ஏவம் தர்ஹீதி ।
அயமித்யாதி³வாக்யேந பரிஹரதி —
அயமிதி ।
தத்ததி³ந்த்³ரியாதி³ரூபேணா(அ)(அ)த்மந ஏவாவித்³யயா பா⁴நாத்ஸம்ப³ந்த⁴ஸ்ய ச கல்பிதத்வாந்நாத்³வைதஹாநிரித்யர்த²: ।
இந்த்³ரியாநந்த்யே ஹேதுமாஹ —
ப்ராணிபே⁴த³ஸ்யேதி ।
வாக்யார்த²வ்யாக்²யாநார்த²மித்த²ம் க³தேந ஸந்த³ர்பே⁴ண பூ⁴மிகாமாரசய்ய தத்பரம் வாக்யமவதார்ய வ்யாகரோதி —
கிம் ப³ஹுநேத்யாதி³நா ।
ந கேவலமத்⁴யாயத்³வயஸ்யைவார்தோ²(அ)த்ர ஸம்க்ஷிப்யோபஸம்ஹ்ருத: கிந்து ஸர்வவேதா³ந்தாநாமித்யாஹ —
ஏஷ இதி ।
தஸ்யோப⁴யவித⁴புருஷார்த²ரூபத்வமாஹ —
ஏததி³தி ।
வக்தவ்யாந்தரபரிஶேஷஶங்காம் பரிஹரதி —
பரிஸமாப்தஶ்சேதி ॥19॥