யதி³த³மந்தரிக்ஷமித்யாதி³ ப்ரஶ்நாந்தரம் வ்ருத்தாநுவாத³பூர்வகமுபாத³த்தே —
ம்ருத்யோரிதி ।
வ்யாக்²யாநவ்யாக்²யேயபா⁴வேந க்ரியாபதே³ நேதவ்யே । இத்யேதத்ப்ரஶ்நரூபமுச்யதே ஸமநந்தரவாக்யேநேதி யாவத் ।
தத்³வ்யாசஷ்டே —
யதி³த³மிதி ।
கேநேதிப்ரஶ்நஸ்ய விஷயாமாஹ —
யத்த்விதி ।
ப்ரஶ்நவிஷயம் ப்ரபஞ்சயதி —
அந்யதே²தி ।
ஆலம்ப³நமந்தரேணேதி யாவத் ।
ப்ரஶ்நார்த²ம் ஸம்க்ஷிப்யோபஸம்ஹரதி —
கேநேதி ।
அக்ஷரந்யாஸோ(அ)க்ஷராணாமர்தே²ஷு வ்ருத்திரிதி யாவத் ।
மநோ வை யஜ்ஞஸ்யேத்யாதே³ரர்த²மாஹ —
தத்ரேதி ।
வ்யவஹாரபூ⁴மி: ஸப்தம்யர்த²: ।
வாக்யார்த²மாஹ —
தேநேதி ।
த்ருதீயா த்ருதீயாப்⁴யாம் ஸம்ப³த்⁴யதே ।
த³ர்ஶநப²லமாஹ —
தேநேதி ।
வாகா³தீ³நாமக்³ந்யாதி³பா⁴வேந த³ர்ஶநமுக்தம் த்வகா³தீ³நாம் து வாய்வாதி³பா⁴வேந த³ர்ஶநம் வக்தவ்யம் தத்கத²ம் வக்தவ்யஶேஷே ஸத்யுபஸம்ஹாரோபபத்திரித்யாஶங்க்யா(அ)(அ)ஹ —
ஸர்வாணீதி ।
வாகா³தா³வுக்தந்யாயஸ்ய த்வகா³தா³வதிதே³ஶோ(அ)த்ர விவக்ஷித இத்யாஹ —
ஏவம் ப்ரகாரா இதி ।
அத²ஶப்³தோ³ த³ர்ஶநப்ரபே⁴த³கத²நாநந்தர்யார்த²: ।
கேயம் ஸம்பந்நாமேதி ப்ருச்ச²தி —
ஸம்பந்நாமேதி ।
உத்தரமாஹ —
கேநசிதி³தி ।
மஹதாம் ப²லவதாமஶ்வமேதா⁴தி³கர்மணாம் கர்மத்வாதி³நா ஸாமாந்யேநால்பீயஸ்ஸு கர்மஸு விவக்ஷிதப²லஸித்³த்⁴யர்த²ம் ஸம்பத்திஸ்ஸம்பது³ச்யதே । யதா²ஶக்த்யக்³நிஹோத்ராதி³நிர்வர்தநேநாஶ்வமேதா⁴தி³ மயா நிர்வர்த்யத இதி த்⁴யாநம் ஸம்பதி³த்யர்த²: ।
யத்³வா ப²லஸ்யைவ தே³வலோகாதே³ருஜ்ஜ்வலத்வாதி³ஸாமாந்யேநா(அ)(அ)ஜ்யாத்³யாஹுதிஷு ஸம்பாத³நம் ஸம்பதி³த்யாஹ —
ப²லஸ்யேதி ।
ஸம்பத³நுஷ்டா²நாவஸரமாத³ர்ஶயதி —
ஸர்வோத்ஸாஹேநேதி ।
அஸம்ப⁴வோ(அ)நுஷ்டா²நஸ்ய யதே³தி ஶேஷ: । கர்மிணாமேவ ஸம்பத³நுஷ்டா²நே(அ)விகார இதி த³ர்ஶயிதுமாஹிதாக்³நி: ஸந்நித்யுக்தம் । அக்³நிஹோத்ராதீ³நாமிதி நிர்தா⁴ரணே ஷஷ்டீ² । யதா²ஸம்ப⁴வம் வர்ணாஶ்ரமாநுரூபமிதி யாவத் । ஆதா³யேத்யஸ்ய வ்யாக்²யாநமாலம்ப³நீக்ருத்யேதி ।
ந கேவலம் கர்மித்வமேவ ஸம்பத³நுஷ்டா²துரபேக்ஷ்யதே கிந்து தத்ப²லவித்³யாவத்த்வமபீத்யாஹ —
கர்மேதி ।
ததே³வ கர்மப²லமேவேத்யர்த²: ।
கர்மாண்யேவ ப²லவந்தி ந ஸம்பத³ஸ்தத்கத²ம் தாஸாம் கார்யதேத்யாஶங்க்யா(அ)(அ)ஹ —
அந்யதே²தி ।
விஹிதாத்⁴யயநஸ்யார்த²ஜ்ஞாநாநுஷ்டா²நாதி³பரம்பரயா ப²லவத்த்வமிஷ்டம் । ந சாஶ்வமேதா⁴தி³ஷு ஸர்வேஷாமநுஷ்டா²நஸம்ப⁴வ: கர்மஸ்வதி⁴க்ருதாநாமபி த்ரைவர்ணிகாநாம் கேஷாஞ்சித³நுஷ்டா²நாஸம்ப⁴வாத³தஸ்தேஷாம் தத³த்⁴யயநார்த²வத்த்வாநுபபத்த்யா ஸம்பதா³மபி ப²லவத்த்வமேஷ்டவ்யமித்யர்த²: ।
மஹதோ(அ)ஶ்வமேதா⁴தி³ப²லஸ்ய கத²மல்பீயஸ்யா ஸம்பதா³ ப்ராப்திரித்யாஶங்க்ய ஶாஸ்த்ரப்ராமாண்யாதி³த்யபி⁴ப்ரேத்யா(அ)(அ)ஹ —
யதீ³தி ।
ததா³ தத்பாட²: ஸ்வாத்⁴யாயார்த² ஏவேதி பூர்வேண ஸம்ப³ந்த⁴: ।
அத்⁴யயநஸ்ய ப²லவத்த்வே வக்தவ்யே ப²லிதமாஹ —
தஸ்மாதி³தி ।
தேஷாம் ராஜஸூயாதீ³நாமிதி யாவத் ।
ப்³ராஹ்மணாதீ³நாம் ராஜஸூயாத்³யத்⁴யயநஸாமர்த்²யாத்தேஷாம் ஸம்பதை³வ தத்ப²லப்ராப்தாவபி கிம் ஸித்⁴யதி ததா³ஹ —
தஸ்மாத்ஸம்பதா³மிதி ।
கர்மணாமிவேதி த்³ருஷ்டாந்தார்தோ²(அ)பிஶப்³த³: ।
தாஸாம் ப²லவத்த்வே ப²லிதமாஹ —
அத இதி ॥6॥