கண்டி³காந்தரஸ்ய தாத்பர்யமாஹ —
இதா³நீமிதி ।
நந்வஹோராத்ராதி³லக்ஷணே காலே தித்²யாதி³லக்ஷணஸ்ய காலஸ்யாந்தர்பா⁴வாத்ததோ(அ)திமுக்தாவுக்தாயாம் தித்²யாதி³லக்ஷணாத³பி காலாத³ஸாவுக்தைவேதி க்ருதம் ப்ருத²கா³ரம்பே⁴ணேதி தத்ரா(அ)(அ)ஹ —
அஹோராத்ரயோரிதி ।
அவிஶிஷ்டயோர்வ்ருத்³தி⁴க்ஷயஶூந்யயோரிதி யாவத் ।
கத²ம் தர்ஹி தித்²யாதி³க்ஷணாத்காலாத³திமுக்திரத ஆஹ —
அதஸ்ததா³பத்த்யேதி ।
சந்த்³ராப்ராப்த்யா தித்²யாத்³யத்யயோ மாத்⁴யந்தி³நஶ்ருத்யோச்யதே காண்வஶ்ருத்யா து வாயுபா⁴வாபத்த்யா தத³த்யய உக்த: ।
ததா² ச ஶ்ருத்யேர்விரோதே⁴ க: ஸமாதி⁴ரித்யாஶங்க்யா(அ)(அ)ஹ —
தத்ரேதி ।
காண்வஶ்ருதாவிதி யாவத் ।
உத்³கா³துரபி ப்ராணாத்மகவாயுரூபத்வம் ஶ்ருதித்³வயாநுஸாரேண த³ர்ஶயதி —
ஸ ஏவேதி ।
ந கேவலமுத்³கா³து: ப்ராணத்வம் ப்ரதிஜ்ஞாமாத்ரேண ப்ரதிபந்நம் கிந்து விசார்ய நிர்தா⁴ரிதம் சேத்யாஹ —
வாசேதி ।
ப்ராணசந்த்³ரமஸோஶ்சைகத்வம் ஸப்தாந்நாதி⁴காரே நிர்தா⁴ரிதமித்யாஹ —
அதே²தி ।
உக்தயா ரீத்யா ப்ராணாதீ³நாமேகத்வே ஶ்ருத்யேரவிரோத⁴ம் ப²லிதமாஹ —
ப்ராணேதி ।
மநோப்³ரஹ்மணோஶ்சந்த்³ரமஸா ப்ராணோத்³கா³த்ரோஶ்ச வாயுநோபாஸ்யத்வேநோபஸம்க்³ரஹே ம்ருத்யுதரணே விஶேஷோ நாஸ்தீதி ஶ்ருத்யோர்விகல்பேநோபபத்திரித்யர்த²: । உபஸம்ஹரதி ப்ராணமுத்³கா³தாரம் ச தத்³ரூபேணோபாஸ்யதயா ஸம்க்³ருஹ்ணாதி காண்வ ஶ்ருதிரித்யர்த²: ।
இதஶ்ச காண்வஶ்ருதிருபபந்நேத்யாஹ —
அபி சேதி ।
வாயு: ஸூத்ராத்மா தந்நிமித்தௌ ஸ்வாவயவஸ்ய சந்த்³ரமஸோ வ்ருத்³தி⁴ஹ்ராஸௌ । ஸூத்ராதீ⁴நா ஹி சந்த்³ராதே³ர்ஜக³தஶ்சேஷ்டேத்யர்த²: ।
வ்ருத்³த்⁴யாதி³ஹேதுத்வே ப²லிதமாஹ —
தேநேதி ।
கர்துஶ்சந்த்³ரஸ்யேத்யர்த²: ।
வாயோஶ்சந்த்³ரமஸி காரயித்ருத்வே(அ)பி ப்ரக்ருதே கிமாயாதம் ததா³ஹ —
அத இதி ।
உதி³தாநுதி³தஹோமவத்³விகல்பமுபேத்யாவிரோத⁴முபஸம்ஹரதி —
தேநேதி ।
ஶ்ருத்யந்தரம் மாத்⁴யந்தி³நஶ்ருதி: । ஸாத⁴நத்³வயஸ்யேத்யுப⁴யத்ர ஸம்ப³த்⁴யதே । தத்ரா(அ)(அ)தௌ³ மநஸோ ப்³ரஹ்மணஶ்சேத்யர்த²: । உத்தரத்ர ப்ராணஸ்யோத்³கா³துஶ்சேத்யர்த²: । தச்ச²ப்³த³ஶ்சந்த்³ரவிஷய: ॥5॥