ப்ரஶ்நாந்தரமவதார்ய தாத்பர்யமாஹ —
யாஜ்ஞவல்க்யேதி ।
ஆஶ்ரயபூ⁴தாநி காநி தாநீத்யாஶங்க்யா(அ)(அ)ஹ —
த³ர்ஶபூர்ணமாஸாதீ³தி ।
ப்ரதிக்ஷணமந்யதா²த்வம் விபரிணாம: । அக்³ந்யாதி³ஸாத⁴நாந்யாஶ்ரித்ய காம்யம் கர்ம ம்ருத்யுஶப்³தி³தமுத்பத்³யதே தேஷாம் ஸாத⁴நாநாம் விபரிணாமஹேதுத்வாத்காலோ ம்ருத்யுஸ்ததோ(அ)திமுக்திர்வக்தவ்யேத்யுத்தரக்³ரந்தா²ரம்ப⁴ இத்யர்த²: ।
கர்மணோ முக்திருக்தா சேத்காலாத³பி ஸோக்தைவ தஸ்ய கர்மாந்தர்பா⁴வேந ம்ருத்யுத்வாதி³த்யாஶங்க்யா(அ)(அ)ஹ —
ப்ருத²கி³தி ।
கர்மநிரபேக்ஷதயா காலஸ்ய ம்ருத்யுத்வம் வ்யுத்பாத³யதி —
க்ரியேதி ।
காலஸ்ய ப்ருத²ங்ம்ருத்யுத்வே ஸித்³தே⁴ ப²லிதமாஹ —
தஸ்மாதி³தி ।
உத்தரக்³ரந்த²ஸ்த²ப்ரஶ்நயோர்விஷயம் பே⁴த்தும் காலம் பி⁴நத்தி —
ஸ சேதி ।
ஆதி³த்யஶ்சந்த்³ரஶ்சேதி கர்த்ருபே⁴தா³த்³வைவித்⁴யமுந்நேயம் ।
காலஸ்ய தை³ரூப்யே ஸத்யாத்³யகண்டி³காவிஷயமாஹ —
தத்ரேதி ।
அஹோராத்ரயோர்ம்ருத்யுத்வே ஸித்³தே⁴ தாப்⁴யாமதிமுக்திர்வக்தவ்யா ததே³வ கத²மித்யாஶங்க்யா(அ)(அ)ஹ —
அஹோராத்ராப்⁴யாமிதி ।
யஜ்ஞஸாத⁴நம் ச ததா² தாப்⁴யாம் ஜாயதே வர்த⁴தே நஶ்யதி சேதி ஸம்ப³ந்த⁴: ।
ப்ரதிவசநவ்யாக்²யாநே யஜ்ஞஶப்³தா³ர்த²மாஹ —
யஜமாநஸ்யேதி ।
ஸ முக்திரித்யஸ்ய தத்பர்யார்த²மாஹ —
யஜமாநஸ்யேத்யாதி³நா ।
தஸ்யைவாக்ஷரார்த²ம் கத²யதி —
ஸோ(அ)த்⁴வர்யுரிதி ।
யதோ²க்தரீத்யா(அ)(அ)தி³த்யாத்மத்வே(அ)பி கத²மஹோராத்ரலக்ஷணாந்ம்ருத்யோரதிரிமுக்திரத ஆஹ —
ஆதி³த்யேதி ।
’நோதே³தா நாஸ்தமேதா’ இத்யாதி³ஶ்ருதேராதி³த்யே வஸ்துதோ நாஹோராத்ரே ஸ்த: । ததா² ச ததா³த்மநி விது³ஷ்யபி ந தே ஸம்ப⁴வத இத்யர்த²: ॥4॥