தத்ர ப்ரத²மம் முநேராபி⁴முக்²யமாபாத³யிதும் ஸம்போ³த⁴யதி —
யாஜ்ஞவல்க்யேதி ।
உக்தரீத்யா(அ)(அ)ஶ்வலப்ரஶ்நே ப்ரஸ்துதே தஸ்யோத்³கீ³தா²தி⁴காரேண ஸம்க³திமாஹ —
தத்ரேதி ।
மது⁴காண்டே³ பூர்வத்ர வ்யாக்²யாதே யது³த்³கீ³த²ப்ரகரணம் தஸ்மிநாஸம்க³பாப்மநோ ம்ருத்யோரபத்யய: ஸமுச்சிதேந கர்மணா ஸம்க்ஷேபதோ வ்யாக்²யாத இதி ஸம்ப³ந்த⁴: । தஸ்யைவோத்³கீ³த²த³ர்ஶநஸ்யேதி யாவத் । பரீக்ஷாவிஷயோ விசாரபூ⁴மிரியம் ப்ரஶ்நப்ரதிவசநரூபோ க்³ரந்த² இத்யர்த²: । தச்ச²ப்³த³: ஸமநந்தரநிர்தி³ஷ்டக்³ரந்த²விஷய: । த³ர்ஶநமுத்³கீ³தோ²பாஸநம் தஸ்ய விஶேஷோ வாகா³தே³ரக்³ந்யாத்³யாத்மத்வவிஜ்ஞாநம் தத்ஸித்³த்⁴யர்தோ²(அ)யம் ப்ரக்ரம: ।
ஏவமவாந்தரஸம்க³திமுக்த்வா ப்ரஶ்நாக்ஷராணி வ்யாசஷ்டே —
யதி³த³மிதி ।
ம்ருத்யுநா(அ)(அ)ப்தமித்யநேந ம்ருத்யுநா(அ)பி⁴பந்நமித்யஸ்ய க³தார்த²த்வமாஶங்க்யா(அ)(அ)ஹ —
ந கேவலமிதி ।
கர்மணோ ம்ருத்யுத்வாத்தேந ம்ருத்யோரத்யயாயோகா³த்தத³த்யயஸாத⁴நம் கிஞ்சித்³த³ர்ஶநமேவ வாச்யமித்யாஶயேந ப்ருச்ச²தி —
கேநேதி ।
த³ர்ஶநவிஷயம் ப்ரஶ்நமாக்ஷிபதி —
நந்விதி ।
யேந முக்²யப்ராணாத்மத³ர்ஶநேநாதிமுச்யதே தது³த்³கீ³த²ப்ரக்ரியாயாமேவோக்தம் ததா²ச ம்ருத்யோரத்யயோபாயஸ்ய விஜ்ஞாநஸ்ய நிர்ஜ்ஞாதத்வாத்கேநேதிப்ரஶ்நாநுபபத்திரிதி யோஜநா ।
தஸ்யைவ பரீக்ஷாவிஷயோ(அ)யமித்யாதா³வுக்தமாதா³ய பரிஹரதி —
பா³ட⁴மிதி ।
உத்³கீ³த²ப்ரகரணே வாகா³தே³ரக்³ந்யாத்³யாத்மத்வத³ர்ஶநரூபோ யோ விஶேஷோ வக்தவ்யோ(அ)பி நோக்தஸ்தது³க்த்யர்தோ²(அ)யம் ப்ரஶ்நப்ரதிவசநரூபோ க்³ரந்த² இதி க்ருத்வா கேநேத்யாதி³ப்ரஶோபபத்திரித்யர்த²: ।
கீத்³ருக்புநர்த³ர்ஶநம் ம்ருத்யுஜயஸாத⁴நம் ஹோத்ரேத்யாதா³வுக்தமித்யாஶங்க்யா(அ)(அ)ஹ —
ஏதஸ்யேதி ।
வ்யாசஷ்டே வாக்³வை யஜ்ஞஸ்யேதாதி³நேதி ஶேஷ: ।
வ்யாக்²யாநமேவ விஶத³யிதும் ப்ருச்ச²தி —
க: புநரிதி ।
த³ர்ஶநவிஷயம் த³ர்ஶயந்நுத்தரமாஹ —
உச்யத இதி ।
யஜ்ஞஶப்³த³ஸ்ய யஜமாநே வ்ருத்³த⁴ப்ரயோகோ³ நாஸ்தீத்யாஶங்க்யா(அ)(அ)ஹ —
யஜ்ஞ இதி ।
யஜமாநஸ்ய யா வாக³த்⁴யாத்மம் ஸைவாதி⁴யஜ்ஞே ஹோதா(அ)ஸ்து ததா²(அ)பி கத²ம் தயோர்தே³வதாத்மநா த³ர்ஶநமித்யாஹ —
கத²மிதி ।
தயோரக்³ந்யாத்மநா த³ர்ஶநமுத்தரவாக்யாவஷ்டம்பே⁴ந வ்யாசஷ்டே —
தத்தத்ரேதி ।
கத²ம் புநர்வாக³க்³ந்யோரேகத்வம் ததா³ஹ —
ததே³ததி³தி ।
தயோரேகத்வே(அ)பி குதோ ஹேதுஸ்ததை³க்யமித்யாஶங்க்யா(அ)(அ)ஹ —
ஸ சேதி ।
ஸ முக்திரித்யேதத³வதாரயிதும் பூ⁴மிகாம் கரோதி —
யதே³ததி³தி ।
ந கேவலமேதது³ப⁴யம் ம்ருத்யுநா ஸம்ஸ்ப்ருஷ்டமேவ கிந்து தேந வஶீக்ருதம் சேத்யாஹ —
ஸ்வாபா⁴விகேதி ।
ம்ருத்யுநா(அ)(அ)ப்தம் ம்ருத்யுநா(அ)பி⁴பந்நமித்யநயோரர்த²மநூத்³ய ஹோத்ரேத்யாதே³ரர்த²மநுவத³தி —
தத³நேநேதி ।
ஸாத⁴நத்³வயம் தச்ச²ப்³தா³ர்த²: । யஜமாநக்³ரஹணம் ஹோதுருபலக்ஷணம் ।
உக்தே(அ)ர்தே² ஸமநந்தரவாக்யமவதார்ய வ்யாகரோதி —
ததே³ததா³ஹேதி ।
முக்திஶப்³த³ஸ்தத்ஸாத⁴நவிஷய: ।
பதா³ர்த²முக்த்வா வாக்யார்த²மாஹ —
அக்³நிஸ்வரூபேதி ।
வாசோ ஹோதுஶ்சாக்³நிஸ்வரூபேண த³ர்ஶநமேவ முக்திஹேதுரிதி யாவத் ।
உக்தமர்த²ம் ப்ரபஞ்சயதி —
யதை³வேதி ।
ஸ முக்திரித்யஸ்யார்த²முபஸம்ஹரதி —
தஸ்மாதி³தி ।
வாக்யாந்தரம் ஸமுத்தா²ப்ய வ்யாசஷ்டே —
ஸா(அ)திமுக்திரிதி ।
முக்த்யதிமுக்த்யோரஸம்கீர்ணத்வம் த³ர்ஶயதி —
ஸாத⁴நத்³வயஸ்யேதி ।
ப்ராப்திரதிமுக்திரிதி ஸம்ப³ந்த⁴: ।
தாமேவ ஸம்க்³ருஹ்ணாதி —
யா ப²லபூ⁴தேதி ।
ப²லபூ⁴தாயாமக்³ந்யாதி³தே³வதாப்ராப்தௌ கத²மதிமுக்திஶப்³தோ³பபத்திரித்யாஶங்க்யா(அ)(அ)ஹ —
தஸ்யா இதி ।
நநு வாகா³தீ³நாமக்³ந்யாதி³பா⁴வோ(அ)த்ர ஶ்ரூயதே யஜமாநஸ்ய து ந கிஞ்சிது³ச்யதே தத்ரா(அ)(அ)ஹ —
யஜமாநஸ்யேதி ।
தர்ஹி தேநைவ க³தார்த²த்வாத³நர்த²கமித³ம் ப்³ராஹ்மணமித்யாஶங்க்ய பா³ட⁴மித்யாதி³நோக்தம் ஸ்மாரயதி —
தத்ரேதி ।
த³ர்ஶநவத்ப²லே(அ)பி விஶேஷ: ஸ்யாதி³த்யாஶங்க்யா(அ)(அ)ஹ —
ம்ருத்யுப்ராப்தீதி ॥3॥