ப்ராணா நோத்க்ராமந்தீதி விஶேஷணமாஶ்ரித்ய ப்ரஶ்நாந்தரமாத³த்தே —
முக்தஸ்யேதி ।
பக்ஷத்³வயே(அ)பி ப்ரயோஜநம் கத²யதி —
அதே²த்யாதி³நா ।
யத்புத்ரக்ஷேத்ராத்³யபூ⁴த்தத³து⁴நா நாமமாத்ராவஶேஷமித்யுக்தே நாவஶிஷ்டம் கிஞ்சிதி³தி யதா²(அ)வக³ம்யதே ததா²(அ)த்ராபி நாமமாத்ரம் ம்ரியமாணாம் வித்³வாம்ஸம் ந ஜஹாதீத்யுக்தே ந கிஞ்சித³வஶிஷ்டமிதி த்³ருஷ்டி: ஸ்யாதி³தி ப்ரத்யுக்திதாத்பர்யமாஹ —
ஸர்வமிதி ।
யதா²ஶ்ருதமர்த²மாஶ்ரித்ய ப்ரத்யுக்திம் வ்யாசஷ்டே —
நாமமாத்ரம் த்விதி ।
விது³ஷோ நாமநித்யத்வே ஹேத்வந்தரமுத்தரவாக்யாவஷ்டம்பே⁴ந த³ர்ஶயதி —
நித்யம் ஹீதி ।
அநந்தஶப்³தா³ந்நாம்நோ வ்யக்திப்ராசுர்யே ப்ரதிபா⁴தி குதோ நித்யதேத்யாஶங்க்யா(அ)(அ)ஹ —
நித்யத்வமேவேதி ।
வ்யக்திபே⁴த³ஸ்ய ப்ரஸித்³த⁴த்வாந்ந தத்³வக்தவ்யம் ப்³ரஹ்மவித³: ஸ்வத்³ருஷ்ட்யா நாமாபி ந ஶிஷ்யதே பரத்³ருஷ்ட்யா தத³வஶேஷோக்தி: ஶுகோ முக்த இத்யாதி³வ்யபதே³ஶத³ர்ஶநாத³தோ நாமநித்யத்வம் வ்யாவஹாரிகமிதி பா⁴வ: ।
ப்³ரஹ்மாஸ்மீதி த³ர்ஶநேந விஶ்வாந்தே³வாநாத்மத்வேநோபக³ம்யாநந்தம் லோகம் ஜயதீதி ஸித்³தா⁴நுவாதோ³ ப்³ரஹ்மவித்³யாம் ஸ்தோதுமித்யபி⁴ப்ரேத்யாநந்தரவாக்யமாத³த்தே —
ததா³நந்த்யேதி ।
தத்³வ்யாசஷ்டே —
தந்நாமாநந்த்யேதி ॥ 12 ॥