ஸம்யக்³ஜ்ஞாநஸ்யாப புநர்ம்ருத்யும் ஜயதீத்யுக்த்யம் ப²லம் விஶதீ³கர்தும் ப்ரஶ்நாந்தரமுத்தா²பயதி —
பரேணேதி ।
பரேண ம்ருத்யுநா பரமாத்மத³ர்ஶநேநேதி ஸம்ப³ந்த⁴: । க்³ரஹாதிக்³ரஹலக்ஷணோ ப³ந்த⁴: ஸப்தம்யர்த²: । க்³ரஹஶப்³தே³ந ப்ரயோஜ்யராஶிர்க்³ருஹீத: ।
நாமாதீ³நாம் ஸ்தூ²லாநாம் ப³ஹிஷ்ட²த்வேந ஸ்வரஸதஸ்த்யக்தத்வாத்கத²ம் தது³த்க்ராந்தி: ப்ருச்ச்²யதே தத்ரா(அ)(அ)ஹ —
வாஸநாரூபா இதி ।
தேஷாமநுத்க்ராந்தௌ முக்த்யஸம்ப⁴வம் ஸூசயதி —
ப்ரயோஜகா இதி ।
உத்க்ராந்திபக்ஷே த்⁴ருவம் ஜந்ம ம்ருதஸ்ய சேதி ந்யாயாத்புநருத்பத்தி: ஸ்யாத³நுத்க்ராந்திபக்ஷே மரணப்ரஸித்³தி⁴ர்விருத்⁴யேதேதி பா⁴வ: ।
த்³விதீயம் பக்ஷம் பரிஹரதி —
நேதி ஹோவாசேத்யாதி³நா ।
கார்யாணி கரணாநி ச ஸர்வாணி பரேணா(அ)(அ)த்மநா ஸஹாவிபா⁴க³ம் க³ச்ச²ந்தி ஸந்த்யஸ்மிந்நேவ விது³ஷி ஸமவநீயந்த இதி ஸம்ப³ந்த⁴: ।
தேஷாம் விது³ஷி விலயே ஹேதுமாஹ —
ஸ்வயோநாவிதி ।
வித்³வாநேவ ஹி பூர்வமவித்³யயா தேஷாம் யோநிராஸீத்தஸ்மிந்வித்³யாத³ஶாயாம் தத்³ப³லாத³வித்³யாயாமபநீதாயாம் பரிபூர்ணே தத்த்வே தேஷாம் பர்யவஸாநம் ஸம்ப⁴வதீத்யர்த²: ।
காரணே கார்யாணாம் ப்ரவிலயே த்³ருஷ்டாந்தமாஹ —
ஊர்மய இதி ।
ப்ராணாதீ³நாம் காரணஸம்ஸர்கா³க்²யோ லயஶ்சேத்புநருத்பத்தி: ஸ்யாதி³த்யாஶங்க்ய ஜ்ஞாநே ஸத்யஜ்ஞாநத்⁴வம்ஸாந்நைவமித்யபி⁴ப்ரேத்யா(அ)(அ)ஹ —
ததா² சேதி ।
ஸவிஷயாண்யேகாத³ஶேந்த்³ரியாணி வாயவஶ்ச பஞ்சேதி ஷோட³ஶ கலாஸ்தாஸாம் ஸ்வாதந்த்ர்யமாஶ்ரயாந்தரம் ச வாரயதி —
புருஷாயணா இதி ।
தாஸாம் நிவ்ருத்திஶ்ச புருஷவ்யதிரேகேண நாஸ்தீதி ஸூசயதி —
புருஷம் ப்ராப்யேதி ।
ப்ராணாஶ்சேந்நோத்க்ராமந்தி தர்ஹி ம்ருதோ ந ப⁴வதீதி ப்ரதீதிவிரோத⁴ம் ஶங்கித்வா பரிஹரதி —
ந தர்ஹீத்யாதி³நா ।
த்³ருதிஶப்³தோ³ ப⁴ஸ்த்ராவிஷய: ।
ப்ரக்ருதம் வாக்யம் ப்ரத்யக்ஷஸித்³த⁴தே³ஹமரணாநுவத³கமித்யபி⁴ப்ரேத்யா(அ)(அ)ஹ —
ப³ந்த⁴நேதி ॥11॥