నియన్తురీశ్వరస్య లౌకికనియన్తృవత్కార్యకరణవత్త్వమాశఙ్క్యాఽఽహ —
యస్య చేతి ।
పృథివ్యాః శరీరత్వమేవ న తు శరీరవత్త్వమిత్యాశఙ్క్యాఽఽహ —
పృథివీతి ।
పృథివ్యా యత్కరణం తదేవ తస్య కరణం చేతి యోజనా ।
కథం పృథివ్యాః శరీరేన్ద్రియవత్త్వం తదాహ —
స్వకర్మేతి ।
అన్తర్యామిణోఽపి తథా కిం నస్యాత్తత్రాఽఽహ —
తదస్యేతి ।
అస్యాన్తర్యామిణస్తదేవ కార్యం కరణం చ నాన్యదిత్యత్ర హేతుమాహ —
స్వకర్మేతి ।
తదేవ హేత్వన్తరేణ స్ఫోరయతి —
పరార్థేతి ।
యః పృథివీమిత్యాదివాక్యస్య తాత్పర్యమాహ —
దేవతేతి ।
తత్ర వాక్యమవతార్య వ్యాచష్టే —
య ఈదృగితి ।
నియమ్యపృథివీదేవతాకార్యకరణాభ్యామేవ కార్యకరణవత్త్వమీదృశత్వమ్ ॥౩॥౪॥౫॥౬॥౭॥౮॥౯॥౧౦॥౧౧॥౧౨॥౧౩॥