అథ హ వాచక్నవ్యువాచ । పూర్వం యాజ్ఞవల్క్యేన నిషిద్ధా మూర్ధపాతభయాదుపరతా సతీ పునః ప్రష్టుం బ్రాహ్మణానుజ్ఞాం ప్రార్థయతే హే బ్రాహ్మణాః భగవన్తః పూజావన్తః శృణుత మమ వచః ; హన్త అహమిమం యాజ్ఞవల్క్యం పునర్ద్వౌ ప్రశ్నౌ ప్రక్ష్యామి, యద్యనుమతిర్భవతామస్తి ; తౌ ప్రశ్నౌ చేత్ యది వక్ష్యతి కథయిష్యతి మే, కథఞ్చిత్ న వై జాతు కదాచిత్ , యుష్మాకం మధ్యే ఇమం యాజ్ఞవల్క్యం కశ్చిత్ బ్రహ్మోద్యం బ్రహ్మవదనం ప్రతి జేతా — న వై కశ్చిత్ భవేత్ — ఇతి । ఎవముక్తా బ్రాహ్మణా అనుజ్ఞాం ప్రదదుః — పృచ్ఛ గార్గీతి ॥