సా హోవాచ — యత్ ఊర్ధ్వమ్ ఉపరి దివః అణ్డకపాలాత్ , యచ్చ అవాక్ అధః పృథివ్యాః అధోఽణ్డకపాలాత్ , యచ్చ అన్తరా మధ్యే ద్యావాపృథివీ ద్యావాపృథివ్యోః అణ్డకపాలయోః, ఇమే చ ద్యావాపృథివీ, యద్భూతం యచ్చాతీతమ్ , భవచ్చ వర్తమానం స్వవ్యాపారస్థమ్ , భవిష్యచ్చ వర్తమానాదూర్ధ్వకాలభావి లిఙ్గగమ్యమ్ — యత్సర్వమేతదాచక్షతే కథయన్త్యాగమతః — తత్సర్వం ద్వైతజాతం యస్మిన్నేకీభవతీత్యర్థః — తత్ సూత్రసంజ్ఞం పూర్వోక్తం కస్మిన్ ఓతం చ ప్రోతం చ పృథివీధాతురివాప్సు ॥