ஸர்வம் யதோ²க்தம் கா³ர்க்³யா ப்ரத்யுச்சார்ய தமேவ பூர்வோக்தமர்த²மவதா⁴ரிதவாந் ஆகாஶ ஏவேதி யாஜ்ஞவல்க்ய: । கா³ர்க்³யாஹ — கஸ்மிந்நு க²ல்வாகாஶ ஓதஶ்ச ப்ரோதஶ்சேதி । ஆகாஶமேவ தாவத்காலத்ரயாதீதத்வாத் து³ர்வாச்யம் , ததோ(அ)பி கஷ்டதரம் அக்ஷரம் , யஸ்மிந்நாகாஶமோதம் ச ப்ரோதம் ச, அத: அவாச்யம் — இதி க்ருத்வா, ந ப்ரதிபத்³யதே ஸா அப்ரதிபத்திர்நாம நிக்³ரஹஸ்தா²நம் தார்கிகஸமயே ; அத² அவாச்யமபி வக்ஷ்யதி, ததா²பி விப்ரதிபத்திர்நாம நிக்³ரஹஸ்தா²நம் ; விருத்³தா⁴ ப்ரதிபத்திர்ஹி ஸா, யத³வாச்யஸ்ய வத³நம் ; அதோ து³ர்வசநம் ப்ரஶ்நம் மந்யதே கா³ர்கீ³ ॥