ப்³ராஹ்மணாந்தரமுத்தா²பயதி —

அதே²தி ।

கா³ர்கி³ப்ரஶ்நே நிர்ணீதே தயா ப்³ரஹ்மவத³நம் ப்ரத்யேதத்துல்யோ நாஸ்தீதி ஸர்வாந்ப்ரதி கத²நாநந்தர்யமத²ஶப்³தா³ர்த²: ।

ஸம்க³திம் வக்தும் வ்ருத்தம் கீர்தயதி —

ப்ருதி²வ்யாதீ³நாமிதி ।

யத்ஸாக்ஷாதி³த்யாதி³ ப்ரஸ்துத்ய ஸர்வாந்தரத்வநிரூபணத்³வாரா ஸாக்ஷித்வாதி³கமார்தி²கம் ப்³ராஹ்மணத்ரயே நிர்தா⁴ரிதமித்யர்த²: ।

அந்தர்யாமிப்³ராஹ்மணே முக²தோ நிர்தி³ஷ்டமர்த²மநுத்³ரவதி —

தஸ்ய சேதி ।

நாமரூபாப்⁴யாம் வ்யாக்ருதோ விஷயோ த்³வைதப்ரபஞ்சஸ்தத்ர ஸூத்ரஸ்ய பே⁴தா³ யே ப்ருதி²வ்யாத³யஸ்தேஷு நியம்யேஷு நியந்த்ருத்வம் தஸ்யோக்தமிதி யோஜநா ।

கிமிதி வ்யாக்ருதவிஷயே நியந்த்ருத்வமுக்தமிதி தத்ரா(அ)(அ)ஹ —

வ்யாக்ருதேதி ।

தத்ர ஹி பரதந்த்ரஸ்ய ப்ருதி²வ்யாதே³ர்க்³ரஹணம் நியம்யத்வே ஸ்பஷ்டதரம் லிங்க³மிதி தத்ரைவ நியந்த்ருத்வமுக்தமித்யர்த²: ।

வ்ருத்தமநூத்³யோத்தரஸ்ய ப்³ராஹ்மணஸ்ய தாத்பர்யமாஹ —

தஸ்யைவேதி ।

நியந்தவ்யாநாம் தே³வதாபே⁴தா³நாம் ப்ராணாந்த: ஸம்கோசோ விகாஸஶ்சா(அ)(அ)நந்த்யபர்யந்தஸ்தத்³த்³வாரா ப்ரக்ருதஸ்யைவ ப்³ரஹ்மண: ஸாக்ஷாத்பரோக்ஷத்வே ஸ ஏஷ நேதி நேத்யாத்மேத்யாதி³நா(அ)தி⁴க³ந்தவ்யே இதி க்ருத்வா ப்ரத²மம் தே³வதாஸம்கோசவிகாஸோக்திரநந்தரம் வஸ்துநிர்தே³ஶ இத்யேதத³ர்த²மேதத்³ப்³ராஹ்மணமித்யர்த²: ।