కతమే తే త్రయో దేవా ఇతి ; ఇమ ఎవ త్రయో లోకా ఇతి — పృథివీమగ్నిం చ ఎకీకృత్య ఎకో దేవః, అన్తరిక్షం వాయుం చ ఎకీకృత్య ద్వితీయః, దివమాదిత్యం చ ఎకీకృత్య తృతీయః — తే ఎవ త్రయో దేవా ఇతి । ఎషు, హి యస్మాత్ , త్రిషు దేవేషు సర్వే దేవా అన్తర్భవన్తి, తేన ఎత ఎవ దేవాస్త్రయః — ఇత్యేష నైరుక్తానాం కేషాఞ్చిత్పక్షః । కతమౌ తౌ ద్వౌ దేవావితి — అన్నం చైవ ప్రాణశ్చ ఎతౌ ద్వౌ దేవౌ ; అనయోః సర్వేషాముక్తానామన్తర్భావః । కతమోఽధ్యర్ధ ఇతి — యోఽయం పవతే వాయుః ॥