అష్టధా దేవలోకపురుషభేదేన త్రిధా త్రిధా ఆత్మానం ప్రవిభజ్య అవస్థిత ఎకైకో దేవః ప్రాణభేద ఎవ ఉపాసనార్థం వ్యపదిష్టః ; అధునా దిగ్విభాగేన పఞ్చధా ప్రవిభక్తస్య ఆత్మన్యుపసంహారార్థమ్ ఆహ ; తూష్ణీమ్భూతం శాకల్యం యాజ్ఞవల్క్యో గ్రహేణేవ ఆవేశయన్నాహ — శాకల్యేతి హోవాచ యాజ్ఞవల్క్యః ; త్వాం స్విదితి వితర్కే, ఇమే నూనం బ్రాహ్మణాః, అఙ్గారావక్షయణమ్ — అఙ్గారాః అవక్షీయన్తే యస్మిన్ సన్దంశాదౌ తత్ అఙ్గారావక్షయణమ్ — తత్ నూనం త్వామ్ అక్రత కృతవన్తః బ్రాహ్మణాః, త్వం తు తన్న బుధ్యసే ఆత్మానం మయా దహ్యమానమిత్యభిప్రాయః ॥