अद्वैतशारदा | दक्षिणाम्नाय श्रीशारदापीठम्, शृङ्गेरी

ಬೃಹದಾರಣ್ಯಕೋಪನಿಷದ್ಭಾಷ್ಯಮ್

ತೃತೀಯೋಽಧ್ಯಾಯಃನವಮಂ ಬ್ರಾಹ್ಮಣಮ್

ಆನಂದಗಿರಿಟೀಕಾ (ಬೃಹದಾರಣ್ಯಕ)

ಯತ್ಸಮೂಲಮಾವೃಹೇಯುರ್ವೃಕ್ಷಂ ನ ಪುನರಾಭವೇತ್ । ಮರ್ತ್ಯಃ ಸ್ವಿನ್ಮೃತ್ಯುನಾ ವೃಕ್ಣಃ ಕಸ್ಮಾನ್ಮೂಲಾತ್ಪ್ರರೋಹತಿ ॥ ೬ ॥

ಯತ್ ಯದಿ ಸಹ ಮೂಲೇನ ಧಾನಯಾ ವಾ ಆವೃಹೇಯುಃ ಉದ್ಯಚ್ಛೇಯುಃ ಉತ್ಪಾಟಯೇಯುಃ ವೃಕ್ಷಮ್ , ನ ಪುನರಾಭವೇತ್ ಪುನರಾಗತ್ಯ ನ ಭವೇತ್ । ತಸ್ಮಾದ್ವಃ ಪೃಚ್ಛಾಮಿ — ಸರ್ವಸ್ಯೈವ ಜಗತೋ ಮೂಲಂ ಮರ್ತ್ಯಃ ಸ್ವಿತ್ ಮೃತ್ಯುನಾ ವೃಕ್ಣಃ ಕಸ್ಮಾತ್ ಮೂಲಾತ್ ಪ್ರರೋಹತಿ ॥

ಯದ್ಯದೀತಿ ; ತಸ್ಮಾದಿತಿ ॥೬॥ ;

ತಥಾಽಪಿ ಕಥಂ ವೈಧರ್ಮ್ಯಮಿತ್ಯಾಶಂಕ್ಯಾಽಽಹ —

ಯದ್ಯದೀತಿ ।

ಪುರುಷಸ್ಯಾಪಿ ಪುನರುತ್ಪತ್ತಿರ್ಮಾಭೂದಿತ್ಯಾಶಂಕ್ಯ ಪೂರ್ವೋಕ್ತಂ ನಿಗಮಯತಿ —

ತಸ್ಮಾದಿತಿ ॥೬॥