ஸ்வபா⁴வவாத³முத்தா²பயதி —
ஜாத இதி ।
இதிஶப்³த³ஶ்சோத்³யஸமாப்யர்த²: ।
ததே³வ ஸ்பு²டயதி —
ஜநிஷ்யமாணஸ்ய ஹீதி ।
ந ஜாயத இதி பா⁴கே³நோத்தரமாஹ —
நேத்யாதி³நா ।
ஸ்வபா⁴வவாதே³ தோ³ஷமாஹ —
அந்யதே²தி ।
ஸ்வபா⁴வாஸம்ப⁴வே ப²லிதமாஹ —
அத இதி ।
உக்தமேவ ஸ்பு²டயதி —
ஜக³த இதி ।
ப்³ரஹ்மவிதா³ம் ஶ்ரேஷ்ட²த்வே யாஜ்ஞவல்க்யஸ்ய ஸித்³தே⁴ ப²லிதமாஹ —
அத இதி ।
ஸமாப்தா(அ)(அ)க்²யாயிகேதி ।
ப்³ராஹ்மணாஶ்ச ஸர்வே யதா²யத²ம் ஜக்³முரித்யர்த²: ।
விஜ்ஞாநாதி³வாக்யமுத்தா²பயதி —
யஜ்ஜக³த இதாதி³நா ।
விஜ்ஞாநஶப்³த³ஸ்ய கரணாதி³விஷயத்வம் வாரயதி —
விஜ்ஞப்திரிதி ।
ஆநந்த³விஶேஷணஸ்ய க்ருத்யம் த³ர்ஶயதி —
நேத்யாதி³நா ।
ப்ரஸந்நம் து³:க²ஹேதுநா காமக்ரோதா⁴தி³நா ஸம்ப³ந்த⁴ரஹிதம் । ஶிவம் காமாதி³காரணேநாஜ்ஞாநேநாபி ஸம்ப³ந்த⁴ஶூந்யம் ।
ஸாதிஶயத்வப்ரயுக்தது³:க²ராஹித்யமாஹ —
அதுலமிதி ।
ஸாத⁴நஸாத்⁴யத்வாதீ³நது³:க²வைது⁴ர்யமாஹ —
அநாயாஸமிதி ।
து³:க²நிவ்ருத்திமாத்ரம் ஸுக²மிதி பக்ஷம் ப்ரதிக்ஷிபதி —
நித்யத்ருப்தமிதி ।
ஆநந்தோ³ஜ்ஞாநமிதி ப்³ரஹ்மண்யாகாரபே⁴த³மாஶங்க்யா(அ)(அ)ஹ —
ஏகரஸமிதி ।
ப²லமத உபபத்தேரிதி ந்யாயேந ப்³ரஹ்மணோ ஜக³ந்மூலத்வமாஹ —
ராதிரித்யாதி³நா ।
‘ப்³ரஹ்மஸம்ஸ்தோ²(அ)ம்ருதத்வமேதி’இதி ஶ்ருத்யந்தரமாஶ்ரித்ய தஸ்யைவ முக்தோபஸ்ருப்யத்வமுபதி³ஶதி —
கிஞ்சேதி ।
அக்ஷரவ்யாக்²யாநஸமாப்தாவிதிஶப்³த³: ।