பூர்வஸ்மிந்நத்⁴யாயே ஜல்பந்யாயேந ஸச்சிதா³நந்த³ம் ப்³ரஹ்ம நிர்தா⁴ரிதம் । இதா³நீம் வாத³ந்யாயேந ததே³வ நிர்தா⁴ரிதுமத்⁴யாயாந்தரமவதாரயதி —

ஜநக இதி ।

தத்ர ப்³ராஹ்மணத்³வயஸ்யாவாந்தரஸம்ப³ந்த⁴ம் ப்ரதிஜாநீதே —

அஸ்யேதி।

தமேவ வக்தும் வ்ருத்தம் கீர்தயதி —

ஶாரீராத்³யாநிதி।

நிருஹ்ய ப்ரத்யுஹ்யேதி விஸ்தார்ய வ்யவஹாரமாபாத்³யேத்யர்த²: । ப்ரத்யுஹ்ய ஹ்ருத³யே புநருபஸம்ஹ்ருத்யேதி யாவத் । ஜக³தா³த்மநீத்யவ்யாக்ருதோக்தி: । ஸூத்ரஶப்³தே³ந தத்காரணம் க்³ருஹ்யதே । அதிக்ரமணம் தத்³கு³ணதோ³ஷாஸம்ஸ்ப்ருஷ்டத்வம் ।

அநந்தரப்³ராஹ்மணத்³வயதாத்பர்யமாஹ —

தஸ்யைவேதி ।

வாகா³த்³யதி⁴ஷ்டா²த்ரீஷ்வக்³ந்யாதி³தே³வதாஸு ப்³ரஹ்மத்³ருஷ்டித்³வாரேத்யர்த²: । பூர்வோக்தாந்வயவ்யதிரேகாதி³ஸாத⁴நாபேக்ஷயா(அ)ந்தரஶப்³த³: । ஆசார்யவதா ஶ்ரத்³தா⁴தி³ஸம்பந்நேந வித்³யா லப்³த⁴வ்யேத்யாசார: । அப்ராப்தப்ராப்திர்யோக³: ப்ராப்தஸ்ய ரக்ஷணம் க்ஷேம இதி விபா⁴க³: । பா⁴ரதஸ்ய வர்ஷஸ்ய ஹிமவத்ஸேதுபர்யந்தஸ்ய தே³ஶஸ்யேதி யாவத் ॥1॥