విశ్వతైజసప్రాజ్ఞానువాదేన తురీయం బ్రహ్మ దర్శయితుమాదౌ విశ్వమనువదతి —
ఇన్ధ ఇతి ।
కోఽసావిన్ధనామేతి చేత్తమాహ —
యశ్చక్షురితి ।
అధిదైవతం పురుషముక్త్వాఽధ్యాత్మం తం దర్శయతి —
యోఽయమితి ।
తస్య పూర్వస్మిన్నపి బ్రాహ్మణే ప్రస్తుతత్వమాహ —
స చేతి ।
ప్రకృతే పురుషే విదుషాం సమ్మతిమాహ —
తం వా ఎతమితి ।
ఇన్ధత్వం సాధయతి —
దీప్తీతి ।
ప్రత్యక్షస్య పరోక్షేణాఽఽఖ్యానే హేతుమాహ —
యస్మాదితి ॥౨॥