பூர்வஸ்மிந்ப்³ராஹ்மணே ஜாக³ராதி³த்³வாரா தத்த்வம் நிர்தா⁴ரிதம் ஸம்ப்ரதி ப்³ராஹ்மணாந்தரமவதார்ய தஸ்ய பூர்வேண ஸம்ப³ந்த⁴ம் ப்ரதிஜாநீதே —
ஜநகமிதி ।
தமேவ வக்தும் த்ருதீயே வ்ருத்தம் கீர்தயதி —
விஜ்ஞாநமய இதி ।
யத்³ப்³ரஹ்ம ஸாக்ஷாத³பரோக்ஷாத்ஸர்வாந்தர ஆத்மா ஸ பர ஏவ விஜ்ஞாநமய ஆத்மேத்யத்ர ஹேதுமாஹ —
நாந்ய இதி ।
விஜ்ஞாநமய: பர ஏவேத்யத்ர வாக்யாந்தரம் பட²தி —
ஸ ஏஷ இதி ।
வத³ந்வாகி³த்யாதா³வுக்தமநுவத³தி —
வத³நாதீ³தி ।
தார்தீயமர்த²மநூத்³ய சாதுர்தி²கமர்த²மநுவத³தி —
அஸ்தீதி ।
யதி³ மது⁴காண்டே³ கா³ர்க்³யகாஶ்யஸம்வாதே³ ப்ராணாதீ³நாம் கர்த்ருத்வாதி³நிராகரணேந தேப்⁴யோ வ்யதிரிக்தோ(அ)ஸ்தி விஜ்ஞாநாத்மேதி ஸோ(அ)தி⁴க³தஸ்தர்ஹி கிமிதி பஞ்சமே தத்ஸத்³பா⁴வோ வ்யுத்பாத்³யதே தத்ரா(அ)(அ)ஹ —
புநரிதி ।
யத்³யபி விஜ்ஞாநமயஸத்³பா⁴வஶ்சதுர்தே² ஸ்தி²தஸ்ததா²(அ)பி புநரௌஷஸ்த்யே ப்ரஶ்நே ய: ப்ராணேந ப்ராணிதீத்யாதி³நா ப்ராணநாதி³லிங்க³முபந்யஸ்ய தல்லிங்க³க³ம்ய: ஸாமாந்யேநாதி⁴க³த: ஸ த்³ருஷ்டேர்த்³ரஷ்டேத்யாதி³நா கூடஸ்த²த்³ருஷ்டிஸ்வபா⁴வோ விஶேஷதோ நிஶ்சிதஸ்ததா² ச பஞ்சமே(அ)பி தத்³வ்யுத்பாத³நமுசிதமித்யர்த²: ।
ஆத்மா கூடஸ்த²த்³ருஷ்டிஸ்வபா⁴வஶ்சேத்கத²ம் தஸ்ய ஸம்ஸாரஸ்தத்ரா(அ)(அ)ஹ —
தஸ்ய சேதி ।
அஜ்ஞாநம் தத்கார்யம் சாந்த:கரணாதி³ பரோபாதி⁴ஶப்³தா³ர்த²: ।
ஸம்ஸாரஸ்யா(அ)(அ)த்மந்யௌபாதி⁴கத்வே த்³ருஷ்டாந்தமாஹ —
யதே²தி।
தா³ர்ஷ்டாந்திகஸ்யாநேகரூபத்வாத³நேகத்³ருஷ்டாந்தோபாதா³நமித்யபி⁴ப்ரேத்ய தா³ர்ஷ்டாந்திகமாஹ —
ததே²தி।
யதோ²க்தத்³ருஷ்டாந்தாநுஸாரேணா(அ)(அ)த்மந்யபி பரோபாதி⁴: ஸம்ஸார இதி யாவத் ।
ஸோபாதி⁴கஸ்யா(அ)(அ)த்மந: ஸம்ஸாரித்வமுக்த்வா நிருபாதி⁴கஸ்ய நித்யமுக்தத்வமாஹ —
நிருபாதி⁴க இதி ।
நிருபாக்²யத்வம் வாசாம் மநஸாம் சாகோ³சரத்வம் । கத²ம் தர்ஹி தத்ரா(அ)(அ)க³மப்ராமாண்யம் தத்ரா(அ)(அ)ஹ —
நேதி நேதீதி வ்யபதே³ஶ்ய இதி ।
கஹோலப்ரஶ்நோக்தமநுத்³ரவதி —
ஸாக்ஷாதி³தி।
அக்ஷரப்³ராஹ்மணோக்தம் ஸ்மாரயதி —
அக்ஷரமிதி ।
அந்தர்யாமிப்³ராஹ்மணோக்தம் ஸ்மாரயதி —
அந்தர்யாமீதி।
ஶாகல்யப்³ராஹ்மணோக்தமநுஸந்த³தா⁴தி —
ஔபநிஷத³ இதி ।
பாஞ்சமிகமர்த²மித்த²மநூத்³யாதீதே ப்³ராஹ்மணத்³வயே வ்ருத்தமநுபா⁴ஷதே —
ததே³வேதி।
யத்ஸாக்ஷாத³பரோக்ஷாத்ஸர்வாந்தரம் ப்³ரஹ்ம ததே³வாதி⁴க³மநோபாயவிஶேஷோபத³ர்ஶநபுர:ஸரம் புநரதி⁴க³தமிதி ஸம்ப³ந்த⁴: ।
ஷடா³சார்யப்³ராஹ்மணார்த²ம் ஸம்க்ஷிப்ய கூர்சப்³ராஹ்மணார்த²ம் ஸம்க்ஷிபதி —
இந்த⁴ இத்யாதி³நா ।
இந்த⁴ஸ்ய விஶேஷணம் ப்ரவிவிக்தாஹார இதி । ஹ்ருத³யே(அ)ந்தர்யோ லிங்கா³த்மா ஸ ததோ வைஶ்வாநராதி³ந்தா⁴த்ப்ரவிவிக்தாஹாரதர இதி யோஜநா ।
விஶ்வதைஜஸாவுக்தௌ ப்ராஜ்ஞதுரீயே ப்ரத³ர்ஶயதி —
தத: பரேணேதி ।
ததஸ்தஸ்மாத்³விஶ்வாத்தைஜஸாச்ச பரேணவ்யவஸ்தி²தோ யோ ஜக³தா³த்மா ப்ராணோபாதி⁴ரவ்யாக்ருதாக்²ய: ப்ராஜ்ஞஸ்ததோ(அ)பி தமப்யுபாதி⁴பூ⁴தம் ஜக³தா³த்மாநம் கேவலே ப்ரதீசி வித்³யயா ப்ரவிலாப்ய ஸ ஏஷ நேதி நேதீதி யத்துரீயம் ப்³ரஹ்ம தத³தி⁴க³தமிதி ஸம்ப³ந்த⁴: ।
வித்³யயோபாதி⁴விலாபநே த்³ருஷ்டாந்தமாஹ —
ரஜ்ஜ்வாதா³விதி ।
அப⁴யம் வை ஜநகேத்யாதா³வுக்தமநுவத³தி —
ஏவமிதி ।
கூர்சப்³ராஹ்மணோக்தமர்த²மநுபா⁴ஷிதம் ஸம்க்ஷிப்யா(அ)(அ)ஹ —
அத்ர சேதி ।
அந்யப்ரஸம்கே³நோபாஸநாநாம் க்ரமமுக்திப²லத்வப்ரத³ர்ஶநப்ரஸம்கே³நேதி யாவத் ।
தேஷாமுபந்யாஸமேவாபி⁴நயதி —
இந்த⁴ இத்யாதி³நா ।
வ்ருத்தமநூத்³யோத்தரப்³ராஹ்மணஸ்ய தாத்பர்யமாஹ —
இதா³நீமிதி ।
ஆதி³ஶப்³த³: ஸுஷுப்திதுரீயஸம்க்³ரஹார்த²: । தர்கஸ்ய மஹத்த்வம் சதுர்வித⁴தோ³ஷராஹித்யேநாபா³தி⁴தத்வம் । அதி⁴க³மஸ்தஸ்யைவ ப்ரஸ்துதஸ்ய ப்³ராஹ்மண இதி ஶேஷ: । கர்தவ்ய இதீத³மிதா³நீமாரப்⁴யத இதி ஸம்ப³ந்த⁴: ।
கிமித³ம் ப்³ரஹ்மணோ(அ)தி⁴க³மஸ்ய கர்தவ்யத்வம் நாம ததா³ஹ —
அப⁴யமிதி ।
அதி⁴க³ந்தவ்யமர்தா²ந்தரமாஹ —
ஸத்³பா⁴வஶ்சேதி ।
ப்ராக³பி ஸத்³பா⁴வஸ்தஸ்யாதி⁴க³தஸ்தத்கிமர்த²ம் புநஸ்தாத³ர்த்²யேந ப்ரயத்யதே தத்ரா(அ)ஹ —
விப்ரதிபத்தீதி ।
பா³ஹ்யாநாம் விப்ரதிபத்த்யா நாஸ்தித்வஶங்காயாம் தந்நிராஸத்³வாரா(அ)(அ)த்மந: ஸத்³பா⁴வோ(அ)தி⁴க³ந்தவ்ய இத்யர்த²: ।
ஆத்மநோ(அ)ஸ்தித்வே(அ)பி கேசித்³தே³ஹாதௌ³ தத³ந்தர்பா⁴வமப்⁴யுபயந்தி தாந்ப்ரத்யாஹ —
வ்யதிரிக்தத்வமிதி ।
தே³ஹாதி³வ்யதிரிக்தோ(அ)ப்யாத்மா கர்தா போ⁴க்தா சேத்யேகே போ⁴க்தைவ கேவலமித்யபரே தாந்ப்ரத்யுக்தம் —
ஶுத்³த⁴த்வமிதி ।
தஸ்ய ஜட³த்வபக்ஷம் ப்ரத்யாசஷ்டே —
ஸ்வயஞ்ஜ்யோதிஷ்ட்வமிதி।
தத்ர கூடஸ்த²த்³ருஷ்டிஸ்வபா⁴வத்வம் ஹேதுமாஹ —
அலுப்தேதி ।
ஏதேந விஜ்ஞாநஸ்ய கு³ணத்வபக்ஷோ(அ)பி ப்ரத்யுக்தோ வேதி³தவ்ய: ।
யே த்வாநந்த³மாத்மகு³ணமாஹுஸ்தாந்ப்ரத்யாஹ —
நிரதிஶயேதி ।
ஆத்மந: ஸப்ரபஞ்சத்வபக்ஷம் ப்ரத்யாதி³ஶதி —
அத்³வைதத்வம் சேதி ।
ப்³ராஹ்மணதாத்பர்யமபி⁴தா⁴யா(அ)(அ)க்²யாயிகாதாத்பர்யமாஹ —
ஆக்²யாயிகா த்விதி ।
வித்³யாயா: ஸம்ப்ரதா³நம் ஶிஷ்யஸ்தஸ்ய க்³ரஹணவிதி⁴: ஶ்ரத்³தா⁴தி³ப்ரகாரஸ்தஸ்ய ப்ரகாஶநார்தே²யமாக்²யாயிகேதி யாவத் ।
ப்ரயோஜநாந்தரம் தஸ்யா த³ர்ஶயதி —
வித்³யேதி ।
கத²ம் கர்மப்⁴யோ விஶேஷதோ வித்³யாயா: ஸ்துதிரத்ர லக்ஷ்யதே தத்ரா(அ)(அ)ஹ —
வரேதி ।
காமப்ரஶ்நாக்²யஸ்ய வரஸ்ய யாஜ்ஞவல்க்யேந ராஜ்ஞே த³த்தத்வாத்தேந சாவஸரே ப்³ரஹ்மஜ்ஞாநஸ்யைவ ப்ருஷ்டத்வாத³நேந விதி⁴நா வித்³யாஸ்துதே: ஸூசநாத்ஸா(அ)ப்யத்ர விவிக்ஷிதேத்யர்த²: ।