ப்ரஸம்கா³தா³க³தம் பரபக்ஷம் நிராக்ருத்ய ஶ்ருதிவ்யாக்²யாநமேவாநுவர்தயந்நுத்தரவாக்யதாத்பர்யமாஹ —
யதே²தி ।
ஏவமாத்மா தே³ஹபே⁴தே³(அ)பி வர்தமாநம் ஜந்ம த்யஜஞ்ஜந்மாந்தரம் சோபாத³தா³ந: கார்யகரணாந்யதிக்ராமதீதி ஶேஷ: । அத: ஸ்வப்ரஜாக³ரிதஸம்சாராத்³தே³ஹாத்³யதிரேகவதி³ஹலோகபரலோகஸம்சாரோக்த்யா(அ)பி தத³திரேகஸ்தஸ்யோச்யதே(அ)நந்தரவாக்யேநேத்யர்த²: ।
ஸம்ப்ரத்யுத்தரம் வாக்யம் க்³ருஹீத்வா வ்யாகரோதி —
ஸ வா இத்யாதி³நா ।
பாப்மஶப்³த³ஸ்ய லக்ஷணயா தத்கார்யவிஷயத்வம் த³ர்ஶயதி —
பாப்மஸமவாயிபி⁴ரிதி ।
பாப்மஶப்³த³ஸ்ய பாபவாசித்வே(அ)பி கார்யஸாம்யாத்³த⁴ர்மே(அ)பி வ்ருத்திம் ஸூசயதி —
த⁴ர்மாத⁴ர்மேதி ।
உக்தமர்த²ம் த்³ருஷ்டாந்தத்வேநாநுவத³தி —
யதே²தி ।
அவஸ்தா²த்³வயஸம்சாரஸ்ய லோகத்³வயஸம்சாரம் தா³ர்ஷ்டாந்திகமாஹ —
ததே²தி ।
இஹலோகபரலோகாநவரதம் ஸம்சரதீதி ஸம்ப³ந்த⁴: ।
ஸம்சரணப்ரகாரம் ப்ரகடயதி —
ஜந்மேதி ।
ஜந்மநா கார்யகரணயோருபாத³நம் மரணேந ச தயோஸ்த்யாக³மவிச்சே²தே³ந லப⁴மாநோ மோக்ஷாத³ர்வாக³நவரதம் ஸம்சரந்து³:கீ² ப⁴வதீத்யர்த²: ।
ஸ வா இத்யாதி³வாக்யதாத்பர்யமுபஸம்ஹரதி —
தஸ்மாதி³தி ।
தச்ச²ப்³தா³ர்த²மேவ ஸ்பு²டயதி —
ஸம்யோகே³தி ।
கத²மேதாவதா தேப்⁴யோ(அ)ந்யத்வம் தத்ரா(அ)(அ)ஹ —
ந ஹீதி ।
ஸ்வாபா⁴விகஸ்ய ஹி த⁴ர்மஸ்ய ஸதி ஸ்வபா⁴வே குத: ஸம்யோக³வியோகௌ³ வஹ்ந்யௌஷ்ண்யாதி³ஷ்வத³ர்ஶநாத்கார்யகரணயோஶ்ச ஸம்யோக³விபா⁴க³வஶாத³ஸ்வாபா⁴விகத்வே ஸித்³த⁴மாத்மநஸ்தத³ந்யத்வமித்யர்த²: ॥ 8 ॥