யத்து விஜ்ஞாநஸ்ய து³:கா²த்³யுபப்லுதத்த்வம் தத்³தூ³ஷயதி —
ஸர்வஸ்ய சேதி ।
ஶுத்³த⁴த்வாத்தத்ஸம்ஸர்க³த்³ரஷ்ட்ரபா⁴வாச்ச ந ஜ்ஞாநஸ்ய து³:கா²தி³ஸம்ப்லவ: ஸ்வஸம்வேத்³யத்வாங்கீ³காராதி³த்யர்த²: ।
ஜ்ஞாநஸ்ய ஶுத்³த⁴போ³தை⁴கஸ்வாபா⁴வ்யமஸித்³த⁴ம் தா³டி³மாதி³வந்நாநாவித⁴து³:கா²த்³யம்ஶவத்வாஶ்ரயணாதி³த்யாஶங்க்யா(அ)(அ)ஹ —
ந சேதி ।
தத்ரைவ ஹேத்வந்தரமாஹ —
அநித்யேதி ।
தேஷாம் தத்³த⁴ர்மத்வே ஸத்யநுபூ⁴யமாநத்வாத்ததோ(அ)திரிக்தத்வம் ஸ்யாத்³த⁴ர்மாணாம் த⁴ர்மிமாத்ரத்வாபா⁴வாந்மேயாநாம் ச மாநாத³ர்தா²ந்தரத்வாத³தோ யந்மேயம் ந தஜ்ஜ்ஞாநாம்ஶோ யதா² க⁴டாதி³ மேயம் ச து³:கா²தீ³த்யர்த²: ।
ஜ்ஞாநஸ்ய து³:கா²தி³த⁴ர்மோ ந ப⁴வதி கிந்து ஸ்வரூபமேவேதி ஶங்காமநுபா⁴ஷ்ய தோ³ஷமாஹ —
அதே²த்யாதி³நா ।
அநுபபத்திமேவ ப்ரகடயதி —
ஸம்யோகீ³த்யாதி³நா ।
ஸ்வாபா⁴விகஸ்யாபி வியோகோ³(அ)ஸ்தி புஷ்பரக்தத்வாதீ³நாம் ததோ²பலம்பா⁴தி³த்யாஶங்க்யா(அ)(அ)ஹ —
யத³பீதி ।
த்³ரவ்யாந்தரஶப்³தே³ந புஷ்பஸம்ப³ந்தி⁴நோ(அ)வயவாஸ்தத்³க³தரக்தத்வாத்³யாரம்ப⁴கா விவக்ஷிதா: । விமதம் ஸம்யோக³பூர்வகம் விபா⁴க³வத்த்வாந்மேஷாதி³வதி³த்யநுமாநாந்ந ஸ்வாபா⁴விகஸ்ய ஸதி வஸ்துநி நாஶோ(அ)ஸ்தீத்யர்த²: ।
அநுமாநாநுகு³ணம் ப்ரத்யக்ஷம் த³ர்ஶயதி —
பீ³ஜேதி ।
கார்பாஸாதி³பீ³ஜே த்³ரவ்யவிஶேஷஸம்பர்காத்³ரக்தத்வாதி³வாஸநயா தத்புஷ்பாதீ³நாம் ரக்தாதி³கு³ணோத³யோபலம்பா⁴த்தத்ஸம்யோகி³த்³ரவ்யாபக³மாதே³வ தத்புஷ்பாதி³ஷு ரக்தத்வாத்³யபக³திரித்யர்த²: ।
விஶுத்³த்⁴யநுபபத்திமுபஸம்ஹரதி —
அத இதி ।
கல்பநாந்தரமநூத்³ய தூ³ஷயதி —
விஷயவிஷயீதி ।
கத²ம் புநர்ஜ்ஞாநஸ்யாந்யேந ஸம்ஸர்கா³பா⁴வஸ்தஸ்ய விஷயேண ஸம்ஸர்கா³தி³த்யாஶங்க்யா(அ)(அ)ஹ —
ந ஹீதி ।
அதா²ந்யஸம்ஸர்க³மந்தரேணாபி ஜ்ஞாநஸ்ய விஷயவிஷய்யாபா⁴ஸத்வமலம் ஸ்யாதி³தி சேத்தத்ரா(அ)(அ)ஹ —
அஸதி சேதி ।
கல்பநாத்³வயமப்ராமாணிகமநாதே³யமித்யுபஸம்ஹரதி —
தஸ்மாதி³தி ।
கல்பநாந்தரமுத்தா²பயதி —
யத³பீதி ।
உபஶாந்திநிர்வாணஶப்³தா³ர்த²: ।
தூ³ஷயதி —
தத்ராபீதி ।
ப²ல்யபா⁴வே(அ)பி ப²லம் ஸ்யாதி³தி சேந்நேத்யாஹ —
கண்டகேதி ।
தா³ர்ஷ்டாந்திகம் விவ்ருணோதி —
யஸ்ய ஹீதி ।
நநு த்வந்மதே(அ)பி வஸ்துநோ(அ)த்³வயத்வாத்தஸ்யாஸம்க³ஸ்ய கேநசித³பி ஸம்யோக³வியோக³யோரயோகா³த்ப²லித்வாஸம்ப⁴வே மோக்ஷாஸம்ப⁴வாதி³ துல்யமித்யாஶங்க்யா(அ)(அ)ஹ —
யஸ்ய புநரிதி ।
யத்³யபி பூர்ணம் வஸ்து வஸ்துதோ(அ)ஸம்க³மங்கீ³க்ரியதே ததா²(அ)பி க்ரியாகாரகப²லபே⁴த³ஸ்யாவித்³யாமாத்ரக்ருதத்வாத³ஸ்மந்மதே ஸர்வவ்யவஹாரஸம்ப⁴வாந்ந ஸாம்யமிதி பா⁴வ: ।
நநு பா³ஹ்யார்த²வாதோ³ விஜ்ஞாநவாத³ஶ்ச நிராக்ருதௌ ஶூந்யவாதோ³ நிராகர்தவ்யோ(அ)பி கஸ்மாந்ந நிராக்ரியதே தத்ரா(அ)(அ)ஹ —
ஶூந்யத்வாதீ³தி ।
ஸமஸ்தஸ்ய வஸ்துந: ஸத்த்வேந பா⁴நாந்மாநாநாம் ச ஸர்வேஷாம் ஸத்³விஷயத்வாச்சூ²ந்யஸ்ய சாவிஷயதயா ப்ராப்த்யபா⁴வேந நிராகரணாநர்ஹத்வாத்தத்³விஷயத்வே ச ஶூந்யவாதி³நைவ விஷயநிராகரணோக்த்யா ஶூந்யஸ்யாபஹ்நவாத்தஸ்ய ச ஸ்பு²ரணாஸ்பு²ரணயோ: ஸர்வஶூந்யத்வாயோகா³த்தத்³வாதி³நஶ்ச ஸத்த்வாஸத்த்வயோஸ்தத³நுபபத்தே: ஸம்வ்ருதேஶ்சா(அ)(அ)ஶ்ரயாபா⁴வாத³ஸம்ப⁴வாத்ததா³ஶ்ரயத்வே ச ஶூந்யஸ்ய ஸ்வரூபஹாநாந்நிராஶ்ரயத்வே சாஸம்வ்ருதித்வாந்நாஸ்மாபி⁴ஸ்தத்³வாத³நிராஸாயா(அ)(அ)த³ர: க்ரியதே தத்ஸித்³த⁴ம் பு³த்³த்⁴யாஷ்வதிரிக்தம் நித்யஸித்³த⁴மத்யந்தஶுத்³த⁴ம் கூடஸ்த²மத்³வயமாத்மஜ்யோதிரிதி பா⁴வ: ॥ 7 ॥