ஶ்யேநவாக்யமவதாரயிதும் வ்ருத்தம் கீர்தயதி —
அத்ர சேதி ।
பூர்வஸந்த³ர்ப⁴: ஸப்தம்யர்த²: ।
தே³ஹத்³வயேந ஸப்ரயோஜகேந வஸ்துதோ(அ)ஸம்ப³ந்தே⁴ ப²லிதமாஹ —
ஸ்வத இதி ।
கத²ம் தர்ஹி தத்ர ஸம்ஸாரித்வதீ⁴ரித்யாஶங்க்யாஹ —
உபாதீ⁴தி ।
ஔபாதி⁴கஸ்யாபி வஸ்துத்வமாஶங்க்யா(அ)(அ)ஹ —
அவித்³யேதி ।
வ்ருத்தமநூத்³யோத்தரக்³ரந்த²மவதாரயந்பூ⁴மிகாமாஹ —
தத்ரேதி ।
ஸ்தா²நத்ரயஸம்ப³ந்தி⁴த்வேந விப்ரகீர்ணே விஶ்லிஷ்டம் ரூபமஸ்யேத்யாத்மா ததா² । பஞ்சீக்ருத்ய விவக்ஷிதம் ஸர்வம் விஶேஷணமாதா³யேதி யாவத் ।
ஏகத்ரேதி வாக்யோக்தி: । தத்ர ஹேதும் வத³ஞ்ஜாக்³ரத்³வாக்யேந விவக்ஷிதாத்மோக்திரித்யாஹ —
யஸ்மாதி³தி ।
ஸஸம்க³த்வாதே³ர்த்³ருஶ்யமாநரூபஸ்ய மித்²யாத்வம் ஸூசயதி —
அவித்³யயேதி ।
ஸ்வப்நவாக்யே விவக்ஷிதாத்மஸித்³தி⁴மாஶங்க்யா(அ)(அ)ஹ —
ஸ்வப்நே த்விதி ।
தர்ஹி ஸுஷுப்தவாக்யே தத்ஸித்³தி⁴ர்நேத்யாஹ —
ஸுஷுப்தே புநரிதி ।
தத்ராப்யவித்³யாநிர்மோகோ ந ப்ரதிபா⁴தீதி பா⁴வ: ।
ஏவம் பாதநிகாம் க்ருத்வா ஶ்யேநவாக்யமாத³த்தே —
ஏகவாக்யதயேதி ।
பூர்வவாக்யாநாமிதி ஶேஷ: ।
குத்ர தர்ஹி யதோ²க்தமாத்மரூபம் பஞ்சீக்ருத்ய ப்ரத³ர்ஶ்யதே தத்ரா(அ)(அ)ஹ —
ஸுஷுப்தே ஹீதி ।
தத்ராப⁴யமித்யவித்³யாராஹித்யமுச்யதே ஸா ச ஸுஷுப்தே ஸ்வரூபேண ஸத்யபி நாபி⁴வ்யக்தா பா⁴தீதி த்³ரஷ்டவ்யம் । யஸ்மாத்ஸுஷுப்தே யதோ²க்தமாத்மரூபம் வக்ஷ்யதே தஸ்மாதி³தி யாவத் ।
ஏவம்ரூபமித்யேததே³வ ப்ரகடயதி —
விலக்ஷணமிதி ।
கர்யகரணவிநிர்முக்தம் காமகர்மாவித்³யாரஹிதமித்யர்த²: ।
ஸ்தா²நத்³வயம் ஹித்வா கத²ம் ஸுஷுப்தம் ப்ரவேஷ்டுமிச்ச²தீதி ப்ருச்ச²தி —
தத்கத²மிதி ।
ஸ்வப்நாதௌ³ து³:கா²நுப⁴வாத்தத்த்யாகே³ந ஸுஷுப்தம் ப்ராப்நோதீத்யாஹ —
ஆஹேதி ।
அதோ²த்தரா ஶ்ருதி: ஸ்தா²நாந்தரப்ராப்திமபி⁴த⁴த்தாம் ததா²(அ)பி கிம் த்³ருஷ்டாந்தவசநேநேத்யாஶங்க்யா(அ)(அ)ஹ —
த்³ருஷ்டாந்தேநேதி ।
அஸ்யார்த²ஸ்ய ஸுஷுப்திரூபஸ்யேத்யேதத் । ஸ ஏவார்த²ஸ்தத்ரேதி ஸப்தம்யர்த²: । பரமாத்மாகாஶம் வ்யாவர்தயிதும் பௌ⁴திகவிஶேஷணம் । மஹாகாயோ மந்த³வேக³: ஶ்யேந: ஸுபர்ணஸ்து வேக³வாநல்பவிக்³ரஹ இதி பே⁴த³: । தா⁴ரணே ஸௌகர்யம் வக்தும் ஸ்வயமேவேத்யுக்தம் । ஸ்வப்நஜாக³ரிதயோரவஸாநமந்தமஜ்ஞாதம் ப்³ரஹ்ம । ததா² ந கஞ்சந ஸ்வப்நமிதி ஸ்வப்நஜாக³ரிதயோரவிஶேஷேண ஸர்வம் த³ர்ஶநம் நிஷித்⁴யத இதி ஶேஷ: ।