ಶ್ಯೇನವಾಕ್ಯೇನಾಽಽತ್ಮನಃ ಸೌಷುಪ್ತಂ ರೂಪಮುಕ್ತಮಿದಾನೀಂ ನಾಡೀಖಂಡಸ್ಯ ಸಂಬಂಧಂ ವಕ್ತುಂ ಚೋದಯತಿ —
ಯದ್ಯಸ್ಯೇತಿ ।
ಪರಃ ಸನ್ನುಪಾಧಿರ್ಬುದ್ಧ್ಯಾದಿಃ ।
ಅಸಂಗತ್ವತಃ ಸ್ವತೋ ಬುದ್ಧ್ಯಾದಿಸಂಬಂಧಾಸಂಭವಮುಪೇತ್ಯಾಽಽಹ —
ಯನ್ನಿಮಿತ್ತಂ ಚೇತಿ ।
ಸಿದ್ಧಾಂತಾಭಿಪ್ರಾಯಮನೂದ್ಯ ಪೂರ್ವವಾದೀ ವಿಕಲ್ಪಯತಿ —
ತಸ್ಯಾ ಇತಿ ।
ಆಗಂತುಕತ್ವಮಸ್ವಾಭಾವಿಕತ್ವಮ್ ।
ಆದ್ಯೇ ಮೋಕ್ಷಾನುಪಪತ್ತಿಂ ವಿವಕ್ಷಿತ್ವಾಽಽಹ —
ಯದಿ ಚೇತಿ ।
ಅಸ್ತು ತರ್ಹಿ ದ್ವಿತೀಯೋ ಮೋಕ್ಷೋಪಪತ್ತೇರಿತ್ಯಾಶಂಕ್ಯಾಽಽಹ —
ತಸ್ಯಾಶ್ಚೇತಿ ।
ಮಾ ಭೂದವಿದ್ಯಾಽಽತ್ಮಸ್ವಭಾವಸ್ತದ್ಧರ್ಮಸ್ತು ಸ್ಯಾದ್ಧರ್ಮ್ಯಂತರಾಭಾವಾದಿತ್ಯಾಹ —
ಕಥಂ ವೇತಿ ।
ತತ್ರೋತ್ತರತ್ವೇನೋತ್ತರಗ್ರಂಥಮುತ್ಥಾಪಯತಿ —
ಸರ್ವಾನರ್ಥೇತಿ ।